បាល់ទាត់​៖​ ក្រុម​​ប៉ារីស ឈ្នះ​ជើង​ឯក​លីក១​ឆ្នាំ​២០១៣ របស់​ប្រទេស​បារាំង (VDO)

គេតែងតែនិយាយថា គួរតែអបអរសាទរជ័យជំនះរបស់ខ្លួន នៅក្នុងផ្ទះខ្លួនឯង ព្រោះក្រុមប៉ារីស ស៊ាំងហ្សែរម៉ាំង (Paris Saint-Germain) បានធ្វើដំណើរទៅកាន់ទីក្រុងលីយ៉ុង ដើម្បីធ្វើការប្រកួតទល់នឹងក្រុមនៃទីក្រុងលីយ៉ុង កាលពីយប់ម៉ិញនេះ។ ម្យ៉ាងទៀតសូម្បីតែខាងគូរប្រជែង (ក្រុមបាល់ទាត់អូឡាំពិកលីយ៉ូនែស) ក៏មិនសប្បាយចិត្តប៉ុន្មានដែរ ដោយឃើញក្រុមនៃទីក្រុងប៉ារីស បានមកអបអរសាទរជ័យជំនះជាជើងឯក នៅក្រុងលីយ៉ុង ដោយបានបំបាក់ក្រុមខ្លួននោះ។
Loading...
  • ដោយ: មនោរម្យ.អាំងហ្វូ
  • កែប្រែចុងក្រោយ: May 13, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

នេះជាលើកទីបីហើយ នៅក្នុងប្រវត្តិបាល់ទាត់របស់ប្រទេសបារាំង ដែលក្រុមអាជីបនៃទីក្រុងប៉ារីស បានទទួលឈ្នះជា​ជើងឯកប្រចាំឆ្នាំ។


កីឡាករទីក្រុងប៉ារីសលោតសប្បាយ ដោយដឹងថាខ្លួនក្លាយជាជើងឯក បើទោះនៅមានពីរប្រកួតទៀតក៏ដោយ។

គេតែងតែនិយាយថា គួរតែអបអរសាទរជ័យជំនះរបស់ខ្លួន នៅក្នុងផ្ទះខ្លួនឯង ព្រោះក្រុមប៉ារីស ស៊ាំងហ្សែរម៉ាំង (Paris Saint-Germain) បានធ្វើដំណើរទៅកាន់ទីក្រុងលីយ៉ុង ដើម្បីធ្វើការប្រកួតទល់នឹងក្រុមនៃទីក្រុងលីយ៉ុង កាលពីយប់​ម៉ិញ​នេះ។ ម្យ៉ាងទៀតសូម្បីតែខាងគូរប្រជែង (ក្រុមបាល់ទាត់អូឡាំពិកលីយ៉ូនែស)  ក៏មិនសប្បាយចិត្តប៉ុន្មានដែរ ដោយឃើញ​ក្រុមនៃទីក្រុងប៉ារីស បានមកអបអរសាទរជ័យជំនះជាជើងឯក នៅក្រុងលីយ៉ុង ដោយបានបំបាក់ក្រុមខ្លួននោះ។

ប៉ុន្តែការដណ្ដើមជាជើងឯក មិនស្ថិតលើទម្លាប់ ឬត្រូវផ្គាប់ឲ្យនរណាសប្បាយចិត្តនោះទេ តែជាបច្ចេកទេសបាល់​ដែលក្រុម​កីឡាករ របស់ទីក្រុងប៉ារីសបានបង្ហាញ នៅលើវាលស្មៅឯណោះទេ ដែលបាននាំអោយក្រុមនេះទទួលជ័យជំនះ។ នៅក្នុង​ពាក់កណ្ដាលម៉ោងដំបូង ក្រុមបាល់ទាត់លីយ៉ុង ទំនងជាមានឱកាសច្រើន ដើម្បីធ្វើការវាយសន្ធាប់​ទៅលើក្រុមមក​ពី​ទីក្រុងប៉ារីស។ ប៉ុន្តែនៅពាក់កណ្ដាលម៉ោងទីពីរ បន្ទាប់ពីកីឡាករ ជេរ៉េមី មើនេស (Jérémy Ménez) បានរកឱកាសបាល់ នៅនាទីទី៥៣ ទាត់បញ្ចូលបំប៉ោងសំណាញ់ទី របស់ក្រុមលីយ៉ុងនោះមក ក្រុមម្ចាស់ផ្ទះមួយនេះ ដូចជាគ្មានកម្លាំងថា នឹង​អាចរកគ្រាប់បាល់បានមកវិញនោះឡើយ។

គ្រូបង្វឹករបស់ក្រុមប៉ារីសជនជាតិអ៊ីតាលី លោក កាឡូ អងសឺឡូទី (Carlo Ancelotti) បាននិយាយថា «យើងបានធ្វើការ​ច្រើនណាស់ ដើម្បីទទួលបានងារជាជើងឯកនេះ។ ខ្ញុំសប្បាយចិត្តណាស់ ដែលបានឈ្នះនៅក្នុងប្រទេសបារាំង ហើយ​យើងនឹងបន្តការងារនេះតទៅទៀត។»

ចំណែកឯគ្រូបង្វឹករបស់ក្រុមលីយ៉ុង លោករ៉េមី ហ្គាដ (Rémi Garde) វិញបានអបអរសារទរក្រុមប៉ារីសយ៉ាងនេះថា «ខ្ញុំ​សារភាពថា ពិបាកចិត្តបន្តិចដោយបានឃើញ ពួកគេសប្បាយនឹងជ័យជំនះនៅទីនេះ (ទីក្រុងលីយ៉ុង) តែជា​ជ័យជំនះ​ស័ក្ដិសមនឹងពួកគេ។ ប៉ារីស ជាក្រុមបាល់ទាត់ដ៏រឹងមាំមួយ ដែលយើងពិបាកនឹងរកឃើញចំនុចខ្សោយ។»

នៅថ្ងៃច័ន្ទទី១៣ខែមេសា ក្រុមកីឡាករប៉ារីស នឹងត្រឡប់មករដ្ឋធានីរបស់ខ្លួន ហើយបានណាត់ជួបនៅម៉ោង៦ល្ងាច ជា​មួយនឹងបណ្ដាអ្នកគាំទ្ររបស់ខ្លួន នៅទីលានត្រូកាដេរ៉ូ (Trocadéro) ជិតតួអេហ្វែល ដែលប្រហែលជាប្រមូល​មនុស្ស​ជា​ច្រើនម៉ឺននាក់ ដើម្បីអបអរសាទរជាថ្មីទៀត នៅក្នុងទឹកដីរបស់ខ្លួន៕

សូមទស្សនាព្រឹត្តិការណ៍នេះឡើងវិញ ជាមួយនឹងវីដេអូខាងក្រោម៖

Veuillez installer Flash Player pour lire la vidéo

Veuillez installer Flash Player pour lire la vidéo

------------------------------------------------
ដោយ ឈូករ័ត្ន - ប៉ារីស​ ថ្ងៃទី១២ ខែឧសភា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]fo
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...