Posts in ‘យុត្តិធម៌ សណ្ដាប់ធ្នាប់’ Category

ហេតការណ៍បានកើតឡើង តាំងពីឆ្នាំ២០១៤ នៅក្នុងរដ្ឋញ៉ូយក សហរដ្ឋអាមេរិក។ ប៉ុន្តែតុលាការ​ទើប​នឹង​កាត់​សេចក្ដី ដាក់ពន្ធនាគារស្ត្រីជាប់ចោទ ដោយការព្យួរទោស នៅចុងខែមីនាកន្លងមកនេះ នៅក្នុងសំនុំ​រឿង​មួយ ដែល​រក​ការ​ពន្យល់​សឹងតែមិនបាន។

មិនយល់ ព្រោះគេមិនដឹងថា តើស្ត្រីគិលានុបដ្ឋាករូបនោះ គិតឃើញយ៉ាងដូចម្ដេច ទើបបានជាទៅលួច​ថតរូប «លិង្គ» របស់អ្នកជំងឺម្នាក់ ដែលស្ថិតក្រោយការថែរក្សាព្យាបាល​របស់ខ្លួន មុននឹងយករូបថតនេះ ទៅ​បន្ត​ចែក​ចាយ ទៅឲ្យមិត្តភ័ក្រខ្លួនដទៃទៀត។

សារព័ត៌មានអាមេរិក «Washington Post» បានរៀបរាប់រឿងនេះឡើងវិញថា នាង «Kirsten Johnson» អាយុ​២៧ឆ្នាំ (អាយុ២៥ឆ្នាំ នៅឆ្នាំ២០១៤) បានឆ្លៀតឱកាស ពេលអ្នកជំងឺសន្លប់មិនដឹងខ្លួន ដើម្បី​ធ្វើ​សកម្មភាព​ដ៏​អាស្រូវ។ ក្រោយពីបានឃើញរូបថត ដែលត្រូវបានចែករំលែក ជាបន្តបន្ទាប់មកនោះ បុគ្គលិកនៅ​ក្នុង​មន្ទីរពេទ្យ «Upstate University Hospital» បានរាយការណ៍ប្រាប់នគរបាល [...]

ជាការរកឃើញ ដ៏សែនតក់ស្លុតមួយទៀត បន្ថែមទៅលើឧក្រិដ្ឋកម្មរាប់មិនអស់ របស់បណ្ដាជនស្ម័គ្រប្រយុទ្ធ របស់​ព្រះអាឡាហ៍ (Djihad)។ រណ្ដៅកប់សពចំនួន៤២នាក់ រួមមានទាំងស៊ីវិល និងទាហាន ដែលត្រូវ​បាន​ប្រហារ​ជីវិត ដោយក្រុមសមាជិក របស់អង្គការភេរវនិយម រដ្ឋអ៊ីស្លាម (ពាក្យអារ៉ាប់ហៅ Daech ពាក្យ​កាត់​​បារាំង​ហៅ EI ពាក្យ​កាត់​អង់គ្លេស​ហៅ ISIS) ត្រូវបានរកឃើញ នៅថ្ងៃសុក្រ នៅកណ្ដាលក្រុងបូរាណ ប៉ាល់មៀរ (Palmyre) ដែលកងទ័ពស៊ីរី ទើបនឹងវាយដណ្ដើម មកកាន់កាប់វិញ កាលពីចុងខែមីនាកន្លងមក។

ប្រភពមួយដែលស្និតនឹងកងទ័ព បានថ្លែងប្រាប់ឲ្យដឹងថា៖ «កងទ័ពបានរកឃើញ កាលពីព្រឹកម្សិលម៉ិញ (ព្រឹក​ថ្ងៃសុក្រ) នូវរណ្ដៅកប់សពដ៏ធំមួយ ដែលមានសាកសព និងគ្រោងឆ្អឹងមនុស្ស ចំនួន៤២នាក់ ក្នុងនោះ ២៤​នាក់​ជាប្រជាជនសមញ្ញ (៣នាក់ជាកុមារ) និង១៨នាក់ជាទាហាន»។

ជនរងគ្រោះទាំងនេះ ត្រូវបានសម្លាប់ ដោយកាត់«ក» និងដោយបាញ់សម្លាប់ [...]

«អ្នកបើកបរយន្ដហោះប្រដេញមួយនេះ បានចុចបំប៉ើងខ្លួនឡើង ដោយគ្មានបញ្ហាអ្វីទាំងអស់ ហើយបន្ទាប់មក ត្រូវ​បាន​ជួយ​សង្គ្រោះ ដោយកងកម្លាំង របស់អង្គការ "OTAN" ដែលស្ថិតនៅនឹងកន្លែង» នេះជាការថ្លែងឲ្យដឹង នៅក្នុងសន្និសីទ​ការសែត របស់លោក ភីធើរ ឃុក (Peter Cook) អ្នកនាំពាក្យរបស់មន្ទីរប៉ង់តាហ្គោន (Pentagone - ក្រសួង​ការពារជាតិ របស់​អាមេរិក)។

ហេតុការណ៍បានកើតឡើង នៅវេលាម៉ោង ២០ និង៣០នាទីយប់ (ម៉ោងក្នុងស្រុក) ថ្ងៃអង្គារទី២៩ ខែមីនា​ម្សិល​ម៉ិញ។ អ្នក​នាំ​ពាក្យបានបញ្ជាក់ទៀតថា ការស៊ើបអង្កេតមួយ នឹងត្រូវបើកធ្វើ ដើម្បីស្វែងយល់ ពី​មូលហេតុ​នៃ​គ្រោះថ្នាក់​នេះ។

គ្រោះថ្នាក់យន្ដហោះប្រមាញ់ ត្រូវបានក្រុមតាលីបង់ទទួលស្គាល់...

ក្រុមតាលីបង់ ដែលមានវត្តមាន​នៅក្នុងតំបន់ បានប្រកាសទទួលស្គាល់ថា គឺក្រុមយុទ្ធជនរបស់ពួកគេ ជាអ្នក​បាញ់​យន្ដហោះ​ប្រដេញ​ខាងលើនេះ ឲ្យធ្លាក់ និងបានអះអាងទៀតថា [...]

ហេតុការណ៍ បានកើតឡើង កាលពីរសៀល​ថ្ងៃអាទិត្យកន្លងមកនេះ នៅក្នុងមន្ទីរពេទ្យ «Saint-Jean​-de-Dieu» នាក្រុង លីយ៉ុង (Lyon) ភាគខាងត្បូង នៃប្រទេសបារាំង។ សារព័ត៌មានតំបន់របស់បារាំង ឈ្មោះ «Le Progrès» បានរៀបរាប់ថា យុវតីជាអ្នកជំងឺ ដែលមានវ័យ១៩ឆ្នាំមួយរូប បានចេញពីបន្ទប់ ដែលខ្លួន​កំពុង​សម្រាក​ព្យាបាល ដើម្បីស្វែងរកជួបគ្រូពេទ្យណាម្នាក់ ដែលប្រចាំការ នៅទីនោះ។

នៅពេលនាង បានចេញពីបន្ទប់ នាងបានជួបបុរសម្នាក់ ដែលមានស្លៀកពាក់ អាវពេទ្យពណ៌ស និងមាន​វ័យ​ចំណាស់គួរសម។ តាមពិតបុរសម្នាក់នេះ អាយុ៥៨ឆ្នាំ ជាបុគ្គលិកផ្នែកបោសជូត ធ្វើការនៅក្នុងមន្ទីរពេទ្យ តាំង​ពីច្រើនឆ្នាំមកហើយ។ តែនៅចំពោះការសាកសួរ របស់យុវតីវ័យក្មេង បុរសបានកុហកថា ខ្លួននេះហើយ ជា​វេជ្ជបណ្ឌិត និងបានប្រាប់នាង ឲ្យចូលទៅក្នុងបន្ទប់សម្រាកវិញ។

នៅក្នុងបន្ទប់អ្នកជំងឺ បុរសបានប្រាប់ឲ្យយុវតី ស្រាតខោអាវចេញទាំងអស់ ហើយគេងនៅលើគ្រែ។ បន្ទាប់មក បុរសចំណាស់ [...]

ជន ដែលចាប់ពង្រត់យន្ដហោះ ចេញពីទិសដៅដើម (ដែលឆ្ពោះទៅកាន់រដ្ឋធានី គែរ ប្រទេសអេហ្សីប) តែ​បែរ​ជាទៅឈប់ នៅក្នុងព្រលានយន្ដហោះ ក្រុង «EgyptAir» របស់ប្រទេស ឈីព្រ (Chypre) នោះ ត្រូវបាន​ចាប់​ខ្លួនទាំងស្រុង។ តាមរូបភាពជាច្រើន ដែលត្រូវបានថតដោយអ្នកសារព័ត៌មាន នៅនឹងកន្លែង បានបង្ហាញ​ថា ជនចាប់ពង្រត់យន្ដហោះរូបនោះ បានដើរចេញពីយន្ដហោះ និងចុះតាមជណ្ដើរ មុននឹងលើកដៃទាំងពីរ​ឡើង ដើម្បី​ប្រគល់​ខ្លួន​ឲ្យអាជ្ញាធរ។

នគរបាលពីរនាក់ បានបញ្ជាឲ្យជនចាប់ពង្រត់យន្ដហោះរូបនេះ ក្រាបផ្ទាល់ទៅលើដី ហើយបានធ្វើការឆែកឆេរ ដោយខ្លាចជននេះ មានអាវុធ ឬសម្ភារៈជាតិផ្ទុះ នៅជាប់នឹងខ្លួន។

អ្នកដំណើរទាំងអស់ និងសមាជិកបម្រើការ ដែលមានវត្តមាននៅក្នុងយន្ដហោះ ត្រូវបានសង្គ្រោះ និង​ជម្លៀស​ចេញ ដោយសុខសុវត្ថភាព។ រដ្ឋមន្ត្រីដឹកជញ្ជូនខាងផ្លូវអាកាស របស់ប្រទេសអេហ្សីព ក៏បានអះអាងដែរថា គ្មាន​នរណាម្នាក់ ទទួលរងនូវគ្រោះថ្នាក់អ្វីឡើយ [...]