សម រង្ស៊ី៖ ហ៊ុន សែន តែងចាត់ការមុនចំពោះសភាពការណ៍ណា ដែលអាចនាំគ្រោះឲ្យគាត់
ខណៈពេលដែល ការស៊ើបអង្កេតទៅលើការបាញ់«ឆៅ»សម្លាប់លោក កែម ឡី កំពុងប្រព្រឹត្តិទៅមុខនៅឡើយ ប៉ុន្តែក្រុមអ្នកនយោបាយវិញ បានយកព្រឹត្តិការណ៍ដ៏សាហាវព្រៃផ្សៃ ដែលកើតឡើងកណ្ដាលរាជធានីនេះ មកធ្វើការពន្យល់ ទៅតាមហេតុផលផ្សេងៗ ជាពិសេសទៅតាមរឿងរ៉ាវ ដែលធ្លាប់កើតឡើង ជាច្រើនដងកន្លងមកហើយ។
ប្រសិនបើក្រុមអ្នកគាំទ្រ គណបក្សប្រជាជនកម្ពុជា (កាន់អំណាច) ខិតខំយកទឡ្ហីករណ៍ផ្សេងៗមកពន្យល់ថា ឃាតកម្មលើលោក កែម ឡី អាចជាការរៀបចំឡើងរបស់គណបក្សសង្គ្រោះជាតិ ក្នុងការទម្លាក់កំហុស ទៅលើគណបក្សកាន់អំណាចនោះ តែសម្រាប់មេដឹកនាំគណបក្សប្រឆាំងវិញ បានហៅក្រុមមនុស្សដែលបានលើកឡើងនោះ ថាជាក្រុម«មនុស្សឆ្កួតលីលា»សុទ្ធសាធ។
នៅក្នុងកិច្ចសម្ភាសមួយ ផ្ដល់ទៅឲ្យសារព័ត៌មានចេញផ្សាយប្រចាំថ្ងៃ «ខេមបូឌាដេលី» លោក សម រង្ស៊ី ដែលកំពុងនិរទេសខ្លួនឯងនៅក្រៅប្រទេស បានលើកឡើងថា៖ «ថ្មីៗនេះ ក្នុងឋានៈជាបុគ្គល(សមញ្ញ) លោក កែម ឡី [...]
