Posts in ‘កីឡាគ្រប់ប្រភេទ’ Category

ខ្សែប្រយុទ្ធក្រុមអេស៊ី មីឡាន (AC Milan) ម៉ារីអូ បាឡូតេលី (Mario Balotelli) មិនមានការភ្ញាក់ផ្អើលនោះទេ ចំពោះលោក រ៉ូបឺតូ ម៉ែនស៊ីនី (Roberto Mancini) ដែលត្រូវបានក្លឹបមេឃខៀវ ម៉ែនឆេស្ទើ ស៊ីធី (Manchester City) បណ្តេញចេញ ពីព្រោះតែមានបញ្ហាផ្ទៃក្នុង រវាងអតីតគ្រូបង្វឹករបស់កីឡាកររូបនេះ ជាមួយនឹងក្លឹប។

លោក រ៉ូបឺតូ ម៉ែនស៊ីនី ត្រូវបានក្លឹបមេឃខៀវ ម៉ែនឆេស្ទើ ស៊ីធី បណ្តេញចេញ។

បាឡូតេលី ដែលត្រូវបានលោកម៉ែនស៊ីនី ទិញមកចូលរួមជាមួយនឹងក្រុមម៉ែនឆេស្ទើ ស៊ីធី មុនពេលលក់ទៅក្រុមអេស៊ី មីឡាន កាលពីខែមករានោះ បាននិយាយថា គ្រូបង្វឹកសញ្ជាតិអ៊ីតាលីរូបនោះ ជាគ្រូបង្វឹកដ៏អស្ចារ្យ។

គួររំឭកថា លោក រ៉ូបឺតូ ម៉ែនស៊ីនី ត្រូវបានក្លឹបម៉ែនឆេស្ទើ ស៊ីធី បណ្តេញចេញកាលពីថ្ងៃច័ន្ទកន្លងទៅ [...]

កីឡាករប្រដាល់មិនដែលចាញ់របស់អាមេរិក ហ្វឡយ ម៉ាយវេដឺ (Floyd Mayweather) បានស្ថិត​នៅកំពូលតារាងបញ្ជី​ឈ្មោះកីឡាករអាជីព ដែលរកចំណូលបានខ្ពស់ជាងគេប្រចាំឆ្នាំ ជាលើកទី២របស់គាត់, នេះបើតាមការចេញផ្សាយ របស់​ទស្សនាវដ្តីបរទេសមួយ កាលពីថ្ងៃពុធ។

កីឡាករប្រដាល់ ហ្វឡយ ម៉ាយវេដឺ របស់អាមេរិក។

ម៉ាយវេដឺ មានកំណត់ត្រាដ៏អស្ចារ្យមួយ ពោលគឺវ៉ៃ៤៤លើក ឈ្នះទាំង៤៤លើក គ្មានស្មើ និងគ្មានចាញ់។ ការប្រកួតចុង​ក្រោយរបស់គាត់ បានយកឈ្នះពិន្ទុទៅលើអ្នកប្រដាល់ រ៉ូបឺត ក្វឺរ៉េរ៉ូ (Robert Guerrero) កាលពីថ្ងៃទី០៤ ខែឧសភា​កន្លង​ទៅ។

ចំណូលរបស់គាត់មួយភាគធំ បានមកពីការចុះកិច្ចសន្យា ជាមួយនឹងស្ថានីយទូរទស្សន៏ ដែលទិញសិទ្ធផ្សាយបន្តផ្ទាល់ ដែលមានតម្លៃប្រមាណជា៣២លានដុល្លា ក្នុងមួយប្រកួត។

ក្នុងឆ្នាំ២០១៣នេះ [...]

គ្រាប់បាល់តែតបញ្ចូលទីនៅនាទីទី៩៣ របស់កីឡាករខ្សែការពារ ប្រេនីស្លាវ អ៊ីវ៉ានូវីក (Branislav Ivanovic) បានជួយ​ឲ្យ​ក្រុមតោខៀវ ឆែលស៊ី (Chelsea) យកឈ្នះ ២-១ លើក្រុមជើងខ្លាំងរបស់ប្រទេសព័រទុយហ្គាល់ បិនហ្វីហ្គា (Benfica) ក្នុង​ការប្រកួតផ្តាច់ព្រ័ត្រអ៊ឺរ៉ូផាលីក (Europa League) កាលពីយប់ថ្ងៃពុធ ហើយក៏ជួយឲ្យក្រុមមកពីទីក្រុងឡុងដ៏មួយនេះ ក្លាយ​ជាម្ចាស់ជើងឯកជាលើកដំបូងរបស់ខ្លួនដែរ។

កីឡាករខ្សែការពារ ប្រេនីស្លាវ អ៊ីវ៉ានូវីក នាំក្រុមតោខៀវ ឆែលស៊ី ឈ្នះជើងឯកអ៊ឺរ៉ូផា។

ការប្រកួតនៅទីក្រុងអាំស្ទើដាំ (Amsterdam) ប្រទេសហូឡង់ នឹងជិតដល់ការបន្ថែមម៉ោង (extra time) ទៅហើយ បន្ទាប់​ពីខ្សែប្រយុទ្ធ ហ្វឺណាន់ដូ តូរែស (Fernando Torres) បានរកគ្រាប់បាល់គ្រាប់ទី១ ឲ្យក្រុមឆែលស៊ី ក្រោយមកខ្សែប្រយុទ្ធ អូស្កា [...]

មនុស្ស៣០នាក់ក្នុងនោះ បីនាក់ជាកម្លាំងសមត្ថកិច្ច បានរងរបួស កាលពីថ្ងៃច័ន្ទនេះ នៅក្នុងហេតុការណ៍មិនបានគ្រោងទុក នៃ​ការអបអរជើង​ឯកឆ្នាំ២០១៣ប្រចាំប្រទេសបារាំង នៃក្រុមបាល់ទាត់ទីក្រុងប៉ារីស។

ក្រុមអ្នកគាំទ្របាល់ទាត់ បានវាយរថយន្ដក្រុងចំនួនបីគ្រឿង នៅក្រោមតួរអេហ្វែល។ (រូបថត D.KEO/ MONOROOM.info)

អាជ្ញាធរបានប្រកាសថា កម្លាំងនគរបាលចំនួន៨០០នាក់ បានដាក់ពង្រាយដើម្បីការពារសន្តិសុខ ឲ្យពិធីអបអរសាទរនេះ ហើយមនុស្សចំនួន២១នាក់ត្រូវបានឃាត់ខ្លួន ពីបទចោលកាំជ្រួចភ្លើង និងពីបទឆាឆៅអុកឡុកទីក្រុង។ អាជ្ញាធរបាន​បន្ថែម​ថា មានពួកអ្នកបផ្លិចបំផ្លាញជាច្រើនពាន់នាក់ បានធ្វើសកម្មភាពនៅពេលនោះ។

ស្នងការទីក្រុងប៉ារីស លោកប៊ែរណាដ ប៊ូកូ (Bernard Boucault) បានថ្លែងថា [...]

នេះជាលើកទីបីហើយ នៅក្នុងប្រវត្តិបាល់ទាត់របស់ប្រទេសបារាំង ដែលក្រុមអាជីបនៃទីក្រុងប៉ារីស បានទទួលឈ្នះជា​ជើងឯកប្រចាំឆ្នាំ។

កីឡាករទីក្រុងប៉ារីសលោតសប្បាយ ដោយដឹងថាខ្លួនក្លាយជាជើងឯក បើទោះនៅមានពីរប្រកួតទៀតក៏ដោយ។

គេតែងតែនិយាយថា គួរតែអបអរសាទរជ័យជំនះរបស់ខ្លួន នៅក្នុងផ្ទះខ្លួនឯង ព្រោះក្រុមប៉ារីស ស៊ាំងហ្សែរម៉ាំង (Paris Saint-Germain) បានធ្វើដំណើរទៅកាន់ទីក្រុងលីយ៉ុង ដើម្បីធ្វើការប្រកួតទល់នឹងក្រុមនៃទីក្រុងលីយ៉ុង កាលពីយប់​ម៉ិញ​នេះ។ ម្យ៉ាងទៀតសូម្បីតែខាងគូរប្រជែង (ក្រុមបាល់ទាត់អូឡាំពិកលីយ៉ូនែស)  ក៏មិនសប្បាយចិត្តប៉ុន្មានដែរ ដោយឃើញ​ក្រុមនៃទីក្រុងប៉ារីស បានមកអបអរសាទរជ័យជំនះជាជើងឯក នៅក្រុងលីយ៉ុង ដោយបានបំបាក់ក្រុមខ្លួននោះ។

ប៉ុន្តែការដណ្ដើមជាជើងឯក មិនស្ថិតលើទម្លាប់ [...]