Posts in ‘កម្ពុជា’ Category

ក្នុងសន្និសីទសារព័ត៌មានមួយ កាលពីថ្ងៃទី២២ ខែកក្កដា កន្លងមកនេះ អង្គការសមាគម​ដែលធ្វើការស្និត​នឹង​បញ្ហា​ដីថ្លី និងជីវភាពប្រជាពលរដ្ឋនោះ បានលើកឡើងថា «បើមេបក្សទាំងពីរប្រកាន់ភ្ជាប់ នូវវប្បធម៌សន្ទនា» នោះពលរដ្ឋ ដែលកំពុងរងគ្រោះ ព្រោះតែស្តង់ដារច្បាប់ពីរ អាចនឹងត្រូវដោះស្រាយបាន។ លោកបន្តថា បច្ចុប្បន្ននេះ ពលរដ្ឋដែលរងគ្រោះ ព្រោះភាពក្រីក្រ ភាគច្រើនមិនត្រូវបានដោះស្រាយ ឬយកចិត្តទុកដាក់ ពី​អាជ្ញាធរមូលដ្ឋាន ឬថ្នាក់លើឡើយ។ ដោយឡែក សម្រាប់មន្រ្តីមានអំណាច អ្នកមានលុយវិញ តែងតែត្រូវបាន​ជួយជ្រោមជ្រែង មិនដាច់ពីអាជ្ញាធរមូលដ្ឋាន ជាពិសេស ពីអ្នកមានអំណាចធំៗ។

«ដីរបស់អ្នកណា» ជាប្រធានបទថ្មីមួយ ក្នុងចំណោមរឿងចាស់ៗ របស់រាស្រ្តរងគ្រោះ ត្រូវបានលើកឡើង ដោយ លោក ធន សារាយ ប្រធានសមាគម ការពារសិទ្ធិមនុស្សអាដហុក នៅស្នាក់ការកណ្តាល រាជធានី​ភ្នំពេញរបស់ខ្លួន។ លោកបានគួសបញ្ជាក់ ប្រាប់អ្នកសារព័ត៌មានថា តាមការអង្កេត និងការតាមដាន [...]

ករណីចុះបង្ក្រាប ក្រុមជនប្រព្រឹត្តិ ល្បែងស៊ីសងខាងលើ បានធ្វើឡើង តែក្នុងរយៈពេលខ្លីប៉ុណ្ណោះ គឺចាប់ពី​ម៉ោង៣ និង២០នាទី រហូតដល់ម៉ោង៣ និង៣០នាទី រសៀល ថ្ងៃទី ២៣ ខែកក្កដា ឆ្នាំ២០១៥ នៅក្នុងទីតាំង​ជល់មាន់ និងល្បែងអាប៉ោងមួយកន្លែង ក្នុងសង្កាត់គីឡួម៉ែត្រលេខ ៦ ខណ្ឌឬស្សីកែវ រាជធានីភ្នំពេញ។

អ្នកជិតខាងទីតាំងជល់មាន់ បានប្រាប់ឲ្យដឹងថា កន្លែងមួយនេះ មានអ្នកប្រព្រឹត្តល្បែងស៊ីសង រៀងរាល់ថ្ងៃ ទើប​តែថ្ងៃនេះ មានអ្នកចុះបង្គ្រាប បានធ្វើឲ្យពួកគាត់ សប្បាយចិត្តខ្លាំងណាស់។

ក្រុមន្រ្តីនគរបាលយុត្តិធម៌ រាជធានីភ្នំពេញ បានឃាត់ខ្លូនអ្នកប្រព្រឹត្ត ចំនួន១៣នាក់ និងម៉ូតូ ១៨គ្រឿង រួមទាំង​រថយន្ត៣គ្រឿងទៀត។ វត្ថុតាងទាំងអស់ ត្រូវបានបញ្ជូន ទីកាន់ការិយាល័យ ព្រហ្មទណ្ឌកម្រិតស្រាល រាជធានី​ភ្នំពេញ ដើម្បីសួរនាំបន្ត។

ករណីនេះ ត្រូវបានមន្ត្រីនគរបាលយុត្តិធម៌ម្នាក់ ថ្លែងបញ្ជាក់ថា កងកម្លាំងរបស់លោក ចុះបង្ក្រាបលើកនេះ [...]

សូមអ្នកនយោបាយទាំងអស់ ជៀសឲ្យឆ្ងាយ ពីបញ្ហាយករឿងព្រំដែន ជារឿងរបស់ជាតិទាំងមូម មកធ្វើជា​រឿង​កំប្លុកកំប្លែង ដើម្បីតែចំណេញនយោបាយរបស់ខ្លួន។ នេះជាសារ ដែលលោក សូខ ទូច អ្នកវិភាគនយោបាយ និងជាប្រធានក្រុមការងារស្រាវជ្រាវ បានថ្លែង នៅក្នុងសន្និសីទសារព័ត៌មាន ស្តីពីដំណើរការប្រមូលឯកសារ ពាក់ព័ន្ធបញ្ហាព្រំដែន កម្ពុជា-វៀតណាម នៅរាជបណ្ឌិតសភា នាព្រឹកថ្ងៃទី២២ ខែកក្កដា ឆ្នាំ២០១៥នេះ។

លោកបានថ្លែងឡើងថា បញ្ហា«ព្រំដែន» មិនមែនជាបញ្ហា របស់បុគ្គលណាម្នាក់ មិនមែនជាបញ្ហា របស់​លោក​​នាយករដ្ឋមន្រ្តីហ៊ុនសែន ហើយក៏មិនមែនជាបញ្ហា របស់គណបក្សប្រឆាំងដែរ តែជាបញ្ហារបស់ជាតិ​កម្ពុជា​ទាំង​មូល ជាបញ្ហារបស់រដ្ឋសភាកម្ពុជា។ លោក សុខ ទូច បានបង្ហាញការខកចិត្ត ចំពោះគណបក្សសង្គ្រោះជាតិ ដែល​តែងតែប្រកាសក្តែងៗថា បានទទួល ឬចម្លងផែនទី ពីប្រទេសបារាំង សម្រាប់ការប្រើប្រាស់ជាក់ស្តែង តែ​ផ្ទុយទៅវិញ មានត្រឹមតែក្នុងអាយផែត (iPad) ប៉ុណ្ណោះ។ [...]

តំណាងកម្មករ លោក ខាត់ ឡួត បានប្រាប់ទស្សនាវដ្តី​ មនោរម្យ.អាំងហ្វូ ឲ្យដឹងថា អស់រយៈពេល ជាង១០ថ្ងៃ​ហើយ ដែលក្រុមកម្មករធ្វើការតវ៉ា តែគ្នានក្រសួង និងអ្នកដែលជាប់ពាក់ព័ន្ធ ចេញមកជួយដោះស្រាយ បញ្ហា​របស់កម្មករទេ មានតែដាក់ពង្រាយកម្លាំង ដើម្បីទប់ស្កាត់កម្លាំងតវ៉ានេះទៀត។ លោកបញ្ជាក់ទៀតថា នៅ​ថ្ងៃ​ទី២២ ខែកក្កដាឆ្នាំ ២០១៥នេះ ចំណុចទាមទារ ដ៏សំខាន់សម្រាប់កម្មករ គឺសុំឲ្យថៅកែ ជាជនជាតិចិន ពិនិត្យ​កិច្ចសន្យាចុះកុងត្រា ជាមួយកម្មករ ក្នុងរយៈពេលប្រាំឆ្នាំម្តង តាមកិច្ចសន្យា របស់ថៅកែ។

កម្មការនីម្នាក់ ដែលកំពុងកាន់បដា ប្រកាសសរសេរថា៖ «ក្រុមហ៊ុន PUMA ត្រូវតែជំរុញឲ្យនិយោជក ដោះ​ស្រាយ​ជាមួយកម្មករនិយោជិត»នោះ បានរៀបរាប់ថា ក្នុងចំណោមរោងចក្រពីរ គានធិច១ និងគានធិច២ គឺមានថៅកែតែមួយ ជាជនជាតិចិនដូចគ្នា។ កញ្ញាបានបន្តថា ថ្ងៃនេះ ក្រុមកម្មករត្រូវបាមក្រុមកងម្លាំងចម្រុះ ទប់ស្កាត់មិនឲ្យតវ៉ា នៅមុខរោងចក្រទេ។ [...]

ជិះម៉ូតូ នៅតាមផ្លូវស្របគ្នា តែបានជួបគ្រោះថ្នាក់ រហូតមានមនុស្សសន្លប់។ នោះ គឺការបើកបរបំពាន របស់​ភាគី​បង្ក ដែលបានធ្វើឲ្យ បុរសវ័យកណ្តាលម្នាក់ រងរបួសធ្ងន់ធ្ងរ រហូតសន្លប់ ដោយមានម៉ូតូមួយគ្រឿង បាន​មក​បុក​គាត់ ពីក្រោយពេញទំហឹង។

សាក្សីម្នាក់ អ្នកស្រី ខៀវ យឿន អាយុ ៥៦ឆ្នាំ បានរៀបរាប់ពីករណីគ្រោះថ្នាក់នេះ ពីដើមដំបូងថា គាត់បាន​ឃើញ​បុរសរងគ្រោះ ធ្វើដំណើរពីជើងទៅត្បូង ស្រាប់តែមកដល់កន្លែងកើតហេតុ មានម៉ូតូមួយគ្រឿង បើកពី​ក្រោយ ម៉ាកឌ្រីម ពណ៍ខ្មៅ ស្លាកលេខភ្នំពេញ ១CX-១៨០៩ បុកបុរសរងគ្រោះពេញទំហឹង បណ្តាលឲ្យ​បុរស​វ័យកណ្តាលរូបនេះ រងរបួសធ្ងន់ រហូតសន្លប់បាត់ស្មារតី។

យុវតីវ័យ១៧ឆ្នាំម្នាក់ ឈ្មោះ សេង វណ្ណា ដែលត្រូវជាកូន របស់ជនរងគ្រោះ បានរៀបរាប់ ទាំងយំបង្ហូរទឹកភ្នែក ប្រាប់អ្នកសារព័ត៌មានថា ឪពុករបស់ខ្លូន សព្វថ្ងៃរស់នៅ ក្នុងមជ្ឈមណ្ឌលមួយ ឈ្មោះថា «អង្គការដើម្បី​ភាព​ញញឹម»។  នាងបាននិយាយទៀតថា ឪពុករបស់នាងឈ្មោះ [...]