អ្នកភូមិបឹងកក់ដាក់ញ្ញតិសុំតុលាការកំពូល និងក្រសួងយុត្តិធម៌ពន្លឿនករណី យ៉ោម បុបា្ផ
រហូតមកដល់ពេលនេះ តុលាការកំពូលមិនទាន់មានចំណាត់ការបន្តលើកករណី អ្នកស្រី យ៉ោម បុប្ផា នៅឡើយទេ។ ករណីនេះ បានជម្រុញឲ្យអ្នកភូមិបឹងកក់ ប្រមាណជាហាសិប(៥០)នាក់ កាលពីព្រឹកមិញបានយកញ្ញតិមកដាក់នៅតុលាការកំពូល និងក្រសួងយុត្តិធម៌ ក្នុងគោលបំណងជម្រុញស្ថាប័ន ទាំងពីរនេះពន្លឿននីតិវិធី។
កូនប្រុសអ្នកស្រី យោម បុប្ផា និងអ្នកភូមបឹងកក់ ដែលទាមទារឲ្យគេដោះលែងម្ដាយខ្លួន នៅមុខសាលារាជធានី។ (រូបថត MONOROOM.info/ U. Bory)
លោក លួស សាខន ជាស្វាមីរបស់អ្នកស្រី យ៉ោម បុប្ផា បានថ្លែងប្រាប់ទស្សនាវដ្តីមនោរម្យព័ងអាំងហ្វូថា៖ «ការកាត់ក្តីភរិយារបស់លោក មានភាពមិនប្រក្រដីជាច្រើន តាំងពីសាលាតំបូងរាជធានីភ្នំពេញ រហូតដល់សាលាឧទ្ធរណ៍»។ លោកបានសង្កត់ធ្ងន់ថា៖ «គ្នានភាពយុត្តិធម៌នោះទេ [...]
