Posts in ‘គ្រប់អត្ថបទជាខេមរភាសា’ Category

ចាប់ខ្លួនបានពីរនាក់ នៅក្នុងការចុះអនុវត្តការងារ ដើម្បីលុបបំបាត់ អ្នកប្រើប្រាស់គ្រឿងញៀន នេះ កាលពីថ្ងៃទី១០ ខែ ឧសភា ឆ្នាំ២០១៥ កន្លងទៅ នៅត្រង់ចំណុចភូមិបឹង សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ការចុះបង្កា្រប ដែល ប្រើរយៈពេល ប្រមាណជា២ម៉ោងនេះ ត្រូវបានដឹកនាំ ដោយលោក សុខ សុផល មេប៉ុស្តិ៍ទឹកថ្លា និងលោក ឌី សាវ៉េត អភិបាល ខណ្ឌសែនសុខ។

មេនគរបាលប៉ុស្តិ៍ទឹកថ្លា បានប្រាប់ទស្សនាវដ្តីមនោរម្យ.អាំងហ្វូឲ្យដឹងថា ក្រុមកម្លាំងចម្រុះ ដែលបានចុះធ្វើការនេះ បាន​អនុវត្តន៍ តាមគោលការណ៍ របស់ស្នងការដ្ឋានរាជធានីភ្នំពេញ ហើយបានចាប់ អ្នកប្រើប្រាស់គ្រឿងញៀន ចំនួនពីរនាក់ ព្រម​​ទាំងថ្នាំញៀន មួយកញ្ចប់ នៅកន្លែងកើតហេតុ។

ជនទាំងពីរ ម្នាក់ឈ្មោះ ជា សម្បត្តិ អាយុ១៨ ឆ្នាំ រស់នៅភូមិទ្រ្ទា សង្កាត់ស្ទឹងមានជ័យ រាជធានីភ្នំពេញ។ ចំណែកឯម្នាក់​ទៀត​​ឈ្មោះ អៀង សុខ អាយុ ១៨ដូចគ្នា រស់នៅខេត្តព្រៃវែង។

ហេតុការណ៍ក្រឡាប់អាឡូកង់ដប់នេះ ដែលបានកើតឡើង នៅតាមបណ្តោយផ្លូវ ទៅភ្នំបាសិទ្ធ ស្ថិតក្នុងសង្កាត់សំរោង ខណ្ឌ​ព្រែកព្នៅ រាជធានីភ្នំពេញ ត្រង់ចំណុចបឹងមោក កាលពីវេលាម៉ោង ១១ និង១៥នាទី ថ្ងៃទី១១ ខែឧសភា ឆ្នាំ២០១៥។ ប្រជាពលរដ្ឋ ដែលនាំគ្នាផ្អើល មើលហេតុការណ៍គ្រោះថ្នាក់នេះ បានឲ្យដឹងថា គ្មានអ្នកដំណើរណាគ្រោះថ្នាក់ទេ គឺមាន​តែ​អ្នក ដែលនៅលើអាឡូកិនដីនោះ ៤នាក់ ប៉ុណ្ណោះ។

សាក្សី ជាពលរដ្ឋនៅកន្លែងកើតហេតុ បានប្រាប់ថា អាឡូកិនដី ដែលបានក្រឡាប់ពីធ្លាក់ពីផ្លូវធំ រហូតដល់មាត់ទឹកនេះ ជា​របស់ក្រុមហ៊ុន «អ៊ីមិនថនដាយ ស្ត្រាកស៊ិន» ដែលកំពុងធ្វើផ្លូវ នៅម្តុំនោះ។ សាក្សីបានបន្តថា មុនពេលកើតហេតុ គេឃើញ​អ្នកបើកបរនៅលើនោះ បានផ្លាស់ប្តូរ«តៃកុង»។ ទំនងជា«អ្នកបើកបរ»ថ្មីនេះ ចង់បង្ហាញស្នាដៃពិសេស របស់ខ្លួន ទើប​បាន​ជាមានគ្រោះថ្នាក់ រហូតដល់ក្រឡាប់បែបនេះ។ អ្នកភូមិនៅទីនោះ បានបញ្ជាក់ទៀតថា គាត់ធ្លាប់ឃើញតៃកុងចាស់បើក មិន​ដែលមានបញ្ហាទេ [...]

តំណាងរាស្រ្តគណបក្សសង្រ្គោះជាតិ មណ្ឌលបាត់ដំបង អ្នកស្រី មូរ សុខហួរ បានអះអាងថា អ្នកស្រីបានចោទសួរ ទៅ​កាន់​តុលាការ ឬលោកចៅក្រម ជុំវិញករណី នៃការកោះហៅ សមាជិករដ្ឋសភា ទាំងមានអភ័យឯកសិទ្ធិសភា របស់តុលការ។ ប៉ុន្តែ​អ្នកស្រី មិនមានចម្លើយតបវិញ ពីលោកចៅក្រម នូវសំនួរដែលបាន ចោទសួរនោះឡើយ។

បន្ទាប់ពីចេញ ពីសាលាដំបូងរាជធានីភ្នំពេញ នាព្រឹកថ្ងៃទី១១ ខែឧសភានេះ អ្នកស្រី មូរ សុខហួរ បានបញ្ជាក់ប្រាប់ អ្នក​សារព័ត៌មានថា អ្នកស្រីបានស្នើករណី របស់អ្នកស្រីនេះ  ជាយុត្តិសាស្រ្ត ក្នុងការជម្រុញ ឲ្យតុលាការគោរពរដ្ឋធម្មនុញ្ញ ដែល​ជាច្បាប់កំពូលរបស់ជាតិ។ អ្នកស្រីបានលើកឡើងថា៖ «សូមឲ្យមានការទទួលយក និងអនុវត្ត នូវរដ្ឋធម្មនុញ្ញ ដែល​ជា​ច្បាប់កំពូល នៃព្រះរាជាណាចក្រកម្ពុជា។ (….) នីតិវិធីលើការកោះហៅ អ្នកតំណាងរាស្ត្រ ត្រូវតែមានការសម្រេចរបស់ (សមាជិក) រដ្ឋសភា យ៉ាងតិចណាស់ ២ភាគ៣ នៃសំឡេង (សមាជិក) រដ្ឋសភាទាំងមូល។ (…) ខ្ញុំបានសួរហើយ [...]