Posts in ‘អត្ថបទមានវីដេអូ’ Category

អង្គការសង្គមស៊ីវិលមួយ បានថ្លែងឲ្យដឹងថា កម្ពុជាកំពុងជួបបញ្ហាប្រឈមមួយដ៏ធំ រវាងប្រជាពលរដ្ឋ និង​អាជ្ញាធរ​មូលដ្ឋាន ឬរដ្ឋាភិបាល ដែលមកដល់បច្ចុប្បន្ននេះ នៅមិនទាន់មានដំណោះស្រាយ ជាក់លាក់ណាមួយ​នៅ​ឡើយ នោះគឺ«ការរំលោភដីធ្លី និងទំនាស់ដីធ្លី» រវាងអ្នកមាន និងអ្នកក្រ រវាងអ្នកមានអំណាច និង​ប្រជា​ពលរដ្ឋ​សាមញ្ញ​ជា​ដើម។

ថ្លែងក្នុងសិក្ខាសាលា សម្ពោធរបាយការណ៍ ស្តីពី «ការវិភាគស្ថិតិវិវាទដីធ្លីនៅកម្ពុជា ឆ្នាំ២០១៤» នាថ្ងៃទី២២ ខែ​កញ្ញា ឆ្នាំ២០១៥ នេះ លោក តឹក វណ្ណារ៉ា នាយកប្រតិបត្តិ នៃវេទិការទូទៅស្តីពីកម្ពុជា (NGO Forum) បាន​ថ្លែង​ថា តាមសកម្មភាព នៃការមិនរាងចាល ក្នុងការរំលោភយកដីធ្លី​ជាបន្តបន្ទាប់ មកលើប្រជាពលរដ្ឋស្លូតត្រង់ ដោយ​បុគ្គល​មានអំណាច ឬអ្នកមានប្រាក់ រិតតែបង្ក ឬបង្កើតឡើង នូវភាពក្រីក្រកាន់តែច្រើន ដែលផ្ទុយនឹង​គោល​នយោបាយ របស់រដ្ឋាភិបាល ក្នុងការកាត់បន្ថយ ភាពក្រីក្រនៅកម្ពុជា។

លោក វណ្ណារ៉ា [...]

ក្រោយពីបានឆ្លងកាត់ ជាច្រើនវគ្គរួចមក បេក្ខនារី យ៉ង់ នីតា បានឈានដល់វគ្ គLive show សប្តាហ៍ទី៣ ដែល​មានបេក្ខជន និងបេក្ខនារីសរុបចំនួន១០នាក់ ប្រកួតក្នុងវគ្គវនេះ ហើយក៏ជាវគ្គ ដែលបេក្ខនារីរូបនេះ ត្រូវចាក​ចេញ​ទាំងខកបំណង និងស្ទើតែនិយាយមិនរួច នៅបន្ទាប់ពីបានដឹងលទ្ធផល ហើយពិធីករ បានប្រគល់មេក្រូ ដើម្បី​ឲ្យនាងនិយាយ ទៅកាន់បងប្អូនទស្សនិកជន។

នៅក្នុងវគ្គនេះ កម្មវីធីតម្រូវឲ្យបេក្ខជន និងបេក្ខនារីទាំងអស់ ជ្រើសរើសបទចម្រៀង សម័យដើម (សត្សវត្តទី៦០ ឬ៧០) មកបកស្រាយ។ ចំណែកបេក្ខនារី នីតា ដែលវ័យ១៩ ឆ្នាំ បានបកស្រាយបទចម្រៀងមួយបទ មាន​ចំណង​ជើងថា «ទុំមុនស្រគាល» ឬ«ស្តាយភាពក្រមុំ» ដែលជាសំនៀងដើម របស់អ្នកចម្រៀងជំនាន់ដើម នាង រស់ សេរីសុទ្ធា។

បន្ទាប់ពីបានវឹកហាត់ អស់រយះជាងបីខែ បេក្ខនារីរូបនេះបានប្រឹងប្រែង ច្រៀងអស់ពីសមត្ថភាពដើម្បី អាច​ឈាន​ទៅវគ្គបន្ត តែគួរឲ្យសោកស្តាយ ព្រោះបេក្ខនារីរូបនេះបានធ្លាក់ចេញ [...]

តំណាងអង្គការសង្គមស៊ីវិលមួយចំនួន  បានទទួលស្គាល់ នូវកិច្ចខិតខំប្រឹងប្រែង របស់រដ្ឋាភិបាល ដែល​បាន​ជម្រុញឲ្យកម្ពុជា ឈានពីប្រទេស ដែលស្ថិតក្រោមការអភិវឌ្ឍន៍ (កម្រិតទាប) ទៅកាន់ប្រទេស ដែលកំពុង​អភិវឌ្ឍន៍ (កម្រិតមធ្យម)។ តែតំណាងអង្គការសង្គមស៊ីវិលទាំងនោះ បានអះអាងទៀតថា កម្ពុជានៅជួប «បញ្ហា​ប្រឈម» មួយចំនួន ដែលត្រូវធ្វើការដោះស្រាយ ដើម្បីឈានទៅរកដំណើរការ នៃកិច្ចអភិវឌ្ឍន៍មួយ ទាំងផ្នែក​សេដ្ឋកិច្ច និងផ្នែកបរិស្ថាន ប្រកបដោយនិរន្តរភាព។

ថ្លែងទៅកាន់អ្នកសារព័ត៌មាន នៅក្នុងសិក្ខាសាលាពិគ្រោះយោបល់ ថ្នាក់ជាតិ ស្តីពី «មូលដ្ឋានីយកម្ម នៃ​គោល​ដៅអភិវឌ្ឍន៍ប្រកបដោយនិរន្តរភាព និងហិរញ្ញប្បទាន សម្រាប់ការអភិវឌ្ឍន៍ប្រទេសកម្ពុជា» លោក សឿង សារឿន នាយកប្រតិបត្តិ គណៈកម្មាធិការសហប្រតិបត្តិការ ដើម្បីកម្ពុជា បានថ្លែងឲ្យដឹងថា តាម​គោលដៅ​អភិវឌ្ឈន៍​សហវត្សរ៍ (MDGs) ទាំង«៨» មានគោលដៅតែ«៤»ប៉ុណ្ណោះ ដែលកម្ពុជាបានជួប និងអនុវត្ត​បាន​ល្អ។ [...]

ដោយសាររវល់ តែការពារទឹកដី នៅតាមព្រំដែនកម្ពុជា លុះត្រឡប់មកស្រុកកំណើតវិញ ស្រាប់ដីធ្លី និង​ផ្ទះ​សម្បែង ត្រូវបានក្រុមហ៊ុន អឹម.ឌី.អេស (MDS) របស់លោក ទ្រី ភាព រំលោភយក។ នេះជាការលើកឡើង របស់​លោក ទឹម ធឿន ដែលអះអាងថា ខ្លួនលោកជានាយទាហាន កងការពារព្រំដែនគោក លេខ១៤៥ ឈរ​ជើងនៅតបន់ឃុំថ្មដា ស្រុកវាលវែង ខេត្តពោធិសាត់។

លោក ទឹម ធឿន ដែលជាអ្នកស្រុកវាលវែង ខេត្តពោធិសាត់ បានរៀបរាប់ថា លោកជាទាហានម្នាក់ ក្នុង​ចំណោម​ទាហានជាច្រើនទៀត ចូលបំរើ និង​ការពារ​ជាតិ ទឹកដីតាំងពីឆ្នាំ១៩៩៧។ តែផ្ទុយពីកម្លាំងកាយ​ចិត្ត ដែល​បានបូជាជូនមាតុភូមិ លោករួមទាំង​ប្រជាពលរដ្ឋជាច្រើនទៀត បែរជាបានរងគ្រោះ នឹងការរំលោភ​បំពាន​ដីធ្លី ផ្ទះ​សម្បែង ពីសំណាក់ក្រុមហ៊ុន របស់ឧកញ៉ាដ៏ល្បីឈ្មោះ លោក ទ្រី ភាព។

លោកថា ក្នុងឆ្នាំ២០១០ ក្រុមហ៊ុននេះបានចូលខ្លួន មកអះអាងថា ធ្វើការអភិវឌ្ឍន៍ តំបន់មូលដ្ឋានស្រុក​វាល​វែង ដែលជាស្រុកកំណើរ ឬទីលំនៅរបស់ខ្លួននេះ។ [...]

បន្ទាប់ពីបានទទួលបាន នូវការគាំទ្រ ពីទស្សនិជន ជាមួយនឹងបទចម្រៀង រាំវង់សារ៉ាវ៉ានឡាំលាវមួយចំនួន នា​រដូវកាលចូលឆ្នាំថ្មី ប្រពៃណីជាតិរួចមក ឥលូវនេះ អ្នកនាង ស្រេង សុកាន់ដា ហៅ ខ្ញុង បានច្រៀង​ចម្រៀង​ថ្មី​មួយ​ទៀត ដែលបានទាក់ទាញ ការគាំទ្រយ៉ាងច្រើន ពីសំណាក់ទស្សនិកជន។ ចម្រៀងថ្មីនេះ មានលក្ខណៈ បែប​មនោសញ្ចាតនាកំសត់ ហើយមានចំណងជើងថា «ប្តីខ្ញុំចាស់តែលួចក្បត់ខ្ញុំ»។

ប្រិយមិត្ត និងទស្សនិជនយ៉ាងច្រើន បានសរសើរថា ចម្រៀងនេះពិរោះ ហើយមានន័យ ត្រូវនឹងស្ថានភាព​សង្គម​សព្វថ្ងៃ។

បទចម្រៀងនេះ ច្រៀងរៀបរាប់ពីទុក្ខសោក របស់ភរិយាម្នាក់ ដែលយកស្វាមីចាស់ ស្មានថាស្មោះត្រង់ចេះគិត តែផ្ទុយទៅវិញ បែរជាត្រូវខកបំណង ព្រោះប្តីសាវា មានស្រីក្មេង បំផ្លាញលុយកាកខ្ទេចខ្ទី និងលែងគិតគូរ ដល់​ប្រពន្ធកូនអ្វីទាំងអស់ គិតតែមានស្រីសប្បាយហ៊ឺហា។ ជាចុងក្រោយ តារាកប្លែងដ៏ស្រស់សោភា ប្រចាំនៅ​ទូរទស្សន៍​ស៊ីធីអិន (CTN) នាង ខ្ញុុង [...]