បក្ស​សង្គ្រោះ​ជាតិ៖​ «ស្បថ»​ឬ​«មិន​ស្បថ» មិន​មែន​ជា​រឿង​លោក​ហ៊ុន សែន

«បើចង់និយាយអីទៀត ត្រូវចូលស្បថសិន បើមិនទាន់បានចូលស្បថទេ កុំទាន់អាលលើកបញ្ហាការចចារ​ជាមួយគណបក្ស​ប្រជាជន។ ព្រោះដំណាក់កាល (វា) មកដល់ពេលនេះហើយ កុំមកតថ្លៃថា ទាល់តែឲ្យតំណែងជាប្រធានរដ្ឋសភា។» ខាង​លើនេះជាការលើកឡើងរបស់លោក ហ៊ុន សែន ដែលទើបទទួលបាននូវសេចក្តីទុកចិត្តពីរដ្ឋសភា ក្នុងការបន្តរតំណែង​ជា​នាយករដ្ឋមន្រ្តីអាណត្តិទីប្រាំ។
Loading...
  • ដោយ: អ៊ុម វ៉ារី
  • កែប្រែចុងក្រោយ: September 24, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

«បើចង់និយាយអីទៀត ត្រូវចូលស្បថសិន បើមិនទាន់បានចូលស្បថទេ កុំទាន់អាលលើកបញ្ហាការចចារ​ជាមួយគណបក្ស​ប្រជាជន។ ព្រោះដំណាក់កាល (វា) មកដល់ពេលនេះហើយ កុំមកតថ្លៃថា ទាល់តែឲ្យតំណែងជាប្រធានរដ្ឋសភា។» ខាង​លើនេះជាការលើកឡើងរបស់លោក ហ៊ុន សែន ដែលទើបទទួលបាននូវសេចក្តីទុកចិត្តពីរដ្ឋសភា ក្នុងការបន្តរតំណែង​ជា​នាយករដ្ឋមន្រ្តីអាណត្តិទីប្រាំ។


លោក ហ៊ុន សែន នៅមន្ទីររដ្ឋសភាថ្ងៃទី២៤ខែកញ្ញាឆ្នាំ២០១៣។ (រូបថត MONOROOM.info/ O.Vary)

រាជធានីភ្នំពេញ - លោក ហ៊ុន សែន បន្ទាប់ពីរដ្ឋសភាផ្តល់សេចក្តីទុកចិត្ត ជានាយករដ្ឋមន្រ្តីអាណត្តិទីប្រាំនេះ នៅក្រៅ​បន្ទប់ប្រជុំខាងមុខរដ្ឋសភា បានលើកឡើងថាសមាជិករដ្ឋសភា មកពីខាងគណបក្សសង្គ្រោះជាតិមានតែ៥៥រូបទេ មិន​ដល់៦៣រូបនោះទេ ដូចអ្វីដែលគណបក្សប្រឆាំងបានប្រកាសនោះឡើយ។

រដ្ឋសភាកំពុងតែដំណើរការ ហើយក៏បានបោះជំហានទៅរកការបង្កើតនូវរដ្ឋាភិបាលថ្មី ក្នុងអាណត្តិទីប្រាំនេះ ដែលមាន​តែសមាជិកភាគច្រើនបំផុត មកពីខាងគណបក្សប្រជាជនកម្ពុជា។ តែតាមការចចារកន្លងមក លោក យឹម សុវណ្ណ អ្នកនាំ​ពាក្យគណបក្សសង្គ្រោះជាតិ បានលើកឡើងក្នុងសន្និសិទសារព៍ត៌មានកាលពីថ្ងៃទី១៧ ខែកញ្ញាថា កិច្ចជំនួបប្រជុំ​កំពូល​នោះ ខាងគណបក្សសង្គ្រោះជាតិ ចង់បានឲ្យមានការកែប្រែ ឬផ្លាស់ប្តូរនូវសមាសភាពនៃក្រសួងស្ថាប័នមួយចំនួន ឧទាហរណ៍ដូចជា គ.ជ.ប ជាដើម។ តែសម្រាប់លោកនាយករដ្ឋមន្ត្រីបន្តរតំណែងអាណត្តិទីប្រាំនេះ បានបញ្ជាក់ចំពោះ​«តំណែង»ទាំងអស់អាស្រ័យលើសមាជិកនៃរដ្ឋសភា ជាអ្នកធ្វើសេចក្តីសម្រេច តាមរយៈការបោះឆ្នោតក្នុងរដ្ឋសភា មិន​មែនតាមការចង់បានរបស់បក្សណាមួយនោះឡើយ។ លោកបានបន្តរថា លោកក៏មិនអាចធានាបានដែរថា សមាជិក​ទាំង​៦៨រូបមកពីគណបក្សប្រជាជនកម្ពុជានោះ នឹងសម្រេចបែបណាទេ ចំពោះការទាមទារទាំងនោះ។

ក្នុងកិច្ចសម្ភាសជាមួយទស្សនាវដ្តីមនោរម្យព៏ងអាំងហ្វូ លោក យឹម សុវណ្ណ បានបញ្ជាក់ថា ការចូលស្បថ ឬមិនស្បថ​ក្នុង​សភា (វា)ជារឿងរបស់គណបក្សប្រឆាំងទេ មិនមានអ្វីពាក់ពន្ធ័នឹងគណបក្សប្រជាជននោះទេ។ «រឿងស្បថ ឬមិនស្បថ​មិនមែនជារឿងរបស់លោក ហ៊ុន សែន ឲ្យស្បថ ឬមិនឲ្យស្បថនោះទេ (វា)ជារឿងរបស់ប្រជាពលរដ្ឋ រឿងតំណែង​ដែល​ប្រជាពលរដ្ឋប្រគល់ឲ្យ។ ទោះជាលោក ហ៊ុន សែន ឲ្យស្បថ ឬមិនឲ្យស្បថ យើងខ្ញុំជាអ្នកតំណាងរាស្រ្ត ហើយយើងខ្ញុំស្តាប់​តែប្រជារាស្រ្តទេ ខ្ញុំគ្មានត្រូវការមកនិយាយ មកបញ្ជាឲ្យធ្វើនេះ ឬធ្វើនោះទេ អត់មានទេ។»

សូមរម្លឹកថាបន្ទាប់ពីផ្តល់សេចក្តីទុកចិត្តពីសមាជិកសភា មកពីគណបក្សប្រជាជនកម្ពុជាទាំង៦៨រូប ជានាយករដ្ឋមន្រ្តី​សម្រាប់អាណត្តទីប្រាំនេះ លោក ហ៊ុន សែន បានបញ្ជាក់ថា ការបោះឆ្នោតជាសកលសម្រាប់នីតិកាលទីប្រាំនេះ ស្ថិតក្នុង​បរិយាកាសថ្លៃថ្នូរ និងតម្លាភាព មានភាពត្រឹមត្រូវ ដោយសេរី និងយុត្តិធម៌ ដោយបានផ្អែកតាមគោលការណ៍​ នៃលទ្ធិ​ប្រជាធិបតេយ្យសេរីពហុបក្ស។ លោក ហ៊ុន សែន បានបន្តរថា «របបនយោបាយរបស់ព្រះរាជាណាចក្រកម្ពុជាយើង អនុវត្តនយោបាយប្រជាធិបតេយ្យ សេរីពហុបក្ស ដែលកំណត់ដោយច្បាប់យ៉ាងច្បាស់ថា ប្រជាពលរដ្ឋជាម្ចាស់​វាសនា​នៃ​ប្រទេសជាតិ ដូច្នេះហើយរដ្ឋសភាជាស្ថាប័ននិតិបញ្ញត្តិនេះ បានដំណើរការអស់ពេលបួនអាណត្តិមកហើយ ហើយបច្ចុប្បន្ន​យើងកំពុងចាប់ផ្តើមដំណើរការអាណត្តិទីប្រាំ ដើម្បីគោលដៅបម្រើឧត្តមប្រយោជន៍សង្គមជាតិ និងបំណងប្រាថ្នា​របស់​សង្គមជាតិទូទៅដែលជាម្ចាស់ឆ្នោត។»

---------------------------------------------------------
ដោយៈ អ៊ុម វ៉ារី - ភ្នំពេញថ្ងៃទី២៣ កញ្ញា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...