រូបថតស្រីស្អាតម្នាក់ ត្រូវបានកែឆ្នៃដោយអ្នកជំនាញមកពីច្រើនប្រទេស

តើនាងៗមានដែលបានគិតឬទេ ថារូបថតរបស់នាងមួយសន្លឹក ត្រូវបានអ្នកជំនាញខាងកៃឆ្នៃរូបថត (ដោយប្រើកម្មវិធី PhotoShop) មកពីច្រើនប្រទេស ធ្វើការផ្លាស់ប្ដូរ ឲ្យក្លាយជាស្រីស្អាតបានច្រើនប្រភេទនោះ? អត្ថបទនេះ ជាតឹកតាងបង្ហាញឲ្យឃើញថា សម្ផស្សរបស់ស្ត្រី នៅលើលោកយើងនេះ មានភាពស្រស់ស្អាត«ម្យ៉ាងម្នាក់»។

ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី១៤ កញ្ញា ២០១៤
កែប្រែចុងក្រោយ: September 14, 2014
ប្រធានបទ: សម្ផស្ស
អត្ថបទ: មានបញ្ហា?
មតិ-យោបល់

«សុំជួយធ្វើឲ្យខ្ញុំ ក្លាយជាស្រីស្អាត» ជាឃ្លាមួយដែលនារីវ័យក្មេងមួយរូប បាននិយាយទៅកាន់អ្នកជំនាញខាងកែខៃរូបថត នៅលើពិភពលោក ដើម្បីធ្វើយ៉ាងណាឲ្យរូបថតរបស់នាង ក្លាយជានារីម្នាក់ដែលស្អាតបំផុត។ ជាលទ្ធផលមកវិញ រូបថតដែលបានកែខៃរួច មានលក្ខណៈគួរឲ្យចាប់អារម្មណ៍ ហើយយើងក៏ដឹងកាន់តែច្បាស់ដែរថា សោភ័ណភាពរបស់នារី បានប្រែប្រួលទៅតាមទឹកដៃ ឬតាមការឆ្នៃប្រឌិតរបស់អ្នកជំនាញទាំងនោះ ឬអាចនិយាយថា ប្រែប្រួលទៅតាមវប្បធម៌ប្រពៃណី នៃប្រទេសដែលអ្នកជំនាញរស់នៅ។

ដូចកូនកាត់ជាច្រើនក្នុងលោកនេះដែរ នាង ព្រីស៊ីឡា យូគី វីលសុន (Priscilla Yuki Wilson) ជាជនជាតិអាមេរិកាំង ដែលមានម្ដាយជាជនជាតិជប៉ុន និងឪពុកស្បែកខ្មៅ តែងតែបានដណ្ដឹងសួរខ្លួនឯងថា «ខ្ញុំជានរណា?»។ នាងបានសរសេរ នៅក្នុងគេហទំព័រផ្ទាល់ខ្លួនរបស់នាងថា «ខ្ញុំស្ថិតនៅចន្លោះវប្បធម៌ពីរផ្សេងគ្នា ម្ខាងជាម្ដាយខ្ញុំដែលប្រាប់ឲ្យខ្ញុំ កុំឲ្យខ្ញុំមានសម្បុរខ្មៅ រីឯម្ខាងទៀតជាឪពុកខ្ញុំ ដែលប្រាប់ខ្ញុំថា ខ្ញុំនឹងមិនអាចមានស្បែក ស បានទេ»។

ដូច្នេះហើយ កញ្ញា ព្រីស៊ីឡា បានធ្វើយុទ្ធនាការផ្លាស់ប្ដូរសោភ័ណភាពរបស់នាង តាមរយៈរូបថត ជាមួយនឹងក្រុមអ្នកជំនាញខាងកែឆ្នៃរូបថត មកពីជុំវិញពិភពលោក។ តាមរយៈយុទ្ធនាការនេះ យើងក៏អាចដឹងដែរ ពីទស្សនៈវិស័យរបស់អ្នកជំនាញទាំងនោះ តើនារីកូនកាត់មួយរូប មានសម្ផស្ស«ស្អាត»បែបណា។

ប៉ុន្តែបន្ទាប់ពីលទ្ធផល នៃការកែខៃរូបថតរបស់នាងរួច នាង ព្រីស៊ីឡា ទំនងជាមិនបានសប្បាយចិត្តជាងមុនឡើយ។ នាងនិយាយថា៖ «ពួកគេមិនដឹងត្រូវធ្វើដូចម្ដេច ជាមួយរូបរាងរបស់ខ្ញុំនោះទេ។ (...) ពួកគេដូចជាបានប្រាប់មកខ្ញុំវិញថា បើខ្ញុំមានស្បែកភ្លឺជាងមុន ប្រហែលជាល្អជាង និងមានសក់រលើបរលោង ប្រហែលជាមានភាពទាក់ទាញជាង។ ពួកគេធ្វើអញ្ចឹង វាហាក់ដូចជា ស្ត្រីដែលមានលក្ខណៈដូចខ្ញុំសព្វថ្ងៃ មិនមែនជាស្រីស្អាតនោះទេ។»

រូបភាពនៅខាងលើ ជារូបភាពដើម តែនៅពេលនេះ សូមទស្សនារូបភាពកែខៃរួច ដូចខាងក្រោម៖

វៀតណាម៖