បណ្ដាញសហគមន៍មួយ ស្រែករកជំនួយជួយពលរដ្ឋ ត្រូវភ្លើងឆេះផ្ទះនៅបឹងឈូក
បណ្តាញសហគមន៍សន្តិភាពការពារដីធ្លី ខ្មែរអមតៈ បានអំពាវនាវដល់សប្បុរសជន ក្នុងស្រុក និងក្រៅស្រុក ឲ្យជួយផ្តល់ជំនួយ ដល់សហគមន៍បឹងឈូក ដែលផ្ទះសំបែងត្រូវបានភ្លើងឆេះ ស្ថិតនៅភូមិបឹងឈូក សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ កាលពីថ្ងៃទី ២០ ខែធ្នូ ឆ្នាំ២០១៤ កន្លងមកនេះ។
បន្ទាប់ពីអគ្គីភ័យឆក់យកផ្ទះសំបែង របស់សហគមន៍បឹងឈូកប្រមាណជា ៣១ខ្នងរួចមក ការខ្វះខាតបានកើតមាន ចំពោះប្រជាជននៅតំបន់នោះ ប្រមាណជា៥៤គ្រួសារ ដោយខ្វះទីជម្រក គ្មានសម្លៀកបំពាក់ គ្មានអង្ករ គ្មានអាហារហូបឡើយ។ បើសូម្បីតែតង់ចងធ្វើជាជំរកស្នាក់នៅ ក៍ប្រជាពលរដ្ឋខ្លះមិនមានផង ដោយសារតែអគ្គីភ័យ បានឆេះកំទេចទាំងទ្រព្យសម្បត្តិ ទាំងលំនៅដ្ឋានរបស់ពួកគាត់ទាំងអស់ គ្មានសល់អ្វីនៅជាប់នឹងខ្លួនទេ។
ប្រជាពលរដ្ឋដែលរងគ្រោះមួយចំនួន [...]