ពុង ឈីវកេក ត្រូវបានច្រានចេញពីសមាជិក គ.ជ.ប ដោយច្បាប់ គ.ជ.ប ថ្មី?
- ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី១៨ វិច្ឆិកា ២០១៤
- កែប្រែចុងក្រោយ: November 18, 2014
- ប្រធានបទ: បោះឆ្នោត
- អត្ថបទ: មានបញ្ហា?
- មតិ-យោបល់
-
លោក ប៊ិន ឈិន ប្រធានក្រុមការងារ នៃកិច្ចប្រជុំបច្ចេកទេសមកពីគណបក្សប្រជាជនកម្ពុជា បានលើកឡើងដោយសំអាងលើច្បាប់ថ្មី ក្នុងការទាត់ចោលលោកស្រី ពុង ឈីវកេក ចេញពីសមាជិកទីប្រាំបួនរបស់ គ.ជ.ប។ លោកបានបញ្ជាក់ថា ការដែលព្រាងច្បាប់ គ.ជ.ប នេះ ធ្វើឡើង ដោយកំណត់យក«សញ្ជាតិតែមួយ»សម្រាប់សមាជិក គ.ជ.ប និងមិនបានសំដៅឆ្ពោះទៅដល់បុគ្គលណាម្នាក់ឡើយ។
«ត្រង់ចំណុចសញ្ជាតិ។ សញ្ជាតិខ្មែរពីកំណើត និងសញ្ជាតិខ្មែរតែមួយគត់។ អាមួយគត់ហ្នឹង មិនឲ្យមានសញ្ជាតិពីរនោះទេ មិនឲ្យមានសញ្ជាតិពីរទេ។ មកធ្វើជាសមាជិក គ.ជ.ប ត្រូវមានសញ្ជាតិខ្មែរពីកំណើត។ ហើយត្រូវមានសញ្ជាតិខ្មែរតែមួយគត់។ (...) ឯរឿងលោកស្រី ពុង ឈីវកេក ពីមុនយើងស្នើគាត់ឲ្យធ្វើជាសមាជិករបស់ គ.ជ.ប. នោះ ដោយយើងមិនដឹងថា គាត់មានសញ្ជាតិពីរ។» នេះជាការបញ្ជាក់បន្ថែមរបស់លោក ប៊ិន ឈិន។
រីឯប្រធានក្រុមការងារនៃគណបក្សសង្គ្រោះជាតិ លោក គួយ ប៊ុនរឿន ហាក់ដូចជាបង្ហាញផ្ទុយគ្នា ចំពោះបញ្ហា«សញ្ជាតិ» ថាច្បាប់មិនមានហាមប្រាមនៅឡើយនោះទេ។ លោកបានពន្យល់ថា លោកចង់ឲ្យមេដឹកនាំដែលរស់នៅស្រុកក្រៅ និងទទួលបានសញ្ជាតិនៃប្រទេសនោះ ហើយមានលក្ខណៈសម្បត្តិ មានចំណេះដឹង ជំនាញដើម្បីមកបម្រើការងារក្នុងប្រទេសកម្ពុជា។ លោកថា បើសិនជាមានការ«បិទ»ផ្លូវចឹងនោះ អាចមានការរើសអើង។ លោកថា «ព្រោះរដ្ឋធម្មនុញ្ញយើង គាំទ្រប្រជាពលរដ្ឋខ្មែររស់នៅក្រៅប្រទេស និងមានសញ្ជាតិពីរ»។
បន្ទាប់ពីបញ្ចប់ជំនួបប្រជុំសម្ងាត់ នាវិមានរដ្ឋសភា លោក ប៊ិន ឈិន ប្រធានក្រុមការងារ នៃគណបក្សប្រជាជនកម្ពុជា បានលើកឡើងជាថ្មីថា បញ្ហា«សញ្ជាតិ» និង«ញាតិលោហិត» ជាចំណុចចំបងនៃស្ថាប័ន គ.ជ.ប នេះ ដែលកមិនអាចឲ្យមានការទាក់ទង និងថ្នាក់ដឹកនាំនៃគណបក្សនយោបាយឡើយ។ ចំណុចទាំងពីនេះ ទុកជាការសម្រេចនៃថ្នាក់ដឹកនាំកំពូល នៃបក្សទាំងពីរ។
បញ្ហាសញ្ជាតិ ក្នុងថ្ងៃទី១៧ ខែវិច្ឆិកា ទស្សនាវដ្តីមនោរម្យ.អាំងហ្វូ មិនអាចសុំការបញ្ជាក់ពីលោកស្រី ពុង ឈីវកេក ប្រធានអង្គការលីកាដូ បានទេនាព្រឹកនេះ ដោយលោកស្រីមិនទទួលទូរស័ព្ទ។
សូមស្តាប់ការបកស្រាយលំអិត របស់លោក ប៊ិន ឈិន និង លោក គួយ ប៊ុនរឿន ជាមួយអ្នកសារព័ត៌មានដូចខាងក្រោម៖