Posts in ‘បរិស្ថាន ផែនដី’ Category

​លិខិតរបស់លោក បាន គី-មូន ចុះ​ថ្ងៃទី​០៥ ខែសីហា ឆ្នាំ​២០១៥ សរសេរជាភាសាអង់គ្លេស ដែល​រដ្ឋាភិបាល បានបកប្រែជាខេមរភាសា ហើយបាន​ផ្សព្វផ្សាយ ​នៅ​យប់​ថ្ងៃទី​០៦ ខែសីហា​នេះ បានបញ្ជាក់ឲ្យដឹងថា ផែនទី​ប្រទេសកម្ពុជា ដែល​ផលិតឡើង​នៅ​ចន្លោះ ឆ្នាំ​១៩៣៣ ដល់​ឆ្នាំ​១៩៥៣ អង្គការសហប្រជាជាតិ រកមិនឃើញ​ទេ។ តែលោក បាន គី-មូន បានអះអាងថា មាន​ផែនទី​ដើមរបស់​កម្ពុជា​មួយចំនួន ដែល​អង្គការសហប្រជាជាតិ ព្រម​ឲ្យ​ប្រទេសកម្ពុជា​ខ្ចី ​ក្នុង​រយៈពេល​កំណត់​មួយ​ជាក់លាក់​។

នេះជាលិខិតលើកដំបូងហើយ របស់អគ្គលេខាធិការ នៃអង្គការសហប្រជាជាតិ ដែលបានឆ្លើយតបជាផ្លូវការ ទៅនឹងការស្នើសុំខ្ចីផែនទីរបស់កម្ពុជា។ កាលពី​ថ្ងៃ​ទី​០៦ ខែកក្កដា លោកនាយក​រដ្ឋមន្ត្រី ហ៊ុន សែន បាន​សរសេរ​លិខិត​មួយ​ច្បាប់ ​ទៅ​លោក បាន គីមូន ដើម្បី​សុំ​ខ្ចី​ផែនទី​កម្ពុជា ខ្នាត ១/១០០០០០ ដែល​តម្កល់​នៅ​អង្គការ​ប្រជាជាតិ ដោយ​អះអាង​ថា​យក​មក​ពិនិត្យ​ផ្ទៀងផ្ទាត់​ [...]

នាយករដ្ឋមន្ត្រីកម្ពុជា លោក ហ៊ុន សែន បានប្រកាស នៅព្រឹកថ្ងៃទី៣ ខែសីហានេះ ព្រមានគណបក្សសង្គ្រោះ​ជាតិថា បើគណបក្សមួយនេះ នៅតែរឹងរូស មិនព្រមបង្ហាញផែនទី ដែលខ្លួនមាននោះទេ លោកនឹងប្រើប្រាស់ នូវវិធានការច្បាប់ បង្ខំឲ្យមានការបង្ហាញ ជាផ្លូវការ នាពេលខាងមុខនេះ។ ក្នុងពិធីសម្ពោធស្ពាន មិត្តភាព​កម្ពុជា​-ចិន នៅក្រុងតាខ្មៅ ខេត្តកណ្តាល (ស្ពានព្រែកសំរោងតាខ្មៅ ឆ្លងកាត់ទន្លេបាសាក់) លោកនាយករដ្ឋមន្រ្តី បាន​អះអាងថា លោកនឹងមិនខ្លាច ក្នុងការចំណាយឡើយ ដើម្បីទទួលបានផែនទី មកបញ្ជាក់ឲ្យបានច្បាស់លាស់។

កាលពីពេលថ្មីៗនេះ លោក ហ៊ុន សែន បានផ្ញើរលិខិត ជាផ្លូវរដ្ឋទៅកាន់ អគ្គលេខាធិការ អង្គការសហប្រជាជាតិ និងថ្នាក់ដឹកនាំកំពូល នៃប្រទេសមហាអំណាចចំនួនបី ដើម្បីស្នើសុំផែនទី របស់ប្រទេសកម្ពុជា ដែលបាន​តំកល់​ទុក តាំងពីទសវត្សន៍ឆ្នាំ៦០ ដើម្បីយកមកផ្ទៀងផ្ទាត់ ជាមួយនឹងផែនទី ដែលមានក្នុងដៃរដ្ឋាភិបាល និងផែនទី ដែលគណបក្សប្រឆាំង បានអះអាងថា [...]

លោក ហ៊ុន សែន បានថ្លែងអះអាងថា បើប្រទេសបារាំង ប្រទេសអង់គ្លេស និង UN មិនព្រមឲ្យកម្ពុជាខ្ចីផែនទី នោះរដ្ឋាភិបាលរបស់លោក គ្រោងនឹងចាយប្រាក់ ប្រមាណជា៥លានដុល្លារ ដើម្បីបញ្ជូនអ្នកជំនាញ​កិច្ចការ​ព្រំដែន គ្រប់និន្នាការនយោបាយ ទៅត្រួតពិនិត្យផែនទី ដែលតម្កល់នៅទីនោះវិញ។ ប្រមុខរដ្ឋាភិបាលកម្ពុជា បានថ្លែងដូច្នេះ នៅក្នុងពិធីបើកសម្ពោធ ដាក់ឲ្យប្រើប្រាស់ជាផ្លូវការ នូវស្ពានមិត្តភាព កម្ពុជា-ចិន តាខ្មៅ ដែល​ជាស្ពានឆ្លងកាត់ ទន្លេបាសាក់ ប្រវែង ៨៥៥ម៉ែត្រ ក្នុងព្រឹកថ្ងៃទី០៣ ខែសីហា ឆ្នាំ២០១៥នេះ។

នាយករដ្ឋមន្ត្រីចាស់វស្សា របស់កម្ពុជា បានពន្យល់ថា៖ «បើអង្គការសហប្រជាជាតិ មិនអនុញ្ញាតឲ្យនាំផែនទី​ចេញ យើងក៏សុខចិត្ត (ចាត់)តាំងប្រតិភូទៅទីនោះវិញ ដោយនាំទៅ ទាំងបក្សក្រៅរដ្ឋាភិបាល និងអ្នកដែលជាប់​ពាក់ព័ន្ធ ដូចជារាជបណ្ឌិត្យសភា ឬក៏គណបក្សនយោបាយណាទៀត រាជរដ្ឋាភិបាលសុខចិត្ត ចេញលុយថ្លៃ​កាប៉ាល់ហោះ ថ្លៃអូតែល [...]