Posts in ‘ការរស់នៅប្រចាំថ្ងៃ’ Category

កុមារីជាតិប៉ាគីស្ថាន អាយុ១១ឆ្នាំម្នាក់ បានស្លាប់ដោយលង់ទឹក នៅក្នុងស្ទឹង «Kunhar» ដែលមាន​ទឹក​ហូរ​ខ្មួលខ្មាញ់ នៃខេត្ត «Khyber Pakhtunkhwa» ក្បែរក្រុង «Beesian» បន្ទាប់ពីកុមារីរូបនោះ បាន​ព្យាយាម​ថត​រូប​ដោយ​ខ្លួនឯង (Selfie)។ ឪពុកម្ដាយរបស់កុមារ ក៏បានស្លាប់ដោយលង់ទឹកនោះដែរ ដោយសារ​ពួក​គេ​បាន​លោត​ចូល ទៅក្នុងស្ទឹងនោះ ដើម្បីចង់សង្គ្រោះកូនស្រី​របស់ខ្លួន។ នេះបើតាមការថ្លែងឲ្យដឹង ពីនគរបាល និង​រដ្ឋ​អំណាច​តំបន់ ដែលសម្បូរដោយទេសចរណ៍ ស្ថិតនៅចំងាយ២០០គីឡូម៉ែត្រ ភាគខាងជើង​នៃ​រដ្ឋធានី អ៊ីស្លាម៉ាបាដ។

នគរបាលមួយរូប លោក អារសាដ ខាន់ (Arshad Khan) បានលើកយកសំដី​សាក្សី​ជាច្រើន ដែលសុទ្ធសឹងជា​អ្នក​ទេសចរណ៍ នៅក្នុងហេតុការណ៍ មកថ្លែងអះអាងថា៖ «កុមារីបានព្យាយាមថតរូបខ្លួន នៅនឹងមាត់ស្ទឹង ហើយ​បាន​រអិល​ជើង ធ្លាក់ចូលទៅក្នុងស្ទឹង»។ លោក ខាន់ បានបន្តទៀតថា នៅពេលឃើញដូច្នេះ ម្ដាយ​ក៏​លោត​ចូល​ទៅ​ក្នុង​ទឹកស្ទឹង [...]

ទោះខ្លួនជាជនល្មើស ក៏អាចក្លាយជាវីរៈជនបានដែរ នៅថ្ងៃណាមួយ។ ដូចជាក្រុមអ្នកជាប់ឃុំ​នេះជាដើម ដែល​ខ្លួនសុទ្ធតែជាប់ខ្នោះដៃ ជាប់ច្រវាក់ជើង តែបានបង្ខំហែកគុកដែល​ដាក់ពួកគេ ដើម្បីចេញទៅជួយសង្គ្រោះ អ្នក​យាម​គុក​ម្នាក់ ដែលរងគ្រោះនឹងអាការៈគាំងបេះដូង។ ហេតុការណ៍បានកើតឡើង នៅក្នុងតុលាការក្រុង «Parker» នៃ​រដ្ឋ​តិចសាស់ ភាគខាត្បូងសហរដ្ឋអាមេរិក កាលពីថ្ងៃទី២៣ ខែមិថុនាកន្លងទៅ ហើយត្រូវ​បាន​ទូរទស្សន៍ «ABC» របស់អាមេរិក ​យកមករាយការណ៍​នៅចុងសប្ដាហ៍មុន។

អ្នកយាមគុក​ម្នាក់នេះ បានរងនូវអាការៈ​ដែលអាចអស់ជីវិត និងបានដួលពីលើកៅអី ដូចដែលបានបង្ហាញ​នៅក្នុង​រូបភាពនៃវីដេអូសុវត្ថិភាព របស់បន្ទប់ក្នុងតុលាការ។ នៅចំពោះហេតុការណ៍នេះ អ្នកជាប់ឃុំទាំង៨នាក់ ដែល​មាន​ដៃ​ជាប់​ខ្នោះ និងជើងជាប់ច្រវាក់ បានស្ទុះងើបឡើង ហើយស្រែករកជំនួយ។ តែដោយមិនឃើញ​កិច្ច​អន្តរាគមន៍​ភ្លាមៗ​​ពី​​សំណាក់មន្ត្រីអាជ្ញាធរផ្សេងទៀតនោះ ពួកគេទាំងនេះបានរុញទ្វាចំរឹង [...]

ជីវិតមិនទៀង តែសេចក្ដីមរណៈ​ទៀងសម្រាប់ជីវិត។ លោក សាយ ភូថង អតីតសមមិត្តសមាជិក ការិយាល័យ​នយោបាយមជ្ឈឹមបក្ស អតីតអនុប្រធានក្រុមប្រឹក្សារដ្ឋ  និងសព្វថ្ងៃ ជាសមាជិកគណៈអចិន្ត្រៃយ៍​គណបក្ស​ប្រជាជន​កម្ពុជា បានទទួលមរណភាព នៅល្ងាចថ្ងៃទី១៣ ខែមិថុនា ឆ្នាំ២០១៦នេះ វេលាម៉ោង៥ និង០៦នាទី នៅ​ក្នុង​មន្ទីរពេទ្យមួយ នារាជធានីបាងកក ប្រទេសថៃ។ នៅមុនមរណភាព លោក សាយ ភូថង មានជន្មាយុ ៩៦ឆ្នាំ ហើយ​លោក​បាន​ធ្លាក់ខ្លួន មានជំងឺតាំងពីច្រើនខែមកហើយ។

សម្រាប់ប្រជាពលរដ្ឋខ្មែរមួយភាគ ជាពិសេសសម្រាប់​គណបក្សប្រជាជនកម្ពុជាតែម្ដង លោក សាយ ភូថង ជាឥស្សរជនដ៏សំខាន់ម្នាក់ ដែលបានលះបង់ និងបូជាអ្វីៗគ្រប់​យ៉ាង ​ក្នុងការ​រំដោះប្រទេសកម្ពុជា ពី​របប​ប្រល័យ​ពូជសាសន៍​​ខ្មែរក្រហម។ តែសម្រាប់ពលដ្ឋខ្មែរមួយភាគទៀត យល់ថាលោក សាយ ភូថង ក៏ដូចជា​មេ​ដឹកនាំ​កម្ពុជា​​មួយចំនួនទៀត នៅក្នុងគណបក្សប្រជាជនកម្ពុជា សុទ្ធតែត្រូវបានវៀតណាមបណ្ដុះបណ្ដាល [...]

បុរសចំណាស់ ៦១ឆ្នាំ លោក នីកូឡាស ហ្គោដារដ៍ (Nicholas Goddard) បានសម្រេចចាកចេញ ពីអាជីព​ជា​សាស្ត្រាចារ្យ ផ្នែកទេពកោសល្យស៊ីវិល ដែលលោកបានធ្វើ អស់ជាច្រើនឆ្នាំ នៅក្នុងសកលវិទ្យាល័យ មែនឆេស្ទ័រ (Manchester) ភាគខាងលិច នៃប្រទេសអង់គ្លេស។ សារព័ត៌មានអង់គ្លេស «Daily Mail» បាន​អះ​អាងថា ការចាកចេញនេះ បានធ្វើឡើងបន្ទាប់ពីមានយ៉ាងហោច និស្សិតម្នាក់ ពីក្នុងចំណោមនិស្សិត ជាច្រើន​របស់​លោក បានមើលស្គាល់លោក បានសម្ដែងនៅក្នុងភាពយន្ដកូនជ្រូកមួយ សម្រាប់ឲ្យមនុស្ស​ពេញ​វ័យ​ទស្សនា។

តាំងពី១០ឆ្នាំមកហើយ បុរសចំណាស់ ដែលគេស្គាល់ឈ្មោះក្រៅ «Old Nick ឬ ចាស់ណុយ» បានប្រកប​អាជីពពីរ នៅក្នុងពេលតែមួយ។ អាជីពទាំងពីរ ដែលមិនមានភាពត្រដុំត្រសងគ្នា សូម្បីបន្តិចសោះ។ អាជីព​ទីមួយ ជា​សាស្ត្រាចារ្យនៅមហាវិទ្យាល័យ ខណៈអាជីពទីពីររបស់លោក គឺជាតួសម្ដែង នៅក្នុង​ភាពយន្ដ​ស្រាត ឬកូន​ជ្រូក។ លោកថែមជាតារាមួយដួង ប្រចាំឲ្យគេហទំព័រ «PornHub» [...]

ខណៈនាងកំពុងថត​ការប្រកួតបាល់បោះមួយ រវាងក្រុមកីឡាពីរ នៅក្នុងក្រុង «Changxing» នៃខេត្ត «Zhejiang» ភាគខាងកើតប្រទេសចិន យុវតីជំទង់ម្នាក់នេះ បានឈឺពោះឆ្លងទន្លេ។ នាងបានចូលទៅបង្គន់ របស់​សាលប្រកួតកីឡាតែម្នាក់ឯង ហើយបង្កើតបានទារិកាដ៏តូចមួយ។ បន្ទាប់ពីនោះមក នាង​បាន​យក​ទារិកា​ខ្លួនឯងនេះ ទៅបោះចោល នៅក្នុងគុម្ភផ្កា ខាងក្រៅសាលប្រកួតកីឡា មុននឹងត្រឡប់​ចូលមក​ទស្សនា​ការ​ប្រកួត ជា​បន្ត​ទៅ​ទៀត។ នេះជាការអះអាង នៅក្នុងរបាយការណ៍មួយ របស់សារព័ត៌មានតំបន់ ឈ្មោះ «Hangzhou Daily» ដែលបានលើកហេតុផល នៃទង្វើរបស់យុវតីខាងលើ ថាបណ្ដាលមកពី «នាង​ភ័យ​ខ្លាំង​ពេក»។

របាយការណ៍ដដែលនោះ បានសរសេរទៀតថា ទារិកាដ៏អភ័ព ត្រូវបាន​បុរសអ្នកដំណើរ​ម្នាក់​​ប្រទះឃើញ។ បុរសម្នាក់នោះ ថែមទាំងបានរកឃើញអ្នកម្ដាយវ័យក្មេង ដោយបានដើរតាមដានឈាម ដែលស្រក់ប្រលាក់ នៅលើដី។

ផ្ដល់កិច្ចសម្ភាសទៅឲ្យ «Quotidien du peuple» ដែលជា​សារព័ត៌មានចិន​មួយ​ទៀត [...]