រថយន្តការទូតចិន បុកម៉ូតូកាណាដា រួចចុះមកទារសំណង
នៅម៉ោង៨ និង៣០នាទីព្រឹក ថ្ងៃទី៣០ ខែមករានេះ មានករណីគ្រោះថ្នាក់ចររាចរណ៍មួយ បានកើតឡើងនៅ តាមបណ្តោយមហាវិថីព្រះសីហនុ កែងផ្លូវ២៧៤ ក្នុងសង្កាត់បឹងព្រលឹត ខណ្ឌ៧មករា រាជធានីភ្នំពេញ។ គ្រោះថ្នាក់បានបង្កឡើង រវាងរថយន្តម៉ាកកូរ៉ូឡា (COROLA) ពណ៍សពាក់ស្លាកលេខ CD17-016 (ស្លាកលេខការទូត) ដែលបើកបរដោយជនជាតិចិនម្នាក់ មិនចេះនិយាយភាសាខ្មែរ ជាមួយម៉ូតូ ម៉ាកសង់ឌ្រីមពណ៍ខ្មៅ ពាក់ស្លាកលេខភ្នំពេញ 1BI-4378 បើកបរដោយជនជាតិកាណាដា។ ករណីនេះ បានកើតឡើង នៅពេលកំពុងឆ្លងថ្នល់ ក្នុងផ្លូវកែងទល់គ្នា។
សាក្សីនៅកន្លែងកើតហេតុ បានបញ្ជាក់ថា ម៉ូតូជនជាតិកាណាដា បើកពីកើតទៅលិចក្នុងទីសដៅស្រប ចំណែកឯរថយន្តការទូតនោះ បានបើកឆ្លងកាត់ពីផ្លូវតូចមកដល់ចំណុចកែងផ្លូវ២៧៤នេះ ស្រាប់តែជ្រុលមកបុកម៉ូតូមួយនេះ ឲ្យដួលដេកនៅលើផ្លូវ [...]