Posts in ‘អត្ថបទមានវីដេអូ’ Category

បើអ្នកតែងតែឃើញ អាជ្ញាកណ្ដាលបាល់ទាត់ តែងរងគ្រោះ ដោយការស្រែកគំហក ឬបន្លំបុក ពីសំណាក់កីឡាករនោះ អ្នក​អាចទៅរកមើល នៅប្រទេសប៉េរូ (ក្នុងទ្វីបអាមេរិកខាងត្បូង) ពីករណីជាច្រើន របស់អាជ្ញាកណ្ដាលបាល់ទាត់ ដែលតែង​រង​នូវ​កណ្ដាប់ដៃ ឬការធាក់ទាត់ ដោយចំហរពីសំណាក់កីឡាករ។

នេះ ជាការប្រកួតដណ្ដើម ពានរង្វាន់បាល់ទាត់ថ្នាក់ជាតិ របស់ប្រទេស ក្នុងទ្វីបអាមេរិកខាងត្បូងមួយនេះ រវាង​ក្រុម​បាល់​ទាត់ Union Perené និង Union Pichanaki។ ប៉ុន្តែគេមិននឹកស្មានថា បន្ទាប់ពីឲ្យកាតលឿង ទៅឲ្យកីឡាករមួយរូបរួច ស្រាប់​តែអាជ្ញាកណ្ដាល បានទទួលមកវិញ ទាំងមិនដឹងខ្លួន នូវរន្ទះជើង ធាក់ចំកណ្ដាលខ្នងពីក្រោយ ដួលទាំងជំហរ ពីសំណាក់​កីឡាករចាំទី ដែលមានឈ្មោះថា Pablo Insua។

ទង្វើរបៀបនេះ នៅក្នុងបាល់ទាត់ អាចនឹងត្រូវគេធ្វើការហាមឃាត់ លែងឲ្យត្រឡប់ចូល មកប្រកួតវិញជារៀងរហូត។ ប៉ុន្តែ​សម្រាប់ប្រទេសប៉េរូវិញ ចំណាត់ការ ប្រឆាំងនឹងអំពើហិង្សា [...]

ឈុតឆាកនេះ តែងកើតឡើងជាធម្មតា សម្រាប់បុរសទូទៅ ដែលមានបុគ្គលលក្ខណៈ ជា«សុភាពបុរស»... គ្រាន់តែលើក​នេះ បុរសម្នាក់នោះ គឺលោក បារ៉ាក់ អូបាម៉ា ប្រធានាធិបតីនៃសហរដ្ឋអាមេរិក។ បុរសដែលមានអំណាចជាងគេ នៅក្នុង​ពិភពលោក ត្រូវបានថតជាប់ដោយ ម៉ាស៊ីនថតរ​បស់ស្ថានីយ ទូរទស្សន៍ ABC News នៅពេលដែលលោកបានចុះចេញ ពីឧទ្ធម្ភាគចក្រ ចុះចតនៅលើទីលានមួយ ក្បែរសេតវិមាន បង្ហាញពីសកម្មភាព របស់លោកបានយកឆ័ត្រ ទៅបាំងអម​ការពារ​ទឹកភ្លៀង ឲ្យស្ត្រីពីរនាក់ ។

នាំនួនល្អង រត់កាត់ភ្លៀង?

វីដេអូនេះ ដែលត្រូវបាន យកទៅដាក់ផ្សាយ នៅលើបណ្ដាញសង្គម ត្រូវបានអ្នកប្រើប្រាស់បណ្ដាញសង្គម ចែករំលែក​បន្ត​គ្នារហូតដល់ជិត២០០ ០០០ដង និងមានមនុស្សចុច ចូលមើល ជាង១៤លាននាក់ គ្រាន់តែក្នុងរយៈពេល២ថ្ងៃប៉ុណ្ណោះ។

ត្រឡប់ពីដំណើរទស្សនកិច្ច នៅក្នុងរដ្ឋ ញ៉ូ ចេស៊ី (New Jersey) វិញ លោកប្រធានាធិបតី បានវិលមកសេតវិមានវិញ ខណៈ​ស្ថានភាពឧត្តុនិយម [...]

នៅសហរដ្ឋអាមេរិក លោក ម៉ាត ស្ទូចមេន (Matt Stutzman) បានចាប់កំណើតមក យ៉ាងអភ័ព ដោយគ្មានដៃទាំងទ្វេរ មកជាមួយទេ។ ប៉ុន្តែផ្ទុយពីធម្មជាតិឥតមេត្តា លោកបានខិតខំរៀនបាញ់ស្នារ ធ្នូរ ឬព្រួញ ដោយប្រើជើង យ៉ាងស្ទាត់ជំនាញ តាំងពីលោកនៅជាកុមារ រហូតបានក្លាយជា សមាជិកដ៏សំខាន់ម្នាក់ នៅក្នុងក្រុមជម្រើសជាតិអាមេរិក ខាងបាញ់ព្រួញនេះ ទៀតផង។

ត្រឹមតែប៉ុណ្ណេះ នៅមិនទាន់សមល្មមនៅឡើយទេ សម្រាប់លោក ស្ទូចមេន។ ប៉ុន្តែលោក ថែមទាំងបានបំបែកឯកត្តកម្ម ខាង​ការបាញ់ព្រួញ ចំគោលដៅល្អ ដែលមានចំងាយដល់ទៅ ២១០ម៉ែត្រ បង្កើតភាពកោតស្ងប់ស្ងែង មិនតិចឡើយ នៅ​ក្នុង​ពិភពលោក។

និយាយឲ្យស៊ីជម្រៅ ជើងទាំងគូរបស់លោក បានក្លាយជាអវៈយវៈជំនួសដៃ ដោយលោកបានប្រើវា យកមកបាញ់ធ្នូរ ព្រួញ ឬយកមកចាប់ចំណីអ្វីផ្សេង ដាក់បញ្ចូលមាត់។ ដូចនៅក្នុងវីដេអូខាងលើ លោក ស្ទូចមេន អង្គុយនៅលើកៅអី ហើយ​បាន​ប្រើជើងម្ខាង ដើម្បីទាញដងធ្នូរ ជាមួយនឹងប្រដាប់ទាញមួយទៀត ដែលលោកគាបជាប់ [...]

លោក ម៉ានី ផាគីអៅ បានបង្ហាញពីខ្សែជីវិតពិត ក្នុងនាមអ្នកប្រដាល់ នៃប្រទេសហ្វីលីពីន ក្នុងបទចម្រៀងមួយ ដែល​មាន​ចំណងជើងថា «ខ្ញុំនឹងប្រយុទ្ធ» ឬជាភាសាហ្វីលីពីន «ឡាឡាបានអាកូ (Lalaban Ako)» និងប្រែមកជាភាសាអង់គ្លេសថា «I Will Fight»។ ឃ្លីបវីដេអូ ដែលត្រូវបាន យកមកបង្ហោះ តាមបណ្តាញសង្គម និងបង្កឲ្យមានអ្នកគាំទ្រ យ៉ាងច្រើននោះ បាន​លើកឡើង ពីសភាពក្រៀមក្រំ ជាមួយនឹងការចូលរូមរំលែកទុក្ខ ក្នុងនាមជាពលរដ្ឋហ្វីលីពីន ទៅកាន់ពលរដ្ឋដូចគ្នា ដែល​កំពុង​រងទុក្ខ ជាពិសេស ចម្រៀងបានរៀបរាប់ថា លោកបានយកអាជីព ជាអ្នកប្រដាល់ ដើម្បីយកប្រាក់ ទៅ​សង្គ្រោះ​ជីវិត​ពលរដ្ឋ​ក្រីក្រក្នុងប្រទេស។

តាមន័យនៃបទចម្រៀងនេះ លោកផាគីអៅ ដែលជាប់ជាប់តំណាងរាស្ត្រ របស់ប្រទេសហ្វីលីពីនផងនោះ បានធ្វើការ​រៀប​រាប់​ពីជីវិតខ្លួន ដែលជាអ្នកប្រដាល់ ហើយព្យាយាម និងខិតខំ ប្រឹងប្រែងលើសង្វៀនប្រកួត បើទោះជាបែបមុខមាត់ ហូរ​ឈាម​ដាប​ខ្លួន និងរបួសយ៉ាងណាក៏ដោយ [...]