ប្រវត្តិ«លោកតាណូអែល» នៃបុណ្យណូអែល ឬបុណ្យគ្រិស្មាស
«លោកតាណូអែល» ក៏ត្រូវបានគេប្រារព្វ យករូបរាងតាម ជូលេនីស (Julenisse) មនុស្សតូចល្អិតមានពុកមាត់ស ពាក់មួកវែងស្រួចចុង របស់ជនជាតិអ៊ឺរ៉ុបខាងជើង (ស៊ុយអែដ និងណ័រវេស) ដែលដើរយកអំណោយ ចែកឲ្យកូនក្មេង នៅពេលបុណ្យ កណ្ដាលរដូវធ្លាក់ទឹកកក។
តែបើទោះជាការនិទានតៗគ្នា មានយ៉ាងច្រើនសម្បូរបែប ពីរូបរាង«លោកតាណូអែល» យ៉ាងណាក៏ដោយ ក៏ពេលនេះ គេបានចាត់ទុកជាទូទៅថា«លោកតាណូអែល» ជាមនុស្សចាស់ចិត្តល្អម្នាក់ មានពុកមាត់សរវែង ស្លៀកពាក់ខោអាវក្រាស់ ពណ៌ក្រហម និងមានជាយពណ៌ស។ គាត់រស់នៅតំបន់ខាងជើងនៃផែនដី គ្របដណ្ដប់ដោយព្រិល និងដើរចែកអំណោយឲ្យដល់ក្មេងៗ។ «លោកតាណូអែល» មានយានជំនិះមួយ អាចហោះបាន និងចូលចែកអំណោយ តាមបំពង់ផ្សែងនៃចង្ក្រានកម្ដៅ តាមលំនៅឋាននីមួយៗ។
ប្រវត្តិរបស់ «សាំង នីកូឡា (Saint Nicolas)» ឬ «លោកតាណូអែល»
ដើមកំណើត នៃ«លោកតាណូអែល» ជាសាំង នីកូឡា [...]
