Posts in ‘គ្រប់អត្ថបទជាខេមរភាសា’ Category

ការរុករក និងការធ្វើកំណាយ ត្រូវបានដឹកនាំដោយ ក្រុមអ្នកស្រាវជ្រាវ របស់សកលវិទ្យាល័យ ប៊ូណូស អ៊ែរ (Buenos Aires) និងក្រុមបុរាណវិទូ នៃសារមន្ទីរ អង់ឌ្រេស ហ្គ័គួរ៉ារី (Andres Guacurari) នៅក្នុងតំបន់មួយ ដែលពិបាកនឹង​ចូល​ទៅ​ដល់ នៃមហាឧទ្យានជាតិ តេយូ ហ្គ័រ៉េ (Téyù Cuaré) ស្ថិតនៅក្នុងខេត្ត មីស៊ីយ៉ូនេស (Misiones) ភាគឦសាន នៃ​ប្រទេស​អហ្សង់ទីន ជាប់នឹងព្រំប្រទល់ ជាមួយប្រទេសអ៊ុយរ៉ាហ្គាយ។

អតីតគ្រឹះស្ថាននោះ បានរៀបចំឡើង ជាបីរចនាសម្ព័នធ្វើអំពីថ្ម ដែលហ៊ំព័ទ្ធដោយដើមឈើ ជុំជិត។ រចនាសម្ព័ន្ធទីមួយ ជាកន្លែងស្នាក់នៅ ទីពីរជាកន្លែងផ្ទុកសម្ភារៈ និងរចនាសម្ព័ន្ធទីបី ជាការិយាល័យធ្វើការ។ ចេញពីទីកន្លែងនោះ គេបាន​រកឃើញរូងក្រោមដីតូចមួយ ដែលចេញពីជម្រករនោះ ឆ្ពោះទៅកាន់ប្រទេសអ៊ុយរ៉ាហ្គាយ ដើម្បីជាការត្រៀមបម្រុង ក្នុង​ករណី​ត្រូវគេចខ្លួន។

លុយអាល្លឺម៉ង់ រកឃើញនៅទីនោះ...

កំណាយ [...]

ទល់នឹងក្រុមគូប្រជែង ដែលមកពីក្រុង បាស៊ីយ៉ា (Bastia) នៃកោះ គក្ស៍ (Cors) ផ្នែកខាងត្បូង របស់ប្រទេសបារាំង ក្រុម​បាល់ទាត់ ប៉ារីសស៊ាំងហ្សែរម៉ាំង (PSG) ប្រចាំរដ្ឋធានីប៉ារីស បានឈ្នះដោយមិនសូវប្រឹង បន្ទាប់ពីអាជ្ញាកណ្ដាល ដក​កាត​ក្រហម បណ្ដេញកីឡាករ របស់ក្រុមបាស៊ីយ៉ា មួយរូប នៅនាទីទី២១ ដែលបានបើកផ្លូវ ឲ្យកីឡាករអន្តរជាតិ មក​ពី​ប្រទេស​ស៊ុយអែដ ស្លាតាន អ៊ីប្រាហ៊ីម៉ូវិច (Zlatan Ibrahimovic) ទាល់បាល់ពិន័យ ១១ម៉ែត្រ យកពិន្ទុនាំមុខ១គ្រាប់ ឲ្យ​ក្រុម​ខ្លួន។

នេះជាការប្រកួត ក្នុងវគ្គផ្ដាច់ព្រ័ត្រ កាលពីយប់ថ្ងៃទី១១ ខែមេសា ឆ្នាំ២០១៥ យប់ម្សិលម៉ិញ ដើម្បីដណ្ដើមពាន​រង្វាន់​សហព័ន្ធ ប្រចាំឆ្នាំ (League cup 2015) ដែលបានប្រព្រឹត្តិទៅ នៅក្នុងពហុកីឡាដ្ឋាន ស្ដាតឌឺហ្វ្រង់ (Stade de France) ស្ថិត​ក្នុង​តំបន់​ជាយរដ្ឋធានីប៉ារីស ប្រទេសបារាំង។

កីឡាករអន្តរជាតិ ស្លាតាន ដដែល ក៏បានរកគ្រាប់បាល់ បន្ថែមមួយគ្រាប់ទៀត [...]

លិខិតមួយរបស់ការិយាល័យ ច្បាប់សីលា បានដាក់ទៅកាន់ ប្រធានសាលាដំបូង រាជធានីភ្នំពេញ ដែលចុះហត្ថលេខា ដោយលោកមេធាវី ជូង ជូងី មេធាវីការពារក្ដី ឲ្យសកម្មជនគណបក្សសង្គ្រោះជាតិ មានលោក មាជ សុវណ្ណារ៉ា, លោក អ៊ុក ពេជ្រសំណាង និងលោក ទេព ណារិន។ ក្នុងលិខិតនោះ បានបង្ហាញនូវការសោកស្តាយ នូចកំហុសដោយអចេតនា របស់​លោក ពាក់ព័ន្ធនឹងការបញ្ជាក់ថា ពិតជាមានការដោះលែង សកម្មជនបក្សប្រឆាំង ឲ្យនៅក្រៅឃុំបណ្តោះអាសន្ន ព្រោះតែបញ្ហានយោបាយ ត្រូវបានបញ្ចប់នោះ។ លោកបានសរសេរបន្តថា នេះជាការសោកស្តាយយ៉ាងខ្លាំង ដែលការ​បញ្ជាក់ខាងលើ បានធ្វើឲ្យមានការប៉ះពាល់ ដល់សមត្ថកិច្ច និងឯករាជ្យភាព របស់តុលាការ។

លោក ជូង ជូងី បានសរសេរទៀតថា៖ «ខ្ញុំបាទជាមេធាវី មានតួនាទី ត្រឹមតែជាអ្នករៀបចំពាក្យសុំ ឲ្យមានការដោះលែង និងការពារកូនក្តី តាមច្បាប់តែប៉ុណ្ណោះ។ ចំពោះការដោះលែងកូនក្តី ឲ្យនៅក្រៅឃុំយ៉ាងណានោះ គឺជាសមត្ថកិច្ច [...]