Posts in ‘កីឡាដទៃទៀត’ Category

កីឡាករ រ៉ាហ្វាអែល ណាដាល់ (Rafael Nadal) របស់អេស្ប៉ាញ បានយកឈ្នះកីឡាករលេខ១ ពិភពលោក ណូវ័ក ឌីចូកូវីក (Novak Djokovic) ៣សិតទល់នឹង១សិត និងបានលើកពាន «យូអេសអូផិន» (US Open) លើកទី២របស់គាត់ នៅក្នុង​ទីក្រុងញ៉ូយ៉ក កាលពីថ្ងៃច័ន្ទ។

កីឡាករ រ៉ាហ្វាអែល ណាដាល់ ពេលលើកពានរង្វាន់ របស់ យូអេស អូផិន។ (រូបភាព rafael.nadal.over-blog.com)

កីឡាករលេខ២ ពិភពលោក ណាដាល់ វ័យ២៧ឆ្នាំ បានចំណាយពេលអស់ ៣ម៉ោង ២១នាទី ទើបអាចយកឈ្នះ ឌីចូកូវីក ដោយលទ្ធផល ៦-២, ៣-៦, ៦-៤ និង ៦-១។

បច្ចុប្បន្ន ណាដាល់បានឈ្នះពានរង្វាន់ហ្រ្គែនស្លាម (Grand Slam) ឯកត្តជនចំនួន ១៣ហើយ ខណៈដែល កីឡាករ រ៉ចឺ ហ្វេដឺរឺ (Roger Federer) ឈ្នះបានច្រើនជាងគេរហូតដល់ ១៧លើក។

ហើយបន្ទាប់ពីអវត្តមានក្នុងការប្រកួត «យូអេសអូផិន» [...]

កីឡាការិនីលេខ១ពិភពលោក សេរ៉េណា វីលែម (Serena Williams) បានឈ្នះពានរង្វាន់ «យូអេសអូផិន» (US Open) លើកទី៥ ក្នុងអាជីពរបស់នាង បន្ទាប់ពីនាងបានយកឈ្នះកីឡាការិនីលេខ២ពិភពលោក វីកតូរៀ អាស្សារ៉ិនកា (Victoria Azarenka) កាលពីយប់ថ្ងៃអាទិត្យ (ព្រឹកថ្ងៃច័ន្ទ៖ កម្ពុជា)។

កីឡាការិនីវាយតឺនីស សេរ៉េណា វីលែម នៅពេលទទួលបានពានរង្វាន់។ (រូបថត melty.fr)

កីឡាការិនីអាមេរិក វ័យ៣១ឆ្នាំ វីលែម បានវាយលុកយកជ័យជំនះ ៣សិតទល់នឹង១សិត ដោយលទ្ធផល ៧-៥, ៦-៧ (៦-៨) និង ៦-១ និងជាការឈ្នះជាលើកទី២ ខណៈដែលឆ្នាំមុនក៏នាងបានទម្លាក់កីឡាការិនីបេឡារ៉ូស អាស្សារ៉ិនកា នៅក្នុងវគ្គ​ផ្តាច់​ព្រ័ត្រដូចគ្នាដែរ។

បច្ចុប្បន្ន វីលែម បានឈ្នះពានរង្វាន់ហ្គ្រែនស្លាម (Grand Slam) ឯកត្តជនចំនួន១៧លើកហើយ [...]

កីឡាករលំដាប់លេខ៨ របស់បារាំង រីឆាដ ហ្គាសឃ្វីត (Richard Gasquet) បានកក់កៅអីឡើងទៅកាន់វគ្គពាក់កណ្តាល​ផ្តាច់ព្រ័ត្រ ក្នុងព្រឹត្តិការណ៏ «យូអេសអូផិន» (US Open) ជាលើកដំបូង កាលពីថ្ងៃពុធ បន្ទាប់ពីយកឈ្នះ ៦-៣, ៦-១, ៤-៦, ២-៦ និង ៦-៣ ទៅលើកីឡាករលំដាប់លេខ៤ របស់អេស្ប៉ាញ ដេវីដ ហ្វឺរឺ (David Ferrer)។

កីឡាករអេស្ប៉ាញ ដេវីដ ហ្វឺរឺ ដែលត្រូវបានទម្លាក់ដោយកីឡាករបារាំង។ (រូបថត dimmidi.com)

ហ្គាសឃ្វីដ ដែលធ្លាប់បានឡើងដល់វគ្គពាក់កណ្តាលផ្តាច់ព្រ័ត្រម្តង ក្នុងព្រឹត្តិការណ៏ វីមបលដុន (Wimbledon) កាល​ពី​ឆ្នាំ​២០០៧ ជាកីឡាករបារាំងតែម្នាក់គត់ ដែលអាចឡើងទៅកាន់វគ្គពាក់កណ្តាលផ្តាច់ព្រ័ត្រ «យូអេសអូផិន» នៅក្នុងទីក្រុង​ញ៉ូយ៉កនេះ បើគិតតាំងពីឆ្នាំ១៩៩៩មក។

នេះជាលើកទី២ហើយ [...]

ម្ចាស់ជើងឯកហ្គ្រែនស្លាម (Grand Slam) ១៧សម័យកាល រ៉ដចឺ ហ្វេដឺរឺ (Roger Federer) សញ្ជាតិស្វីស បានធ្លាក់ពីការ​ប្រកួតក្នុងព្រឹត្តិការណ៏ យូអេសអូផិន (US Open) នៅក្នុងជុំទី៤ ដោយថ្វីដៃកីឡាករអេស្ប៉ាញ ថូមី រ៉ូប្រេដូ (Tommy Robredo) ក្នុងលទ្ធផល ៧-៦ (៧/៣), ៦-៣ និង ៦-៤ នៅវគ្គ១ភាគ៨ផ្តាច់ព្រ័ត្រ។

កីឡាករវាយតឺនីស រ៉ដចឺ ហ្វេដឺរឺ នៅយូអេសអូផិន ថ្ងៃទី០២ខែសីហាឆ្នាំ២០១៣។ (រូបថត getty-images)

ការបរាជ័យរបស់ ហ្វេដឺរឺមួយនេះ មានន័យថា គាត់បានបាត់ឱកាសដែលចង់ឡើងទៅប៉ះកីឡាករ ម្ចាស់ជើងឯកហ្គ្រែន​ស្លាម ១២សម័យកាល រ៉ាហ្វាអែល ណាដាល់ (Rafael Nadal) នៅក្នុងវគ្គ១ភាគ៤ផ្តាច់ព្រ័ត្រហើយ។

ម្ចាស់ពានរង្វាន់យូអេសអូផិន ៥សម័យកាល ហ្វេដឺរឺ គាត់បានដឹងខ្លួនដែរថា [...]

កីឡាការិនីសញ្ជាតិរុស្សី លំដាប់លេខ៣ពិភពលោក ម៉ារៀ ស្សារ៉ាប៉ូវ៉ា (Maria Sharapova) បានដកខ្លួនចេញពីការ​ប្រកួត​ព្រឹត្តិការណ៏ដ៏ធំប្រចាំឆ្នាំ យូអេសអូផិន (US Open) ដោយសារតែមានបញ្ហារបួសស្មារខាងស្តាំ។ នេះបើតាមអ្នករៀបចំ​កម្មវិធីប្រកួត បានប្រកាសឲ្យដឹងកាលពីថ្ងៃពុធ។

កីឡាការិនី ម៉ារៀ ស្សារ៉ាប៉ូវ៉ា នៅក្នុងឈុតផ្សាយពាណិជ្ជកម្មឲ្យផលិតផលមួយ។ (រូបថត ក្រុមហ៊ុន)

គួររំឮកថា ស្សារ៉ាប៉ូវ៉ា វ័យ២៦ឆ្នាំ បានចូលលេងលើទីលានបានតែ ១ប្រកួតគត់ ចាប់តាំងពីខែកក្កដាមក ដោយសារ​តែ​មាន​បញ្ហារបួសត្រគេកដែរ។

នាយកគ្រប់គ្រងនៅក្នុងកម្មវិធីប្រកួត របស់សហព័ន្ធតឺនីសប្រទេសអាមេរិក (U.S. Tennis Association) លោក ដេវីដ ប្រេវើ (David Brewer) បានចេញសេចក្តីថ្លែងការណ៏មួយ កាលពីយប់ថ្ងៃពុធថា៖ «ស្សារ៉ាប៉ូវ៉ា [...]