ពេជ្រ សីហា សងសឹកឲ្យសិស្សច្បងបានសម្រេច តែប៊ុននឿនចាញ់ថៃ
អ្នកប្រដាល់កម្ពុជា ពេជ្រ សីហា របស់សមាគមកីឡាប្រដាល់ក្រសួងការពារជាតិ បានផ្តួលកីឡាករថៃ សែន ឆៃណយ (Sen Chhai Noiy) ឲ្យសន្លប់ក្នុងទឹកទី ៣ ក្នុងការប្រកួតប្រដាល់លក្ខណៈមិត្តភាពអន្តរជាតិនៅសង្វៀនប៉ុស្តិ៏លេខ៥ នាកីឡាដ្ឋាន ប៊ីឡាញ អារ៉េណា (Beeline Arena) នាយប់ថ្ងៃទី២៥ មេសា យប់ម៉ិញ។
អ្នកប្រដាល់ជើងចាស់ សៅ ប៊ុននឿន ប្រកួតចាញ់កីឡាករថៃដោយពិន្ទុ។
អ្នកប្រដាល់ថៃ សែន ឆៃណយ ធ្លាប់ប្រកួតឈ្នះពិន្ទុលើកីឡាករ អូត ភូថង ដែលជាសិស្សច្បងរបស់ សីហា កាលពីខែមុននោះ ត្រូវបានកីឡាករកណ្តាប់ដៃដែក បំបែកផ្ទាំងសិលា ពេជ្រ សីហា វ៉ៃឲ្យរ៉ាប់ ៨ ចំនួន ២ដង នៅទឹកទី២។
នៅទឹកទី៣ ឆៃណយ បានពង្រឹងស្មារតីឡើងវិញ ដោយបានវាយតបទៅលើសីហា បានដូចគ្នា ប៉ុន្តែអ្នកប្រដាល់កម្លាំងខ្លាំងសីហា នៅតែតាមវ៉ៃសម្រុក [...]
