មូលហេតុសំខាន់៣ ដែលធ្វើឱ្យតារាសម្តែងស្រីម្នាក់លោតទឹកសម្លាប់ខ្លួន
រឿងរ៉ាវនៃការលោតទឹកសម្លាប់ខ្លួន របស់ស្រ្តីដែលគេស្គាល់ថា ជាតារាសម្តែង ប៉ុន្តែមិនសូវមានឈ្មោះបោះសម្លេងប៉ុន្មានឡើយ នៅក្នុងពិភពសិល្បៈ បានល្បីខ្ទខ្ទារ ពេញបណ្ដាញសារព័ត៌មានក្នុងស្រុកជាច្រើន ដែលបានធ្វើការចុះផ្សាយ អំពីករណីលោតទឹកសម្លាប់ខ្លួនរបស់នាង។
ស្ដ្រីវ័យក្មេង ដែលអាយុជាង២០ឆ្នាំ និងជាតារាសម្ដែង ប៉ងធ្វើអត្ដឃាត ដោយលោតសម្លាប់ខ្លួននេះ បានកើតឡើងកាលថ្ងៃទី១២ ខែ សីហា ឆ្នាំ២០១៤ កន្លងមកនេះ វេលាម៉ោង ប្រមាណ ៨ និង៣០នាទីព្រឹក នៅលើ ស្ពានជ្រោយចង្វារ ប៉ែកខាងកើតស្ថិតក្នុង ទឹកដី សង្កាត់ជ្រោយចង្វារ ខណ្ឌជ្រោយចង្វារ។ ការសម្រេចចិត្ដធ្វើអត្ដឃាតដោយ លោតពីលើស្ពានខាងលើនេះត្រូវបានប្រភពនានា ក៏ដូចសារព័ត៌មួយចំនួនអះអាងថា នេះដោយសារតែ តែរូបនាងមានវិបត្ដិស្នេហាចុងក្រោយ ខណៈបុរសជាសង្សាររបស់ខ្លួន ដែលជាមន្ដ្រីថ្នាក់ឧត្ដមសេនីយ៍បានវាយនាង ទើបនាងតូចចិត្ដសម្រេច មកលោត កសម្លាប់ខ្លួនតែម្ដង។
[...]
