ម៉ាឡេស៊ី៖ សម្ព័ន្ធភាព«ចាស់វស្សា»ទទួលជ័យជំនះជាថ្មី ក្នុងការបោះឆ្នោត (VDO)
សម្ព័ន្ធភាពនយោបាយ«ចាស់វស្សា» បានទទួលជ័យជំនះនៅក្នុងការបោះឆ្នោតសកល នៅថ្ងៃអាទិត្យទី០៥ខែឧសភានេះ ហើយនឹងបន្តអំណាចរបស់ខ្លួន ដែលមានអាយុតាំងពី៥៦ឆ្នាំមកហើយ។ ជាជ័យជំនះលើកទី១៣បន្តបន្ទាប់គ្នា បើទោះជាគណបក្សប្រឆាំងក្នុងពេលនេះ ដូចជាមានសន្ទុះខ្លាំងជាពេលណាៗក៏ដោយ។
លោកណាជីប រ៉ាចាក នាយករដ្ឋមន្ត្រីផុតតំណែង តែជាប់ឆ្នោតជាថ្មី។
យុទ្ធនាការឃោសនាបោះឆ្នោតដ៏សែនពិបាកបានកន្លងផុត ប៉ុន្តែទីបំផុតទៅ និងជាលទ្ធផល គណបក្សរណសិរ្យជាតិបានទទួលជ័យជំនះជាថ្មីទៀត និងនៅតែកាន់អំណាច រាប់តាំងពីប្រទេសម៉ាឡេស៊ីទទួលបានឯករាជ្យ ពីចក្រភពអង់គ្លេសនៅឆ្នាំ១៩៥៧នោះមក។
គណកម្មាធិការជាតិរៀបចំការបោះឆ្នោតរបស់ប្រទេស បានរាយការណ៍ថា គណបក្សរណសិរ្យជាតិ របស់នាយករដ្ឋមន្ត្រីលោក ណាជីប រ៉ាចាក (Najib Razak) ទទួលបានកៅអីចំនួន១២៧ [...]
