ផៃ ស៊ីផាន ការពារ សុខ សូកាន ឡើងជាតំណាងរាស្ត្រ ថាជាជម្រើសរបស់ពលរដ្ឋ
ខណៈដែលមានការរិះគន់ ចំពោះការផ្តល់តំណែងទៅលោក សុខ សូកាន កូនប្រុសលោក សុខ អាន ឱ្យក្លាយជាតំណាងរាស្រ្ត មកពីគណបក្សប្រជាជនកម្ពុជា ប្រចាំមណ្ឌលតាកែវ ជំនួសលោក សូ ឃុន អតីតរដ្ឋមន្រ្តីក្រសួងប្រៃសណីយ៍ និងទូរគមនាគមន៍ ដែលបានទទួលមរណភាព កាលពីពេលថ្មីៗនេះ លោកផៃ ស៊ីផាន បានចេញមុខការពារ និងបកស្រាយទល់នឹងរាល់ការរិះគន់ទាំងអស់ ដែលបានធ្វើយ៉ាងចាស់ដៃ ទៅលើលោក សុខ សូកាន។
លោក ផៃ ស៊ីផាន បានសរសេរ នៅលើទំព័រហ្វេសប៊ុករបស់លោកថា៖ «ក្នុងនាមខ្ញុំ ជាមន្ត្រីជាន់ខ្ពស់របស់ CPP សូមឆ្លើយតបទាក់ទិននឹងភាពជាតំណាងរាស្រ្តពេញលេញ នៅក្នុងរដ្ឋសភា របស់ឯកឧត្តម សុខ សូកាន គឺឆ្លើយតប និងនីតិវិធីគោលការណ៍ច្បាប់រដ្ឋ និងនីតិវិធីគោលការណ៍ របស់គណបក្សប្រជាជន ជាមួយនឹងលទ្ធផល ដែលកើតចេញពីគោលការណ៍ និងយន្តការផ្ទៃក្នុងរបស់ CPP ទាំងថ្នាក់ជាតិ [...]