រូបភាពនៃគ្រោះថ្នាក់ចរចារណ៍ របស់តារាហ្វេសប៊ុកដ៏ល្បី ប៉ីប៉ីឌី ដែលបានបង្ហោះកាលពីពេលកន្លងទៅថ្មីនេះ នៅលើបណ្តាញសង្គមហ្វេសប៊ុក បានបង្កការចាប់អារម្មណ៍ខ្លាំង ខណៈពេលតារាហ្វេសប៊ុក ដ៏ល្បីល្បាញ​រូបនេះ បានបង្ហោះរូបភាព គ្រោះថ្នាក់ចរាចរណ៍ ដោយមានឈាមប្រលាក់ស្រោចលើ ដែលគេមិនដឹងថា មិន​ដឹងថាស្លាប់ ឬរស់យ៉ាងណានោះទេ។ អ្នកប្រើប្រាស់បណ្តាញសង្គម ដែលគាំទ្រ ប៉ីប៉ីឌី បានសម្តែងអាការៈ​ភ័យគ្រប់ៗគ្នា និងបាននាំផ្តល់យោបល់ ដោយការងឿងឆ្ងល់ថា ពេលតើពេលនេះតើប៉ីប៉ីឌី នឹងទៅជាយ៉ាង​ម៉េចទៅហើយ? រូបភាពបែកឈាមកក្លាក់ ដេកស្តូកស្តឹងនៅលើថ្នល់នេះក៏ត្រូវគេ ចែកចាយជាបន្តបន្ទាប់​ផង​ដែរ។

ប៉ុន្តែប្រិយមិត្តហ្វេសប៊ុកមួយរូប ដែលដឹងថា នេះជាការសម្តែងរបស់ប៉ីប៉ីឌី បានបញ្ចេញឆ្លើយមកវិញ ប៉ីប៉ីឌី ធ្វើដូចមែនទែនណាស់។ ជាមួយនឹងគ្នានេះដែរ Peypey Dy ក៏បានចេញឃ្លិប ស្រាយចម្ងល់របស់​ទស្សនិក​ជន​ដែរថា នេះគ្រាន់តែជាឈុតក្នុងរឿងតែប៉ុណ្ណោះ ដែលថតក្នុងឈុតរឿងថ្មីរបស់ ផលិតកម្ម វេហា ក្រោម​ចំណងជើងថា «ភូមិគ្រឹះបិសាច»។

នៅក្នុងវីដេអូឃ្លីបរបស់ តារាហ្វេសប៊ុក ប៉ីប៉ីឌីបានឱ្យបញ្ជាក់ថា សូមឱ្យប្រិយមិត្តកុំយល់ច្រលំឱ្យសោះ ខ្លួន​មិនងាយស្លាប់ងាយនោះទេ អាយុថ្លៃខ្លាំងណាស់។ ហើយខ្សែភាពយន្ត ដែលខ្លួនបាននឹង​កំពុងតែថត​សម្តែង​នោះគឺជាប្រភេទខ្សែភាពយន្តដ៏រន្ធត់ សូមឱ្យទស្សនិជនជួយគាំទ្រខ្លួនផង៕