«ជួបគ្នាដើរប្រឆាំងភេវរកម្ម និងឧទ្ទិសទៅជនរងគ្រោះ» ជាទិវាប្រវត្តិសាស្ត្រថ្មីរបស់បារាំង
កណ្ដាលរដ្ឋធានីប៉ារីស ក្រុមមនុស្សទាំងនោះបានចាប់ផ្ដើមមកជួបជុំគ្នាតាំងពីថ្ងៃត្រង់ ថ្ងៃទី១១ ខែមករា ប៉ុន្តែការចេញដំណើរពីកន្លែងជួបជុំ Place de la Républiqu ឆ្ពោះទៅកាន់ទីលានមួយទៀតឈ្មោះ Place de la Nation ត្រូវបានធ្វើនៅម៉ោង១៥និង៣០នាទីប៉ុណ្ណោះ បន្ទាប់ពីប្រធានាធិបតីបារាំង លោក ហ្វ្រង់ស៊័រ ហូឡង់ (François Hollande) និងមេដឹកនាំច្រើនសិបនាក់ផ្សេងទៀត បានធ្វើដំណើរមកដល់ទីណាត់ប្រជុំគ្នានោះ។ ការជួបជុំគ្នា នៅតែប្រមូលគ្នាកាន់តែច្រើនឡើងៗ ខណៈរាត្រីកាលកាន់តែឈានមកដល់ក៏ដោយ។ ប្រសិនជាគេមើលរូបភាពពីលើមេឃមកវិញ រាប់ចាប់តាំងពីផ្នែកខាងជើង មកទល់នឹងផ្នែកខាងកើត គេនឹងឃើញហ្វូងមនុស្សត្រៀមត្រា បានកាន់កាប់ដងផ្លូវនានានៃរដ្ឋធានីប៉ារីសដ៏ល្បី គ្រប់ច្រកល្ហក។
ចំនួនអ្នកចូលរួម...
[...]