Posts in ‘នយោបាយ’ Category

នាថ្ងៃសៅរ៍ទី១១ ខេសីហា ឆ្នាំ២០១៥ វេលាម៉ោងជាង៦ ព្រឹក កងកម្លាំងអាជ្ញាធរចំរុះកម្ពុជា បានធ្វើការ​ឡោម​ព័ទ្ធ និងចាប់ខ្លួនសមាជិកព្រឹទ្ធិសភា មកពីគណបក្សសមរង្ស៊ី លោក ហុង សុខហួរ នៅគេហដ្ឋានរបស់​តំណាង​រាស្ត្រ នៃគណបក្សសង្គ្រោះជាតិដូចគ្នា ដែលស្ថិតក្នុងសង្កាត់ភ្នំពេញថ្មី។

តាមប្រភពព័ត៌មានច្បាស់ការ ដែលទស្សនាវដ្តីមនោរម្យ.អាំងហ្វូទទួលបាន ការចាប់ខ្លួននេះ ត្រូវបានធ្វើឡើង​បន្ទាប់ ពីសមាជិកព្រឹទ្ធិសភារូបនេះ បានចាកចេញ ពីស្ថានទូតបារាំង ឆ្ពោះទៅកាន់ផ្ទះលេខ ១០៦A ផ្លូវ២០១១ ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ របស់លោក យន្ត ថារ៉ូ តំណាង​រាស្ត្រ​​គណបក្ស​សង្គ្រោះជាតិ មណ្ឌលខេត្តបន្ទាយមានជ័យ។

លោក ហុង សុខហួរ ត្រូវបង្ខំចិត្តលាក់ខ្លួនមួយរយៈពេលខ្លី បន្ទាប់ពីលោកនាយករដ្ឋមន្រ្តី ប្រកាសឲ្យចាប់​ខ្លួន​​ជា​បន្ទាន់ មកផ្តន្ទាទោសតាមច្បាប់ កាលពីព្រឹកថ្ងៃទី១៣ ខែសីហា ដោយចោទប្រកាន់លោក [...]

«អំបាញ់ម៉ិញ រដ្ឋមន្ត្រីយុត្តិធម៌ក៏ចេញ មេប៉ូលីសក៏ចេញ។ កំពុងតែសកម្ម នៅខាងក្រៅ។» នេះជាការថ្លែង​ខ្លាំងៗ របស់លោកនាយករដ្ឋមន្ត្រី ហ៊ុន សែន ដើម្បីបង្ហាញឲ្យដឹង ពីយុទ្ធនាការបានចាប់ផ្ដើមហើយ ក្នុងការតាម​ប្រមាញ់ខ្លួន លោក ហុង សុខហួរ សមាជិកព្រឹទ្ធសភា មកពីគណបក្សសមរង្ស៊ី ពីបទ«ក្បត់ជាតិ»។ ការថ្លែង​ឡើង​នេះ បានធ្វើឡើង ក្នុងឱកាសចែកសញ្ញាបត្រ ដល់និស្សិតសាកលវិទ្យាល័យ PPIU នៅវិទ្យាស្ថានជាតិអប់រំ នា​ព្រឹកថ្ងៃទី១៣ ខែសីហា ឆ្នាំ២០១៥នេះ។

លោក ហ៊ុន សែន បានចោទលោក ហុង​ សុខហួរ ដែលជាមន្ត្រីទទួលបន្ទុកខាងព្រំដែន របស់គណបក្ស​សង្គ្រោះ​ជាតិ ថាបានក្លែងសន្ធិសញ្ញា ស្តីពីព្រំដែនកម្ពុជា-វៀតណាម ឆ្នាំ១៩៧៩ ដែលបានចុះហត្ថលេខា នៅពេលនោះ ដោយលោក ហេង សំរិន អគ្គលេខាធិការមជ្ឈឹមបក្ស នៃសាធារណៈរដ្ឋប្រជាមានិតកម្ពុជា និង​លោក ផាម វ៉ាន់ដុង នាយករដ្ឋមន្ត្រី នៃសាធារណរដ្ឋសង្គមនិយមវៀតណាម។ នាយករដ្ឋមន្ត្រីបីទសវត្សន៍កម្ពុជា [...]

ក្នុងជំនួបនៃថ្នាក់ដឹកនាំកំពូលនេះ ខាងគណបក្សប្រជាជនកម្ពុជា មានលោក ស ខេង, លោក កើត រិទ្ធិ និងលោក សក់ សេដ្ឋា។ ឯខាងគណបក្សសង្គ្រោះជាតិ មានលោក កឹម សុខា, លោក អេង ឆៃអៀង, និងលោក ប៉ុល ហំម។

ជំនួបដោយបិទទ្វា នៃតំណាងគណបក្សទាំងប្រាំមួយរូប បានជួបជជែកគ្នា ដោយគ្មានវត្តមានអ្នក​សារព័ត៌មាន​ឡើយ។ ជំនួបនេះ បានចាប់ផ្តើម នៅម៉ោងជាងប្រាំរសៀល នាថ្ងៃទី១០ ខែសីហា ឆ្នាំ២០១៥ នាវិមានរដ្ឋសភា។

ជាមួយនឹងជំនួបនេះ បើតាមការអះអាង របស់លោក កឹម សុខា នាពេលថ្មីៗនេះ បានលើកឡើងថា ការជជែក​នេះ នឹងលើកយកបញ្ហាសកម្មជន គណបក្សសង្គ្រោះជាតិ ដែលត្រូវបានតុលាការចោទវប្រកាន់ និងកំពុង​បន្ត​ចាប់​ខ្លួន ជាបន្តបន្ទាប់ មកដាក់ជជែកគ្នាដែរ។

មកទល់ម៉ោងនេះ លទ្ធផលនៃការជជែកគ្នា យ៉ាងណានោះ នៅមិនទាន់បង្ហាញជាផ្លូវការ ដោយតំណាង​គណបក្ស​ទាំងពីរ នៅឡើយ។ តែកាលពីព្រឹកថ្ងៃទី១០ ខែសីហា ឆ្នាំ២០១៥នេះ នៅស្នាក់ការ​គណបក្សសង្គ្រោះ​ជាតិ ចាក់អង្រែលើ លោក ឡុង រី [...]

នៅពេលដែលមតិមួយចំនួន និយាយថា ការចូលសារភាពរបស់លោក ឈូក បណ្ឌិត ដើម្បីអនុវត្តទោស​ក្នុង​ពន្ធនាគារ ទៅលើបទចោលបាញ់បោះ យ៉ាងអាណាធិបតេយ្យ ទៅលើកម្មករ ថាជាការបិទបញ្ចប់ នូការរិះគន់ និង​នីទណ្ឌភាពនៅកម្ពុជានោះ សម្រាប់មតិមួយចំនួន បានគិតថា ការចូលខ្លួន របស់អតីតអភិបាលក្រុងបាវិត ជាការបើកផ្លូវឲ្យរដ្ឋាភិបាលលោក ហ៊ុន សែន ឈាន ទៅចាប់ខ្លួនសកម្មជនគណបក្សប្រឆាំងផ្សេងទៀត។

លោក អំ សំអាត ប្រធានផ្នែកបច្ចេកទេសស៊ើបអង្កេត របស់អង្គការការពារសិទ្ធិមនុស្ស លីកាដូ បានសម្ដែង​ទស្សនៈ​របស់លោក ប្រាប់ទស្សនាវដ្ដីមនោរម្យ.អាំងហ្វូ ថាការចូលខ្លួនសារភាព របស់លោក ឈូក បណ្ឌិត នា​ពេលនេះថាអាចជានុយ សម្រាប់បំពាក់ ដើម្បីស្ទូចយកសកម្មជននានា របស់គណបក្សសង្គ្រោះជាតិ ពាក់ព័ន្ធ​នឹងអំពើហិង្សានៅស្ពាននាគ។ លោក បានពន្យល់ឡើងថា៖ «យើងមើលឃើញថា នៅពេលដែលសម្តេច​នាយក​រដ្ឋមន្រ្តី ប្រកាសឲ្យចាប់ខ្លួនបន្ថែមទៀតទៅលើសកម្មជនគណបក្សសង្គ្រោះជាតិ [...]