កម្ពុជា៖ គណៈរដ្ឋមន្រ្តី​ពិភាក្សា​ផ្តោត​សំខាន់ លើ​ប្រព័ន្ធ​យុត្តិធម៌

បន្ទាប់ពីពិធីបុណ្យចូលឆ្នាំខ្មែរត្រូវបានបញ្ចប់ គណៈរដ្ឋមន្រ្តីកម្ពុជាបានផ្តើមកិច្ចជុំហើយ នៅថ្ងៃទី១៨ ខែមេសា ឆ្នាំ២០១៤នេះ ក្រោមការដឹកនាំរបស់លោកនាយករដ្ឋមន្រ្តីហ៊ុន សែន។ ហើយកិច្ចប្រជុំនេះ ត្រូវបានគេដឹងថា នឹងផ្តោតសំខាន់ទៅលើច្បាប់បីសំខាន់ ដើម្បីធានាដល់ការកែទម្រង់ប្រព័ន្ធតុលាការកម្ពុជា ដែលតែងត្រូវទទួលរងការរិះគន់ថាគ្នានភាពយុត្តិធម៌។
Loading...
  • ដោយ: អ៊ុំ បូរី
  • កែប្រែចុងក្រោយ: April 18, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បន្ទាប់ពីពិធីបុណ្យចូលឆ្នាំខ្មែរត្រូវបានបញ្ចប់ គណៈរដ្ឋមន្រ្តីកម្ពុជាបានផ្តើមកិច្ចជុំហើយ នៅថ្ងៃទី១៨ ខែមេសា ឆ្នាំ​២០១៤នេះ ក្រោមការដឹកនាំរបស់លោកនាយករដ្ឋមន្រ្តីហ៊ុន សែន។ ហើយកិច្ចប្រជុំនេះ ត្រូវបានគេដឹងថា នឹងផ្តោត​សំខាន់ទៅលើច្បាប់បីសំខាន់ ដើម្បីធានាដល់ការកែទម្រង់ប្រព័ន្ធតុលាការកម្ពុជា ដែលតែងត្រូវទទួលរង​ការរិះគន់​ថាគ្នានភាពយុត្តិធម៌។


តើយុត្តិធម៌មានទេ បើមនុស្សជាអ្នកកាន់វា ក្នុងដៃយ៉ាងនេះ? (រូបថត Reuters/ Stéphane Mahé)

ច្បាប់ - រដ្ឋមន្រ្តីក្រសួងព័ត៌មាន និងជាអ្នកនាំពាក្យរដ្ឋាភិបាលកម្ពុជា លោក ខៀវ កាញ្ញារិទ្ធ បានបង្ហើបឲ្យ​អ្នក​សារព័ត៌មានដឹងថា កិច្ចប្រជុំគណៈរដ្ឋមន្រ្តី ដែលដឹកនាំដោយលោកនាយករដ្ឋមន្រ្តីហ៊ុន សែន នៅថ្ងៃសុក្រ ទី១៨ ខែមេសា ឆ្នាំ២០១៤ នេះ នឹងពិភាក្សាលើបញ្ហាច្រើន តែផ្តោតសំខាន់ទៅលើការកែទម្រង់ប្រព័ន្ធតុលាការ។

«របៀបវារៈកិច្ចប្រជុំគណៈរដ្ឋមន្រ្តី នឹងផ្តោតលើសេចក្តីព្រាងច្បាប់ ស្តីពីការរៀបចំអង្គការតុលាការ។ សេចក្តី​ព្រៀង​ច្បាប់ស្តីពីការរៀបចំ និងការប្រព្រឹត្តទៅនៃឧត្តមក្រុមប្រឹក្សានៃអង្គចៅក្រម។ សេចក្តីព្រាងច្បាប់ស្តីពីលក្ខន្តិកៈ នៃ​ចៅក្រម និងព្រះរាជអាជ្ញា។ បញ្ហាផ្សេងៗដែលសំណើសុំការយល់ព្រមពីគណៈរដ្ឋមន្រ្តី»។ នេះជាការបញ្ជាក់របស់​លោក ផៃ ស៊ីផាន ជាមន្រ្តីអ្នកនាំពាក្យទីស្តីការគណៈរដ្ឋមន្រ្តីកម្ពុជា លើទំព័រហ្វេសប៊ុកផ្លូវការរបស់ខ្លួន។

លោកនាយករដ្ឋមន្រ្តី ហ៊ុន សែន នៅដើមរដ្ឋាភិបាលអាណត្តិទី៥នេះ បានផ្តេជ្ញាកែទម្រង់ស៊ីជម្រៅ ស្ទើរគ្រប់វិស័យ​ពិសេស ប្រព័ន្ធតុលាការ។ ការប្ដេជ្ញារបស់លោក ហ៊ុន សែន បានកើឡើង ក្រោយពីគណៈបក្សជំទាស់ ប្រេសិត​ពិសេសរបស់អង្គការសហប្រជាជាតិ អង្គការសង្គមស៊ីវិលជាតិ និងអន្តរជាតិបានរិះគន់ ច្រើនឆ្នាំមកហើយ លើប្រព័ន្ធ​យុត្តិធម៌កម្ពុជាថាគ្មានភាពឯករាជ្យ និងទាមទារឲ្យធ្វើកំណែទម្រង់ ដោយមានការសហការពីដៃគូពាក់ព័ន្ធ។

តែសម្រាប់មន្រ្តីអ្នកនាំពាក្យទីស្តីការគណៈរដ្ឋមន្រ្តីកម្ពុជាលោក ផៃ ស៊ីផាន បានសង្កត់ធ្ងន់លើទំព័រហ្វេប៊ុករបស់ខ្លួន នៅថ្ងៃទី១៨ មេសា នេះថា៖ «តើមានច្បាប់ណាមួយ ដែលគណបក្សប្រឆាំងគាំទ្រ សូម្បីតែដាក់ខ្មែរក្រហម នៅក្រៅ​ច្បាប់ ? ពហិការជាការងារស្នូលរបស់ក្រុមប្រឆាំង។»

កន្លងមកប្រធានអង្គការ ក្រុមអ្នកច្បាប់ការពារសិទ្ធិកម្ពុជាលោក សុខ សំអឿន បានលើកឡើងថា គេពិបាកជឿជាក់ និងនៅតែមានមន្ទិសង្ស័យ លើការប្ដេជ្ញាកែទម្រង់ប្រព័ន្ធយុត្តិធម៌របស់រដ្ឋាភិបាលកម្ពុជាណត្តិទី៥នៅឡើយ ព្រោះ​សមាសភាពសមាជិកក្រុមប្រឹក្សាអង្គចៅក្រម មានពីខាងក្រសួងរបស់រដ្ឋាភិបាលច្រើនជាងមុន ដែលអាចនាំឲ្យការ​លូកលាន់ផ្នែកនយោបាយ ទៅក្នុងប្រព័ន្ធយុត្តិធម៌។

លោក សុខ សំអឿន ពន្យល់ថា «ច្បាប់ស្តីពីឧត្តមក្រុមប្រឹក្សានៃអង្គចៅក្រម យ៉ាប់ជាងមុនទៀត។ ច្បាប់មុន សមាជិក​នៃឧត្តមក្រុមប្រឹក្សាហ្នឹង ភាគច្រើនសុទ្ធតែចៅក្រម ព្រះរាជអាជ្ញា តែច្បាប់ក្រោយនេះ មានអ្នកនយោបាយ បើរាប់ទាំង​រដ្ឋមន្រ្តីក្រសួងយុត្តិធម៌ផង មាន៥នាក់ ខាងចៅក្រម៥នាក់។ បើនិយាយពីឥទ្ធិពលអ្នកនយោបាយ មាន​ច្រើនជាង​ច្បាប់មុន៕»

-------------------------------------
ដោយ អ៊ុំ បូរី (ទំនាក់ទំនង៖ bory@monoroom.info) - ភ្នំពេញ ថ្ងៃទី១៨ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ contact@monoroom.info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...