កម្ពុជា-ចិន៖ រាត្រីសមោសថ្ងៃ១០កុម្ភៈ ដើម្បីពង្រីកទំនាក់ទំនង
- ដោយ: ប្រាថ្នា អត្ថបទ៖ប្រាថ្នា ([email protected]) - យកការណ៍៖ស្រ៊ុន ទិត្យ - ភ្នំពេញ ថ្ងៃទី០២ កុម្ភៈ ២០១៥
- កែប្រែចុងក្រោយ: February 03, 2015
- ប្រធានបទ: មេត្រីភាព
- អត្ថបទ: មានបញ្ហា?
- មតិ-យោបល់
-
រាត្រីសមោលស និងនិទាឃរដូវ ពង្រីកទំនាក់ទំនងមិត្តភាព កម្ពុជា-ចិន ឆ្នាំ២០១៥ នៅឯសាលសន្និបាតកោះពេជ្រ នឹងត្រូវគ្រោងធ្វើនៅថ្ងៃទី ១០ ខែកុម្ភៈខាងមុខនេះ ជាមួយភ្ញៀវកិត្តិយស កម្ពុជា-ចិន ចូលរួមប្រមាណជាង៣ពាន់នាក់។
ថ្លែងក្នុងពិធីកិច្ចពិភាក្សាជាមួយលោកស្រីតំណាងស្ថានទូតចិន និងគណៈប្រតិភូខេត្តយូណាន នៅថ្ងៃទី០២ ខែកុម្ភៈនេះ លោក ខៀវ កាញារិទ្ធ រដ្ឋមន្រ្តីក្រសួងព័ត៌មានបានឱ្យដឹងថា កម្មវិធីសមោលសរនេះ ជារៀងរាល់ឆ្នាំកម្មវិធីនេះ តែងត្រូវបានប្រារព្ធធ្វើ នៅតាមបណ្តាប្រទេសនីមួយៗ ក្នុងតំបន់អាស៊ាន ដែលកាលពីឆ្នាំមុនៗបានធ្វើ នៅក្នុងប្រទេសឡាវ ថៃ និងក្នុងឆ្នាំ២០១៥នេះ ផ្តួចផ្តើមធ្វើក្នុងប្រទេសកម្ពុជា។
លោកថា នេះជាកម្មវិធីដ៏ធំមួយ ដែលមានការចូលរួមពីភ្ញៀវកិត្តិយស សិល្បៈករ សិល្បៈការិនីរវាងប្រទេសទាំងពីរ ប្រមាណជាងបីពាន់។ កម្មវិធីនេះ ធ្វើឡើងនៅសាលសន្និបាត នៃមជ្ឈមណ្ឌលពាណិជ្ជកម្មកោះពេជ្រ ក្នុងថ្ងៃទី១០ ខែកុម្ភៈ ឆ្នាំ២០១៥ ខាងមុខ។
លោករដ្ឋមន្រ្តីក្រសួងព័ត៌មាន បានពន្យល់ថា៖ «អញ្ចឹងថ្ងៃនេះ យើងជជែកគ្នាលម្អិត ពីកម្មវិធីនីមួយៗទាំងការទទួលភ្ញៀវ ពីការរៀបចំកន្លែង ពិធីអីហ្នឹង។ យើងត្រូវការរៀបកម្មវិធីឱ្យបានច្បាស់លាស់ ព្រោះថាកម្មវិធីនេះ វាមានភ្ញៀវថ្នាក់កិត្តិយស ថ្នាក់ធម្មតា យើងត្រូវរៀបចំដើម្បីកុំឱ្យមានភាពរញ៉េរញ៉ៃ ហើយក៏កុំឱ្យចង្អៀតចម្អល់។ យើងក៏ផ្សាយផ្ទាល់តាមទូរទស្សន៍ផង។»។
លោកបានឱ្យដឹងបន្តថា នៅថ្ងៃទី៥កុម្ភៈខាងមុខនេះ នឹងមានការជួបជុំគ្នារវាងសិល្បៈករជាង២០០នាក់ ដើម្បីជជែកគ្នាការរៀបចំកម្មវិធីនេះ។ កម្មវិធីសមោលសរមិត្តភាព កម្ពុជា-ចិន នឹងមានការសម្តែងសិល្បៈរួមគ្នារវាងសិល្បៈករ សិល្បៈការនីកម្ពុជា និងចិនផងដែរ៕