អនុប្រធានបក្ស CNRP បានចេញពីកម្ពុជា បន្ទាប់ពីនាយករដ្ឋមន្ត្រីគម្រាម
អនុប្រធានគណបក្សសង្គ្រោះជាតិ អ្នកស្រី មូរ សុខហួរ បានចាកចេញពីប្រទេសកម្ពុជា ក្នុងថ្ងៃទី៣ ខែតុលា ឆ្នាំ២០១៧នេះ បន្ទាប់ពីបានទទួលដំណឹង ពីមន្ត្រីជាន់ខ្ពស់របស់រដ្ឋាភិបាល ស្ដីពីគម្រោងការចាប់ខ្លួនអ្នកស្រី ដែលអាចនឹងធ្វើឡើង នៅសប្ដាហ៍ខាងមុខ។ នេះ បើតាមប្រសាសន៍ផ្ទាល់ របស់អ្នកស្រី សុខហួរ ប្រាប់សារព័ត៌មានភ្នំពេញប៉ុស្ដ៍ នៅមុននេះបន្តិច។
កាលពីម្សិលម៉ិញ លោកនាយករដ្ឋមន្ត្រី ហ៊ុន សែន បានថ្លែងពីទីក្រុង សៀមរាប គម្រាមថានឹងធ្វើការចាប់ខ្លួនបន្ថែមទៀត ប្រឆាំងឥស្សរជនគណបក្សប្រឆាំង ដែលលោកចាត់ទុកថា ជា«ឧទ្ទាមទីក្រុង» និងដែលបានចូលរួម«ជាប្រព័ន្ធ» ធ្វើទង្វើ«ក្បត់ជាតិ បំផ្លាញដល់សន្តិសុខជាតិ» និងជា «ខ្ញុំបម្រើបរទេស»។ លោកថា៖ «សូមបញ្ជាក់ឲ្យហើយ មិនទាន់បញ្ចប់ត្រឹមចាប់មនុស្សម្នាក់ទេ រឿងវាមានសំណុំរបស់វា។ ការរៀបចំសកម្មភាពជាប្រព័ន្ធ យើងមិនអនុញ្ញាត [...]
