បញ្ចូលកម្លាំងប្រដាប់អាវុធក្នុងបក្ស ជារឿង«ស្របច្បាប់»
ប្រធានក្រុមការងារកំណែទម្រង់ ការបោះឆ្នោត មកពីគណបក្សប្រជាជនកម្ពុជា លោក ប៊ិន ឈិន បានបង្ហាញប្រាប់អ្នកសារព័ត៌មានថា ការបញ្ចូលកងប្រដាប់អាវុធ ទៅក្នុងគណបក្សជាសមាជិកថ្មី នៃគណៈកម្មាធិការកណ្តាលគណបក្សប្រជាជនកម្ពុជា ត្រូវបានធ្វើឡើងដោយស្របច្បាប់ និងគាំពារដោយមាត្រា១៥ នៃច្បាប់គណបក្សនយោបាយ។
ការថ្លែងរបស់ប្រធានក្រុមការងារ មកពីគណបក្សកាន់អំណាចនេះ បានធ្វើឡើងបន្ទាប់ពីមានការសម្រេច បញ្ចូលសមាជិកថ្មី៣០៦រូប ជាសមាជិកគណៈកម្មាធិការកណ្តាល នៃគណបក្សប្រជាជនកម្ពុជា នៅក្នុងមហាសន្និបាតវិសាមញ្ញ របស់គណបក្សកាលពីពេលថ្មីៗនេះ។ ក្នុងការបញ្ចូលនោះ យ៉ាងហោចណាស់ ៨០រូប ជាកងប្រដាប់អាវុធរួមមានលោក ជួន សុវណ្ណ, លោក រ័ត្ន ស្រ៊ាង, លោក ហ៊ីង ប៊ុនហៀង, លោក ម៉ក់ ជីតូ, លោក គៀត ច័ន្ទថារិទ្ធ, លោក ទា វិញ, លោក ឈុំ សុជាតិ, លោក ស្រី ឌឹក, ហ៊ុយ ពិសិដ្ឋ ជាដើម។
លោក ប៊ិន ឈិន បានថ្លែងទៀតថា៖ «កុំឲ្យរៀបចំសាខាបក្ស [...]