Posts in ‘នយោបាយ’ Category

គណៈកម្មាធិការអចិន្ត្រៃយ៍ នៃរដ្ឋសភា មកពីគណបក្សប្រជាជនកម្ពុជា ដែលដឹកនាំដោយលោក ហេង សំរិន ប្រធានរដ្ឋសភា បានចុះហត្ថលេខាលើសេចក្ដីប្រកាសមួយ យ៉ាងប្រញ៉ាប់ប្រញ៉ាល ក្នុងព្រឹកថ្ងៃទី១៦ ខែ​វិច្ឆិកា​កន្លងមក​នេះ ដកនូវសិទ្ធិ បុព្វសិទ្ធិ និងសមាជិកភាពជាសមាជិករដ្ឋសភា មណ្ឌលកំពង់ចាម នីតិកាល​ទី៥នេះ ពីប្រធានគណបក្សសង្គ្រោះជាតិលោក សម រង្ស៊ី។ កិច្ចប្រជុំ របស់គណៈកម្មាធិការអចិន្ត្រៃយ៍ រដ្ឋសភា​ដដែល​នេះ បានធ្វើការបដិសេធចោល ​នូវសំណើររបស់សមាជិកសភា មកពីគណបក្សប្រឆាំង ដែលស្នើឲ្យទម្លាក់​ចោល នូវ​ដីកាចាប់ខ្លួនលោក សម រង្ស៊ី នោះ។

ការសម្រេចរបស់ប្រធានរដ្ឋសភា និងគណៈកម្មាធិការអចិន្ត្រៃយ៍នេះ ត្រូវបាន លោក រស់ សួ មន្រ្តីបច្ចេកទេស​ច្បាប់ មកពីគណបក្សសង្គ្រោះជាតិ ចាត់ទុកថាជាការសម្រេច ដោយរំលោភទៅលើរដ្ឋធម្មនុញ្ញ។ ក្នុងកិច្ច​សម្ភាស ជាមួយទស្សនាវដ្តីមនោរម្យ.អាំងហ្វូ លោក រស់ សួ បានបញ្ជាក់ថា គណៈកម្មាធិការអចិន្រ្តៃយ៍រដ្ឋសភា [...]

តើសេក្តីព្រាងច្បាប់ ស្តីពី«ការគ្រប់គ្រង ផលិតផលគ្រឿងស្រវឹង» បានដើរឡើង ទៅដល់កាំជណ្ដើរ​ទី​ប៉ុន្មាន​ហើយ? ដើម្បីឆ្លើយនឹងសំនួរនេះ លោក យ៉ង់ គឹមអេង ដែលជាប្រធាមមជ្ឈមណ្ឌលប្រជាពលរដ្ឋ ដើម្បី​អភិវឌ្ឍន៍ និងសន្ដិភាព និងជាសមាជិតក្រុមប្រឹក្សាភិបាល នៃសម្ព័នយុវជន ដើម្បីឯកភាពនិងអភិវឌ្ឍន៍ បាន​និយាយ​ថា សេចក្តីព្រាងច្បាប់ ស្តីពីការគ្រប់គ្រងគ្រឿងស្រវឹង ត្រូវបានព្រាងចប់ តាំងពី ២០១៤ ហើយក៏បាន ដាក់​ជូន​ទៅ​ទីស្តីការ​គណះរដ្ឋមន្រ្តី ដើម្បីប្រជុំអនុម័ត តែត្រូវបានខកខាន រហូតមកដល់ពេលនេះ។

លោកបានថ្លែងដូច្នេះ នៅក្នុងកម្មវិធីមួយ ការពង្រឹងសិទ្ធិ អំណាចរបស់យុវជននៅប្រទេសកម្ពុជា ដែល​រៀបចំ​ឡើង ដោយសភាយុវជនត្រាប់និងយុវជន កាលពីថ្ងៃទី១៤ ខែវិច្ឆិកា ឆ្នាំ២០១៥ និងមានការចូលរួម ពី​សំណាក់​យុវជន ដែលមកពីច្រើនស្ថាប័ន។

តែផ្ទុយទៅវិញ ចំពោះការខកខានអនុម័តច្បាប់នេះ ត្រូវបានលោក គឹមអេង ដាក់សង្ស័យថា មានការ​ជ្រៀត​ជ្រែក [...]

មន្រ្តីជាន់ខ្ពស់ នៃគណបក្សសង្គ្រោះជាតិ ជាងមួយម៉ោងមុននេះ លោក អេង ឆៃអៀង តាមបណ្តាញ​សង្គម​របស់​ខ្លួន បានលើកឡើងថា មេគណបក្សប្រឆាំង លោក សម រង្ស៊ី នឹងមិនខឹងអ្នកណាឡើយ បើទោះជាលោក ហ៊ុន សែន ខឹងលោកយ៉ាងណាក៏ដោយ។ លោកបានលើកឡើងថា ការដែលលោកមិនខឹង នឹងលោក ហ៊ុន សែន នោះ ព្រោះវាជាសេចក្តីសុខផ្ទាល់ខ្លួនលោក។ លោក ឆៃអៀង ដែលជាប្រធានគណកម្មការទីមួយ នៃរដ្ឋសភា មក​ពី​គណបក្សសង្គ្រោះជាតិ បានសរសេរថា «សម រង្ស៊ី ៖ ខ្ញុំនឹងសុំអភ័យទោស ចំពោះនរណាក៏ដោយ ពេល​ណា​ក៏ដោយ បើខ្ញុំបានធ្វើឲ្យគេឈឺចាប់ ក្នុងប្រការណាមួយ ដោយអចេតនា។ ក្នុងការបំពេញតួនាទីរបស់​យើង ជាអ្នកនយោបាយ យើងក៏ត្រូវមានសុជីវធម៌ដែរ។»

ការលើកឡើងខាងនេះ បន្ទាប់ពីលោក នាយករដ្ឋមន្រ្តី បានថ្លែងក្នុងវីដេអូឃ្លីបមួយ ដែលបានផ្សាយតាម​ទំព័រ​ហ្វេសប៊ុក​​របស់លោក  កាលពីថ្ងៃទី១២ ខែវិច្ឆិកា ឆ្នាំ២០១៥នេះ បន្តធ្វើការចោទប្រកាន់ ទាំងកំហឹងថា មេបក្ស​ប្រឆាំងទាំងពីរ បាននឹងកំពុងកេងចំណេញ [...]

កាលពីថ្ងៃទី១០ ខែវិច្ឆិកា ម្សិលម៉ិញនេះ លោក ញ៉យ ចំរើន តំណាងរាស្រ្តមណ្ឌល និងលោក គង់ សភា តំណាង​រាស្រ្តមណ្ឌលស្វាយរៀង មកពីគណបក្សសង្គ្រោះជាតិ បានដាក់ពាក្យបណ្តឹង ទៅកាន់សាលា​ដំបូង​រាជធានី​ភ្នំពេញ ដោយចោទប្រកាន់ លើបាតុករមួយក្រុម ពីបទប៉ុនប៉ងឃាតកម្ម គិតទុកជាមុន និងធ្វើឲ្យខូច​ខាត​ដោយ​ចេតនា មានស្ថានទំងន់ទោស។

សូមរំលឹកថា កាលពីថ្ងៃទីទី៤ ខែវិច្ឆិកា ឆ្នាំ២០១៥ ជនសង្ស័យបីនាក់ បានចេញមុខដំណាលគ្នា មកសារភាព ដោយ​អះអាងថា ពួកខ្កួនពិតជាបានព្រួត វាយតំណាងរាស្រ្តទាំងនោះមែន ក៏ព្រោះតែតំណាងរាស្រ្តនោះ បាន​ជេរ​ពួក​ខ្លួន​ដែរ។ យ៉ាងណា ជនទាំងបីនាក់នេះ ត្រូវបានតុលាការចោទប្រកាន់ត្រឹមបទ «បង្កហិង្សាដោយ​ចេតនា និង​ធ្វើ​ឲ្យ​ខូចខាតទ្រព្យសម្បត្តិដោយចេតនា មានស្ថានទម្ងន់ទោស» ប៉ុណ្ណោះ។

កាលពីថ្ងៃទី២៦ ខែតុលា ឆ្នាំ២០១៥ វេលាថ្ងៃត្រង់ តំណាងរាស្រ្តទាំងពីររូបខាងលើ ត្រូវបានបាតុករមួយក្រុម ទាញ​ចេញពីក្នុងរថយន្ដផងខ្លួន [...]

យន្ដហោះប្រម៉ាញ់លើអាកាស របស់បារាំង ១០គ្រឿង បានចេញធ្វើប្រតិបត្តិការវាយបក ដោយទម្លាក់​គ្រាប់​បែក ប្រមាណជា២០គ្រាប់ ទៅលើបញ្ជាការដ្ឋាន នៃក្រុមរដ្ឋអ៊ីស្លាម ក្នុងក្រុង រ៉ាកា (Raqa) ភាគខាងជើង នៃ​ប្រទេស​ស៊ីរី កាលពីថ្ងៃយប់អាទិត្យនេះ។ ការវាយបក ដែលជាចម្លើយរបស់បារាំង ទៅនឹង​អំពើភេរវកម្មនៅ​រដ្ឋធានី​ប៉ារីស កាលពីថ្ងៃសុក្រមុននេះ បានកំទេចចោល នូវទីបញ្ជាការធំ និងកន្លែងហ្វឹកហាត់ របស់​ក្រុម​រដ្ឋ​អ៊ីស្លាម។ នេះបើតាមការអះអាងឲ្យដឹង របស់ក្រសួងការពារជាតិបារាំង។

នៅក្នុងសេចក្ដីប្រកាសព័ត៌មានមួយ ចេញផ្សាយដោយក្រសួងការពារជាតិបារាំង បានឲ្យដឹងថា៖ «ចំណុច​សំខាន់​ទីមួយ ដែលត្រូវបានកំទេចនោះ ត្រូវបានប្រើប្រាស់ ដោយក្រុមរដ្ឋអ៊ីស្លាម (ពាក្យអារ៉ាប់ហៅ Daech ពាក្យកាត់បារាំងហៅ EI ពាក្យកាត់អង់គ្លេសហៅ ISIS) ជាទីបញ្ជាការធំ ដែលជាកន្លែង ស្វែងរកយុទ្ធជន​ស្ម័គ្រ​ប្រយុទ្ធ របស់ព្រះអាឡាហ៍ថ្មីៗ និងជាកន្លែងផ្ទុកអាវុធ និងគ្រាប់។ [...]