តម្លៃ​អាយហ្វូន​៥​អេស និង អាយហ្វូន​៥​ស៊ី

ទូរស័ព្ទដៃវៃឆ្លាត១គូ ស៊េរីថ្មីចុងក្រោយបង្អស់របស់ក្រុមហ៊ុនអ័បផល (Apple) ដែលមានឈ្មោះថា អាយហ្វូន៥អេស (iPhone 5S) និងអាយហ្វូន៥ស៊ី (iPhone 5C) នឹងចេញលក់ជាផ្លូវការនៅប្រទេសអង់គ្លេស នាថ្ងៃទី២០ ខែកញ្ញានេះ។
Loading...
  • ដោយ: វិន ជីវ័ន្ត
  • កែប្រែចុងក្រោយ: September 18, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ទូរស័ព្ទដៃវៃឆ្លាត១គូ ស៊េរីថ្មីចុងក្រោយបង្អស់របស់ក្រុមហ៊ុនអ័បផល (Apple) ដែលមានឈ្មោះថា អាយហ្វូន៥អេស (iPhone 5S) និងអាយហ្វូន៥ស៊ី (iPhone 5C) នឹងចេញលក់ជាផ្លូវការនៅប្រទេសអង់គ្លេស នាថ្ងៃទី២០ ខែកញ្ញានេះ។


សម្បករបស់ទូរស័ព្ទអាយហ្វូន ដែលអាចមានពណ៌ច្រើនប្រភេទ និងសម្បូរបែប។ (រូបថត​ ក្រុមហ៊ុន)

ហាងអ័បផល បានប្រកាសឲ្យដឹងថា អាយហ្វូន៥អេស ដែលមាន៣ពណ៌៖ ពណ៌ក្រម៉ៅ ពណ៌មាស និងពណ៌ទឹកប្រាក់នោះ មានតម្លៃដូចៗគ្នា ខណៈដែលទំហំ១៦ជីហ្គាបៃ តម្លៃ៥៤៩ផោន (៨៦៧ដុល្លារ), ទំហំ៣២ជីហ្គាបៃ តម្លៃ៦៣៩ផោន (៩៩៣.៥៧ដុល្លារ) និងទំហំ៦៤ជីហ្គាបៃ តម្លៃ៧០៩ផោន (១១២០ដុល្លារ)។

រីឯអាយហ្វូន៥ស៊ី មានពណ៌ដូចជា៖ ស ក្រហម លឿង ខៀវ និងបៃតង ដែលធ្លាប់មានពាក្យចចាមអារ៉ាមជាហូរហែមកថា តម្លៃទាបសមរម្យនោះ ក៏មានតម្លៃមិនធម្មតាដែរ ពោលគឺទំហំ១៦ជីហ្គាបៃ តម្លៃ៤៦៩ផោន (៧៤០.៨៣ដុល្លារ) និងទំហំ​៣២ជីហ្គាបៃ តម្លៃ៥៤៩ផោន (៨៦៧.២ដុល្លារ) ឯនោះ។

ចំពោះការប្រកាសចេញតម្លៃរបស់អាយហ្វូន៥ស៊ីដូចនេះ ពិតជាធ្វើឲ្យអតិថិជននៅលើពិភពលោកមិនតិចទេ ដែល​មាន​ការខកចិត្តខ្លាំង រួមទាំងអតិថិជននៅកម្ពុជាផងដែរ ព្រោះតែកន្លងមកធ្លាប់តែលឺតៗគ្នាថា តម្លៃរបស់វាប្រហែលនៅចន្លោះ​ពី ២០០ដុល្លារ ទៅ៣៥០ដុល្លារ។ ប៉ុន្តែជាក់ស្តែង អាយហ្វូន៥ស៊ី មានតម្លៃមិនខុសគ្នាឆ្ងាយពីអាយហ្វូន៥អេស នោះទេ។

លោក វង្ស នាគ ប្រធានគ្រប់គ្រងហាងលក់ទូរស័ព្ទដៃអប្សរា បានប្រាប់ដល់សប្បាយថា តម្លៃរបស់អាយហ្វូន៥ស៊ី អាច​ក្រោម ១០០០ដុល្លារតែមិនក្រោមខ្លាំងនោះទេ។ លោកបានបន្ថែមថា កន្លងមកលោកសង្កេតឃើញថា បើតម្លៃ​នៅលើ​ទីផ្សារពិភពលោកពី ៧០០ទៅ៨០០ដុល្លារ នោះនៅកម្ពុជា នឹងមានតម្លៃខ្ពស់ជាងនោះទៅទៀត។

រីឯម្ចាស់ហាងលក់ទូរស័ព្ទដៃ សុខ លី ក៏មិនទាន់ហ៊ានសន្និដ្ឋានថាតម្លៃប៉ុន្មានឲ្យប្រាកដដែរ ប៉ុន្តែគាត់ក៏សន្និដ្ឋានថា អាយហ្វូន​៥ស៊ី នឹងមានតម្លៃក្រោម ១០០០ដុល្លារដែរ។ ម្ចាស់ហាងដដែលបានបន្ថែមថា អាចខែក្រោយនេះ ទូរស័ព្ទដ៏ទំនើប អាយហ្វូន៥អេស និង៥ស៊ី នឹងមានលក់នៅស្រុកខ្មែរហើយ។

ដូច្នេះសរុបមក អាយហ្វូន៥ស៊ី ក៏មានតម្លៃថ្លៃណាស់ដែរ ដែលធ្វើឲ្យអ្នកដែលមានជីវភាពមធ្យម និងតែងតែសង្ឃឹមថា នឹង​បានសាករស់ជាតិអាយហ្វូននឹងគេនោះ ខកចិត្តយ៉ាងខ្លាំង។ ចុះចំណែកប្រិយមិត្តវិញយល់យ៉ាងណាដែរ ចំពោះតម្លៃ​ទូរស័ព្ទ​ស៊េរីថ្មី ទាំង២នេះ? ហើយយល់យ៉ាងណា ចំពោះតម្លៃស៊េរី ៥ស៊ី?

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៣ ខែកញ្ញា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...