Posts in ‘អត្ថបទមានវីដេអូ’ Category

ជាមួយនឹងផ្លូវទាំង៤៨ លើថ្នល់ល្បឿនលឿន នៅច្រកចូល​ទៅកាន់រដ្ឋធានីប៉េកាំង ប្រទេសចិន តែ​រថយន្ដ​របស់បណ្ដាជនចិន នៅតែរកច្រកចូលរដ្ឋធានីរបស់ខ្លួន ដោយស្រួលមិនបាន។ រដូវកាល ដែលមានឈ្មោះ «សប្ដាហ៍​មាស (Golden Week)» នេះ ជាវេលាដែលវិស្សមកាល ត្រូវបានបិតបញ្ចប់ ហើយបណ្ដាជន ដែល​បាន​ចាកចេញ ពីរដ្ឋធានី ដើម្បីសម្រាកលំហែនោះ បានត្រឡប់ចូលមកវិញព្រមៗគ្នា។

នៅក្នុងតែមួយសប្ដាហ៍ប៉ុណ្ណោះ បណ្ដាជនចិនចំនួន ៧៥០លាននាក់ បានប្រើប្រាស់ផ្លូវថ្នល់នេះ ដើម្បី​ចូល​មក​កាន់រដ្ឋធានី នៃប្រទេសដែលមានចំនួនប្រជាជន ច្រើនជាងគេក្នុងលោក។

មូលហេតុដែលបណ្ដាល ឲ្យមានការកកស្ទះដ៏ធំបែបនេះ ទំនងកើតមកពីបញ្ជរបង់ប្រាក់ ដែលទើបនឹងត្រូវ​បាន​សង់ថ្មី ព្រោះបន្ទាប់ពីចេញ ពីបញ្ជរបង់ប្រាក់ទាំងនោះរួច បណ្ដារថយន្ដទាំងអស់ បានសម្រុកបើកចូល ទៅ​តាម​ថ្នល់ល្បឿនលឿន ដែលមានទំហំរួមទៅជាតូច បង្កភាពអាណាធិបតេយ្យកើតឡើងពាសពេញ៕

ក្រចកមួយរបស់លោក មានប្រវែងបណ្ដោយ ប្រមាណជា២ម៉ែត្រ។ ប៉ុន្តែលោក «Shridhar Chillal» ជាតិ​ឥណ្ឌា​អាយុ៧៨ឆ្នាំរូបនេះ បានអះអាងថា បានធ្វើពលិកម្មយ៉ាងច្រើន សម្រាប់ការរក្សាទុក នូវក្រចករបស់លោក រហូត​រូបលោកត្រូវបានកត់ត្រា នៅក្នុងសៀវភៅ«Guinness Book» ឆ្នាំ២០១៦នេះ។ សារព័ត៌មានអង់គ្លេស «The Daily Mirror» បានរាយការណ៍យ៉ាងលំអិត ពីករណីរបស់លោកនេះ ដោយបានបញ្ជាក់ថា បុរស​ចំណាស់​​មិន​បានកាត់ក្រចកដៃ របស់លោក... តាំងពីឆ្នាំ១៩៩៥២ ពោលគឺតាំងពី៦២ឆ្នាំមុន។ គោល​បំណង​របស់​លោក ជា​បន្ត​នៅពេលនេះ គឺចង់ធ្វើជាអំណោយ ទៅឲ្យសារមន្ទីរមួយ។

ពលិកម្មដ៏មហិមា...

នៅពេលលោកមានវ័យគ្រប់ការ លោកមានការពិបាក ក្នុងការស្វែងរកសេចក្ដីស្នេហាណាស់។ បុរសចំណាស់​ជាង៧០ឆ្នា បានថ្លែងរៀបរាប់ ពីទំនាក់ទំនងស្នេហារបស់លោក ដែលមានចំនួនដល់ទៅ១២ដង ថា៖ «ខណៈ​ពេលដែលខ្ញុំហៀបនឹងរៀបការ... តែគ្មានស្ត្រីណាម្នាក់ ចង់រៀបការជាមួយខ្ញុំនោះទេ។ [...]