Posts in ‘កម្ពុជា’ Category

នៅម៉ោង៥និង៣០នាទី ល្ងាចថ្ងៃទី១៣ ខែកុម្ភៈ ឆ្នាំ២០១៥ កន្លងមកនេះ មានគ្រោះថ្នាក់ចររាចរណ៍មួយដ៏កក្រើក ដែលបង្ករដោយរថយន្តមួយគ្រឿង ជាមួយម៉ូតូប្រាំគ្រឿង។ គ្រោះថ្នាក់បានកើតឡើង នៅលើផ្លូវកម្ពុជាក្រោម ត្រង់​ចំណុចស្តុបដេអ៊ិន នៅជិតបណ្ណាគាអន្តរជាតិ ហើយបណ្ដាលឲ្យអ្នកបើកបរម៉ូតូ ទាំងប្រាំគ្រឿង រងរបួសជាទម្ងន់ រហូតត្រូវដឹកបញ្ជូន ទៅកាន់មន្ទីពេទ្យជាបន្ទាន់។ ចំណែកឯម៉ូតូទាំងប្រាំគ្រឿង ខូចខាតខ្លាំងបីគ្រឿង មួយធុន​យាម៉ាហា ស្លាកលេខកំពង់ចាម 1H48-74 មួយគ្រឿងទៀតពាក់ស្លាកលេខ 1CV07-34 និងមួយគ្រឿងទៀត បាត់​ស្លាកលេខនៅពេលកើតហេតុ។

សាក្សីនៅកន្លែងកើតហេតុ បាននិយាយថា ដំបូងឡើយមានម៉ូតូទាំងប្រាំគ្រឿង បានឈប់ជាធម្មតា ព្រោះមិនទាន់​ដល់ភ្លើងខៀវត្រូវទៅ ស្រាប់តែរំពេចនោះមានរថ្តយន្តមួយគ្រឿង ម៉ាកកាម៉ារីឆ្លាម ពាក់ស្លាកលេខភ្នំពេញ 2H03-48 ពណ៍សម្បកឪឡឹក ដែលបើកបរដោយបុរសម្នាក់ បានបើកយ៉ាងលឿន មិនបានទាំងគោរព​ភ្លើងស្តុប​ផង [...]

ក្នុងជំនួបជាមួយកម្មររាប់រយនាក់ កាលពីថ្ងៃទី១២ ខែកុម្ភៈឆ្នាំ២០១៥ នៅក្នុងផ្ទះជួលមួយ ស្ថិតនៅសង្កាត់​ចោម​ចៅ និងសង្កាត់កាកាប ក្នុងខណ្ឌពោធិ៍សែនជ័យ លោក សម រង្ស៊ី ប្រធានគណបក្សសង្គ្រោះជាតិ និងជា​ប្រធាន​តំណាងរាស្រ្ត មតិភាគតិចក្នុងរដ្ឋសភា បានលើកឡើងថា លោកនឹងព្យាយាមជាបន្តទៀត បន្ទាប់ពីបាន​លទ្ធផល​មួយចំនួន ដូចជាការតម្លើងប្រាក់បៀរវត្ស ការបញ្ចុះតម្លៃភ្លើង នឹងទឹក ជូនកម្មករកន្លងមកនេះ។ អ្វីដែលលោក ចង់​និយាយសំដៅដល់នោះ ថ្លៃជួលផ្ទះរបស់កម្មករនេះ និងធ្វើយ៉ាងណាកុំឲ្យប្រាក់ដុល្លាឡើងថ្លៃ។

ប្រធានបក្សប្រឆាំងរូបនេះ ក៏បានអំពាវនាវឲ្យកម្មករទាំងអស់ ចេះធ្វើការតវ៉ា ឬប្រឆាំងនឹងការតម្លើង​ថ្លៃផ្ទះជួល​នោះ។ លោកបានថ្លែងថា៖ «ឲ្យតែប្រាក់ខែយើងឡើង ឈ្នួលផ្ទះក៏ឡើងដែរ។ ដូច្នេះយើងទាំងអស់គ្នា ខ្មែរអ្នក​ស្រឡាញ់ជាតិ ស្រឡាញ់កម្មករ ស្រឡាញ់អ្នកក្រ ស្រឡាញ់យុត្តិធម៌ យើងបានរួបរួមគ្នាទប់ស្កាត់ មិនឱ្យឈ្នួលផ្ទះ​ឡើងទេពេលនេះ។ (…) [...]