យីហោខោអាវដ៏ល្បីរបស់ប្រទេសអ៊ីតាលី ដូសេហ្គាបាណា (Dolce & Gabana) បានជ្រើសរើសយកកីឡាករម្ចាស់បាល់មាស ជាឯកអគ្គរដ្ឋទូតរបស់ខ្លួន។

លីយ៉ូនែល ម៉េស៊ី ក្នុងសម្លៀកបំពាក់សិចស៊ី របស់ដូសេហ្គាបាណា។

នៅ៣សប្ដាហ៍មុន ការមកដល់នៃសប្ដាហ៍បង្ហាញមូដ ដែលនឹងចាប់ផ្ដើមនៅថ្ងៃទី២២ខែមិថុនាក្រោយនេះ ដូសេហ្គាបាណា និង​ម្ចាស់បាល់មាសដល់ទៅបួនដងជាប់គ្នា លីយ៉ូនែល ម៉េស៊ី (Lionel Messi) បានសម្រេចចេញផ្សាយនូវអាល់ប៊ុមរូបថត ជា​ច្រើនសន្លឹកដែលមានចំណងជើងថា សៀវភៅនៃឡេអូ ម៉េស៊ី (Leo Messi)។ នៅក្នុងសៀវភៅនោះ គេសង្កេតឃើញមាន​សម្លៀកបំពាក់ជាច្រើន ដែលម៉េស៊ីបានពាក់មានដូចជាអាវធំ ឬខោខោប៊យ តែក៏មានដែរ ខោអាវក្នុងរបស់យីហោ​ដ៏ពិសេស​នេះ។

«យើងមានកិត្តិយសណាស់ ដែលបានផ្សារភ្ជាប់ឈ្មោះរបស់យើង ទៅនឹងកំពូលជើងឯកបាល់ទាត់ ដូចយ៉ាងឡេអូ ម៉េស៊ី។ ទេពកោសល្យដ៏ថ្លៃថ្លា តែវាក៏ជាជំនក់ចិត្តដែលអនុញ្ញាតឲ្យគាត់ លេងបាល់ទាត់ រហូតឈានទៅដល់កម្រិតពិភពលោក។» នេះជាការសរសេរឲ្យដឹងរបស់ដូសេហ្គាបាណា។

តែគេនឹងចាំមើល ថាតើកីឡាករដែលមើលទៅដូចជាមិនសូវមាត់មិនសូវករមួយរូបនេះ អាចនឹងឈានទៅដល់កម្រិត​ដូច​ដេវិដ ប៊ែកខាំ (David Beckham) ឬគ្រឹស្ទាណូ រូណាដូ (Cristiano Ronaldo) ដែរឬទេ? សូមទស្សនារូបខាងក្រោម​របស់​គាត់​ដូចតទៅ៖

-------------------------------------------------
ដោយ ឈូករ័ត្ន - ប៉ារីស​ ថ្ងៃទី៣០ ខែឩសភា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ