Posts in ‘បេះដូង ស្នេហា’ Category

អ៊ឺរ៉ូ២០១៦៖ ជូន​ចិញ្ចៀន​សុំ​រៀបការ ក្នុង​ពេល​ទៅ​មើល​បាល់

អ៊ឺរ៉ូ២០១៦៖ ជូន​ចិញ្ចៀន​សុំ​រៀបការ ក្នុង​ពេល​ទៅ​មើល​បាល់

តាមពិតទៅ គូស្នេហ៍ទាំងពីរ មិនមែនជាជនជាតិអង់គ្លេសសុទ្ធនោះទេ៖ យុវជនជាជនជាតិ វៀល្ស៍ (Wales - តំបន់​មួយស្ថិតនៅភាគខាងលិច) ខណៈយុវតីវ័យក្មេង ទើបជាជនជាតិអង់គ្លេសពិតប្រាកដ។ អ្នកទាំងពីរបាន​មក​គាំទ្រ ក្រុមបាល់ទាត់ជម្រើសជាតិ​​តែរៀងខ្លួន។ ប៉ុន្តែសេចក្ដីស្នេហា មានទំហំធំ និងមានទម្ងន់ធ្ងន់​ជាង​បាល់​ទាត់។ មិនអញ្ចឹងទេឬ?

យុវជនបានដកចិញ្ចៀនចេញមក ហើយបានបង្ហាញជូន ទៅនារីកំពុងស្នេហ៍ ដោយពោលពាក្យ​ដ៏​អស្ចារ្យ​ដូច្នេះ​ថា៖ «បងសុំស្នើចិត្តអូន ដើម្បីរៀបការជាមួយបង»។ វីដេអូត្រូវបានយកមកបង្ហោះ នៅលើគេហទំព័រ «YouTube» តាំងពីច្រើនថ្ងៃមកហើយ ហើយមានមនុស្សចូលទៅទស្សនា ប្រមាណជិត៥ម៉ឺនដងហើយ។ នៅ​លើ​បណ្ដាញ​សង្គម​វិញ ក៏វីដេអូនេះ បានបង្កភាពជ្រួលជ្រើមមិនតិចដែរ។

កាយវិការ«លុតជង្គង់» របស់យុវជនជាគូស្នេហ៍ លើទីលានក្បែរតួអេហ្វែល (Tour Effel) នៃ​រដ្ឋធានី​ប៉ារីស បាន​ពញ្ញាក់អារម្មណ៍យុវតីឲ្យស្រឡាំងកាំង [...]

រួច​ពី​ទោស​ប្រហារ​ជីវិត ព្រោះ​ចៅក្រម​លង់​ស្នេហ៍​​លើ​ស្ត្រី​ជាប់​ចោទ

រួច​ពី​ទោស​ប្រហារ​ជីវិត ព្រោះ​ចៅក្រម​លង់​ស្នេហ៍​​លើ​ស្ត្រី​ជាប់​ចោទ

រឿងក្ដីឃាតកម្មដ៏សាហាវ ដែលកក្រើក​ពេញទាំងប្រទេសអាមេរិក តែជនដៃដល់ បែរជារួចខ្លួន មិនត្រូវ​បាន​ចៅក្រម​កាត់ទោសប្រហារជីវិតនោះទេ។ នាង ជូឌី អេរៀស (Jodi Arias) អាយុ៣២ឆ្នាំ ត្រូវបានរកឃើញ ថា​បាន​ប្រព្រឹត្តិអំពើមនុស្សឃាត ទៅលើអតីតគូស្នេហ៍បស់នាង ដោយចាក់នឹងកាំបិត តែនាងបានរួចផុត ពី​ទោស​ប្រហារជីវិត ដោយសាររូបសម្រស់របស់នាង បាន​ទាក់ទាញឲ្យ​ចៅក្រម​​ចំណាស់មួយរូប លង់ទៅក្នុង​សំណាញ់​ស្នេហ៍​របស់នាង។

រឿងរ៉ាវដំបូង កើតឡើងនៅក្នុងអំឡុងខែកក្កដា ឆ្នាំ២០០៨ ដោយការបែកបាក់គ្នា យ៉ាងជូរចត់មួយ រវាងនាង ជូឌី និងអតីតសង្សារបស់នាង នៅក្នុងគេហដ្ឋានរបស់ខាងប្រុស នាក្រុង មីសា (Mesa) រដ្ឋអារីហ្សូណា (Arizona ភាគខាងលិចអាមេរិក)។ នៅក្នុងសភាពខឹងសម្បា ទប់ចិត្តមិនបាននៅពេលនោះ នាង ជូឌី បាន​ទាញ​កាំបិត​មកកាន់នឹងដៃ ហើយបានចាក់បុរសបែកចិត្ត ចំនួន២៧កាំបិត ក្នុងពេលដែលបុរសកំពុងងូតទឹក។

ប៉ុន្តែសវនាការកាត់ទោស កាលពីអំឡុងខែមីនា ឆ្នាំ២០១៥ [...]

បង្ខំ​ភរិយា​ឲ្យ​លក់​ខ្លួន​ចំនួន​ជិត​៣០០០ដង ក្នុង​រយៈពេល​៥ឆ្នាំ

បង្ខំ​ភរិយា​ឲ្យ​លក់​ខ្លួន​ចំនួន​ជិត​៣០០០ដង ក្នុង​រយៈពេល​៥ឆ្នាំ

ខ្លួនជាអ្នកបង្ហោះដំណឹង លក់ប្រពន្ធរបស់ខ្លួន តាមបណ្ដាញអ៊ិនធើណែត ជាអ្នកណាត់កន្លែងជួប និងបន្ទាប់​មកជាអ្នករង់ចាំ ជាមួយនឹងកូនប្រុសម្នាក់ អាយុ៥ឆ្នាំ រហូតលុះត្រានាងបានដេក ជាមួយភ្ញៀវរួចរាល់។ បុរស​ម្នាក់​នេះ អាយុ៥៤ឆ្នាំ ត្រូវបានតុលាការផ្ដន្ទាទោស ពីបទធ្វើសញ្ចារកម្ម (មានន័យថា ទង្វើជួយឲ្យមាន​ការ​ជួញ​ដូរ​ផ្លូវ​ភេទ) ទៅលើភរិយា (មិនទាន់រៀបការ) របស់ខ្លួន កាលពីសប្ដាហ៍មុន នៅក្នុងក្រុង ម៉ូ (Meaux) ស្ថិត​នៅ​ក្នុង​តំបន់​ជាយក្រុង នៃរដ្ឋធានីប៉ារីស ប្រទេសបារាំង។ បុរសដ៏អស្ចារ្យ បានលក់មនុស្សដែលខ្លួនស្រឡាញ់ យ៉ាង​ហោច​ចំនួន​២៧៤២ដង នៅក្នុងរយៈពេល៥ឆ្នាំ។

ស្ត្រីរងគ្រោះ ដែលមានវ័យ៤៦ឆ្នាំ បម្រើការក្នុងរង្គសាលមួយ បានរៀបរាប់នៅក្នុងសវនាការថា តាំងពីឆ្នាំ​២០០៩មក នាងត្រូវបានបង្ខំឲ្យដេកជាមួយភ្ញៀវ សឹងជារៀងរាល់ពេលរសៀល ពីថ្ងៃចន្ទដល់ថ្ងៃសុក្រ រហូត​ដល់ពេលនាងមានផ្ទៃពោះ ដើម្បីដោះស្រាយបញ្ហាហិរញ្ញវត្ថុ របស់គ្រួសារ។ [...]

នាង​អាច​ជាប់​គុក​១ឆ្នាំ ព្រោះ​ហ៊ាន​ថត​ប្ដី​ផិត​ក្បត់​យក​មក​ផ្សាយ

ស្ត្រីជាតិអារ៉ាប៊ីសាអូឌីតមួយរូប បានជ្រើសរើសវិធីសាស្ត្រមួយ ដើម្បីបរិហាពីភាពផិតក្បត់ របស់ស្វាមី​របស់​ខ្លួន។ នាងបានថតវីដេអូ ពីសកម្មភាពកេះកៀវ អោបថើបស្ត្រីថ្មី ដែលប្ដីរបស់នាងបានធ្វើ មុននឹងយក​វីដេអូ​នេះ មកបង្ហោះតាមបណ្ដាញអ៊ិនធើណែត។

ជាមួយនឹងវីដេអូខាងលើ នាងបានសរសេររៀបរាប់ថា៖ «ស្វាមីខ្ញុំ ស័ក្ដិសមនឹងធ្វើឲ្យផ្ទុះ​រឿងអាស្រូវ ដើម្បី​ជា​ការផ្ដន្ទាទោស ដ៏តិចបំផុតមួយ»។

ផ្ទុយពីភាពរងគ្រោះ ដែលខ្លួនមាន ព្រោះស្វាមីបានផិតក្បត់នោះ ស្ត្រីជាភរិយារូបនេះ អាចនឹងត្រូវ​បាន​ប្រព័ន្ធ​យុត្តិធម៌របស់ប្រទេស ធ្វើការផ្ដន្ទាទោសនាង ឲ្យជាប់ពន្ធនាគារ​សម្រាប់រយៈពេលមួយឆ្នាំ។

ច្បាប់ទម្លាប់ នៅក្នុងប្រទេសអារ៉ាប៊ីសាអ៊ូឌីត បានផ្ដល់ទំងន់​ទៅឲ្យបុរស។ មិនត្រឹមតែជាប់ពន្ធនាគារ​នោះទេ ប៉ុន្តែបើសិនជាភរិយា ត្រូវបានគេរកឃើញថា បាន«បរិហារកេរ្ត៍ស្វាមីខ្លួន ជាមួយនឹងបច្ចេកវិទ្យាថ្មីៗ» នោះ [...]

អំណោយ​ដ៏​ពិសេស​ថ្ងៃ​បុណ្យ​ខួប​កំណើត... ព្រោះ​នាង​ក្បត់​ចិត្ត!

សម្រាប់លោក រ៉េ បាយហ្វ័រ (Ray Byford) ភាពផិតក្បត់ ត្រូវតែសងសឹកវិញ ឲ្យចាស់ដៃ។ ការជម្រះបញ្ជីគ្នានេះ បានកើតឡើងបន្ទាប់ពីលោក រ៉េ បានសងំស្ងៀម ក្នុងរយៈពេលមួយ បើទោះជាបានដឹងថា សង្សារួមរស់ជា​មួយ​គ្នា នាងបានលួចទៅផិត ជាមួយអ្នកថ្មី តាំងពីយូរមកហើយក្ដី។ លោក រ៉េ រង់ចាំដល់ថ្ងៃបុណ្យខួបកំណើត​មក​ដល់ ដើម្បីធ្វើការសងសឹកនេះ និងជាការបញ្ជាក់ទៅនាងថា អ្វីទៅជាការឈឺចាប់។

វីដេអូដែលថតពីការជម្រះបញ្ជីជាមួយសង្សានេះ ត្រូវបានបង្ហោះ​នៅលើគេហទំព័រយូធូប កាលពីពាក់​កណ្ដាល​ខែកក្កដា តែបានទាក់ទាញមនុស្សម្នា ទូទាំងពិភពលោកឲ្យបានដឹង និងបានចុចចូលទៅទស្សនា ប្រមាណជា​ជាង១១លានដង គ្រាន់តែក្នុងរយៈពេល ១សប្ដាហ៍ដំបូងប៉ុណ្ណោះ។ នៅក្នុងវីដេអូ ដែលមានរយៈពេល ១នាទី​និង៣៥វិនាទីនេះ គេបានស្ដាប់ឮលោក រ៉េ បាយហ្វ័រ និយាយពីសេចក្ដីស្នេហារបស់ខ្លួន ទៅកាន់សង្សារបស់​ខ្លួន មុននឹងសុំឲ្យនាងបិតភ្នែក ដើម្បីទទួលយកនូវ«អំណោយពិសេស» ដែលលោកបានរៀបចំឲ្យនាង [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...