កឹម សុខា ដើរ​​ចេញ​​ពី​​សភា មិន​​អនុម័ត​​លើ​សេចក្ដី​ថ្លែង​ហេតុ នៃ​សេចក្ដី​ព្រាង​ច្បាប់ (vdo)

លោក កឹម សុខា អនុប្រធានរដ្ឋសភាជាតិ បានងើបចេញពីកៅអី ដើរចេញពីអង្គប្រជុំពេញអង្គ នៃរដ្ឋសភា ដើម្បីបង្ហាញ​ការ​មិន​ពេញ​ចិត្ត​របស់​លោក ទៅនឹងសេចក្ដីថ្លែងហេតុ នៃសេចក្ដីព្រាងច្បាប់ ស្ដីពី«ហិរញ្ញវត្ថុសម្រាប់គ្រប់គ្រងឆ្នាំ២០១៥»។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី២៨ វិច្ឆិកា ២០១៤
  • កែប្រែចុងក្រោយ: November 28, 2014
  • ប្រធានបទ: ហិរញ្ញវត្ថុ
  • អត្ថបទ: មានបញ្ហា?
  • មតិ-យោបល់

អនុប្រធានទីមួយនៃរដ្ឋសភា លោក កឹម សុខា និង​ជា​អនុ​ប្រធាន​គណបក្ស​សង្គ្រោះ​ជាតិ បាន​ប្រកាស​គោល​ជំហរ​ជា​ថ្មី ក្នុង​ការ​មិន​ទទួល​យក និង​មិន​ចូល​រួម​អនុម័ត លើ​សេចក្ដី​ថ្លែង​ហេតុ នៃ​សេចក្ដី​ព្រាង​ច្បាប់ ស្ដី​ពី​«ហិរញ្ញវត្ថុ​សម្រាប់​គ្រប់​គ្រង​ឆ្នាំ​២០១៥»​ទេ ព្រោះ​តែ​គ្មាន​ការ​បញ្ជាក់​ណា​មួយ​ច្បាស់​លាស់ ពី​រដ្ឋាភិបាល។

ក្នុងកិច្ចសម្ភាសជាមួយអ្នកសារព័ត៌មាន នៅ​មន្ទីរ​រដ្ឋសភា មុន​ពេល​ចាក​ចេញ លោក កឹម សុខា បាន​លើក​ឡើង​ថា តាម​ការ​សិក្សា​របស់​លោក ឃើញ​មាន​បញ្ហា​ជា​ច្រើន ដូច​ជា​ការ​បាត់​បង់​ចំណូល​យ៉ាង​ច្រើន និង​រាល់​ការ​ចំណាយ​នានា មិន​ចំ​គោល​ដៅ​ជា​ដើម។ លោក​បាន​លើក​ជា​ឧទាហរណ៍​ថា ដូច​ជា​ថវិការ​សម្រាប់​ជួយ​ចាស់​ជរា ៤០០០០​រៀល​ក្នុង​មួយ​ខែ ប្រាក់​មាន​តែ​មិន​ឲ្យ ដូច​ជា​លុយ​តម្លើង​ប្រាក់​បៀវត្ស​ជូន​មន្ត្រី​រាជការ កង​កម្លាំង​ប្រដាប់​អាវុធ មួយ​លាន​រៀល​ក្នុង​មួយ​ខែ លុយ​មាន​តែ​មិន​ឲ្យ។

កិច្ចសម្ភាសក្នុងថ្ងៃទី២៨ ខែវិច្ឆិកានេះ លោកបន្តថា បើមានការតម្លើងប្រាក់បៀវត្ស សម្រាប់មន្រ្តីរាជការដ៏​តិច​តួច នាពេលកន្លងមក ក៏ពិតមែន តែរាល់ទំនិញលើទីផ្សារ ក៏ត្រូវបានឡើងតាម ដែលមានតម្លៃរឹតតែខ្ពស់​ជាង​ប្រាក់ខែ ដែលទទួលបាននោះ។ នៅពេលដែលត្រូវធ្វើការតម្លើងជាបន្ត បែរជាមិនអាចធ្វើទៅបាន ព្រោះតែ​ការ​បាត់នូវចំណូលពីពន្ធនានា ដូចជាពន្ធលើប្រេងសាំងជាដើម។

លោកបានបន្តថា បញ្ហាសុខាភិបាលនៅខ្សោយ វិស័យអប់រំក៏គ្មានគុណភាព។ ក្នុងនាមលោក តំណាងឲ្យ​គណបក្សសង្គ្រោះជាតិ ត្រូវការលើកយកចំណុចលំអិតទាំងអស់ មកធ្វើការជជែកជាបន្តជាមួយរដ្ឋាភិបាល ដើម្បីធ្វើយ៉ាងណាឲ្យមានការកែសម្រួល ហើយលោកក៏មិនអាចទទួលយកបានដែរ នូវរយៈពេលដែល​រដ្ឋាភិបាល ដាក់សម្រាប់គណបក្សសង្គ្រោះជាតិធ្វើការពិនិត្យ លើសេចក្តីព្រាងច្បាប់ថវិការ សម្រាប់ឆ្នាំ២០១៥​នោះ។

សូមទស្សនាវីដេអូនែកិច្ចសម្ភាសដូចខាងក្រោម៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...