ឥណ្ឌា៖ កុមារីអាយុ២ឆ្នាំ និង៥ឆ្នាំ ត្រូវបានរំលោភ«ទៀត»
ហេតុការណ៍ដ៏តក់ស្លុតថ្មី ចំនួនពីរដាច់ដោយឡែកពីគ្នា បានបន្ថែមចំនួន ទៅក្នុងបញ្ជីនៃការចាប់រំលោភសេពសន្ធវៈ ដែលកើតមានជាហូរហែរ នៅក្នុងប្រទេសឥណ្ឌា។ កុមារីពីរនាក់ ម្នាក់អាយុទើបនឹងបាន ២ឆ្នាំកន្លះ និងម្នាក់ទៀតអាយុ៥ឆ្នាំ ត្រូវបានចាប់រំលោភ នៅកណ្ដាលរដ្ឋធានី ញ៉ូដេលី កាលពីយប់ថ្ងៃសុក្រ ចូលមកថ្ងៃសៅរ៍ បង្កឲ្យមានការតក់ស្លុត និងរលកខឹកសម្បារមួយ ផ្ទុះឡើងពីសំណាក់បណ្ដាជន។
ម្នាក់ ក្នុងចំណោមកុមារីទាំងពីរ ត្រូវបានរំលោភបូក (ជាក្រុម)...
កុមារីដែលក្មេងជាងគេ ត្រូវបានចាប់ពង្រត់ចេញទៅ ដោយជនពីរនាក់ នៅក្នុងកម្មវិធីសាសនាមួយ ប្រព្រឹត្តិទៅនាភាគខាងលិច នៃរដ្ឋធានី កាលពីយប់ថ្ងៃសុក្រ។ នាងតូចត្រូវបានរំលោភ យ៉ាងព្រៃផ្សៃ មុននឹងនាងត្រូវគេបោះបង់ចោល នៅក្នុងសួនឧទ្យានមួយ។ នេះបើតាមការអះអាង របស់នគរបាល និងញាតិមិត្តរបស់កុមារី។ នាយនគរបាលប្រចាំតំបន់ បាននិយាយថា កុមារីត្រូវបានរកឃើញ ស្ថិតក្នុងថ្លុកឈាម [...]