Posts in ‘សម្រាំងជាខេមរភាសា’ Category

សន្និសីទសារព័ត៌មាន កាលពីល្ងាចថ្ងៃទី២៥ ខែកញ្ញា ម្សិលម៉ិញនេះ ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា លោក ឈាង វុន បានចាត់ទុកសារាចរណ៍ ដែលចេញដោយប្រធានរដ្ឋសភា កាលពីថ្ងៃទី១២ ខែកញ្ញា មិនមានឃាត់ឃាំងសិទ្ធិ និងសេរីភាពអ្នកណា​ម្នាក់​ឡើយ។ ក្នុងនោះរួមទាំង ប្រជាពលរដ្ឋ សង្គមស៊ីវិល ពិសេសតំណាងរាស្ត្រសភាទាំងមូល ដែលស្រប​​តាម​បទ​បញ្ជាផ្ទៃក្នុង និងរដ្ឋធម្មនុញ្ញកម្ពុជា។

កាលពីថ្ងៃទី១២ ខែកញ្ញា ប្រធានរដ្ឋសភាកម្ពុជា លោក ហេង សំរិន បានចេញសារាចរណែនាំមួយ ទៅដល់​គណៈកម្មការនានានៃរដ្ឋសភាទាំង១០ ដោយតម្រូវឲ្យគណៈកម្មាការទាំងនោះ សុំការអនុញ្ញាតពីលោក​ជា​មុន​សិន មុននឹងកោះហៅសង្គមស៊ីវិល និង ប្រជាពលរដ្ឋចូលជួបក្នុងសភានោះ។ សារាចរនេះត្រូវបានគេ​មើល​ឃើញថា បានរឹតត្បិតសិទ្ធសេរីភាព និងការងារឯករាជ្យរបស់តំណាងរាស្ត្រ ក្នុងការបំពេញ​មុខងារ​របស់​ខ្លួន។

ប៉ុន្តែអ្វីដែល លោក ឈាង វុន [...]

នារសៀលថ្ងៃទី២៦ ខែកញ្ញានេះ កម្ពុជា និងអូស្រ្តាលី នឹងចុះអនុស្សរណៈយោគយល់គ្នា (MOU) ជាទ្វេភាគី​មួយ ដើម្បីឲ្យកម្ពុជាអាចនឹង ទទួលយកជនភៀសដោយខុសច្បាប់ ដោយមានការចុះហត្ថលេខាដោយ លោក ស ខេង រដ្ឋមន្ត្រីក្រសួងមហាផ្ទៃ ជាមួយលោក ស្កុត ម៉ូរីសុន (Scott Morrison) រដ្ឋមន្ត្រីក្រសួង​អន្តោប្រវេសន៍ និងកិច្ចការពារព្រំដែនអូស្ត្រាលី។ នេះបើយោងតាម សេចក្តីប្រកាសព័ត៌មាន របស់ក្រសួងការបរទេសកម្ពុជា ដែលបានចេញផ្សព្វផ្សាយកាលពីថ្ងៃទី២៤ ខែកញ្ញានេះ។

ពាក់ព័ន្ធនឹងបញ្ហានេះ លោក ឈាង វុន ប្រធានគណៈកម្មការទី៥ នៃរដ្ឋសភា (កិច្ចការបរទេស សហប្រតិបត្តិ​ការអន្តរជាតិ ឃោសនាការ និងព័ត៌មាន) ក្នុង សន្និសីទសារព័ត៌មាននាល្ងាចថ្ងៃទី២៥ ខែកញ្ញា បានលើក​បញ្ជាក់ថា កម្ពុជាបានពីចារណាលើប្រាំចំណុច មុននិងសម្រេចធ្វើការទទួលយក ជនភៀសខ្លួនពី​ប្រទេស​អូស្ត្រាលីទាំងនោះមកកម្ពុជា។ លោកបន្តថាចំណុចទាំងប្រាំនោះ រួមមានដូចជា ព្រមរស់នៅដោយស្ម័គ្រចិត្ត, [...]

រដូវកាលនេះ ជារដូវវស្សារ។ របបទឹកភ្លៀង ដែលមិនទៀងទាត់នោះ បានបង្កជាផលលំបាកមួយ​ចំពោះ​អ្នក​ធ្វើដំណើរ ព្រោះថាមនុស្សមួយចំនួន នៅពេលដែលខ្លួនរបស់ពួកគេប៉ះនឹងទឹកភ្លៀង អាចបណ្តាលឲ្យមាន​ជំងឺ​ផ្តាសាយ ដែលជំងឺនេះជា​ឧបសគ្គ​រាំងស្ទះមួយ ក្នុងការប្រកបរបររកស៊ី។

ជំងឺផ្តាសាយ លែងជាបញ្ហារបស់លោកអ្នកទៀតហើយ ដោយលោកអ្នកគ្រាន់តែយកខ្ទឹមសរ មកធ្វើជា​ឱសថ​សំរាប់ព្យាបាលជំងឺនេះប៉ុណ្ណោះ។

ខ្ទឹមសរមានផ្ទុក អង់ស៊ីម ដែលមានលក្ខណៈសម្បត្តិប្រឆាំងវីរុសមួយចំនួន ដែលបង្ករឲ្យមាន ជំងឺផ្តាសាយ ឱសថប្រភេទនេះងាយស្រួលរកទិញ និងមានតម្លៃថោកសមរម្យ។

វិធីប្រើប្រាស់ឱសថធម្មជាតិនេះ ក្នុងការព្យាបាលជំងឺផ្តាសាយ៖ លោកអ្នកគ្រាន់តែបរិភោគវាមួយកំពឹស ឫពីរ​កំពឹសនៃខ្ទឹមសរឆៅ ចាប់ពីពីរទៅបីដងក្នុងមួយថ្ងៃ ហើយលោកអ្នកត្រូវធ្វើបែបនេះ រហូតដល់អាការៈរបស់​លោក​អ្នកបានធូស្បើយ។

ខ្ទឹមជាប្រភេទធម្មជាតិមួយបែប ដែលអាចបង្កើនភាពសុំាខ្លាំង [...]

យោងតាមរបាយការណ៍ ដែលចេញដោយអគ្គស្នងការដ្ឋាន នគរបាលជាតិ ក្រសួងមហាផ្ទៃ ក្នុងរយៈពេល​ប្រាំថ្ងៃនៃថ្ងៃបុណ្យភ្ជុំបិណ្ឌឆ្នាំ២០១៤ ដោយគិតពីថ្ងៃទី ២០ ដល់ថ្ងៃទី២៤ ខែកញ្ញា មានមនុស្សស្លាប់​រហូត​ដល់​៤៩នាក់ ដែលឆ្នាំ២០១៣មានអ្នកស្លាប់ត្រឹមតែ២៤នាក់។ ឯអ្នករបួសធ្ងន់ និងស្រាលវិញ មាន​រហូតដល់​៣០៥​នាក់ បើប្រៀបធៀបក្នុងឆ្នាំ២០១៣ មានត្រឹមតែ១៦៩នាក់ប៉ុណ្ណោះ។ មានន័យថាក្នុងឆ្នាំ២០១៤នេះ គ្រោះ​ថ្នាក់​ចរាចណ៍ ក្នុងរដូវបុណ្យភ្ជុំបិណ្ឌមានការកើនឡើង។

ដោយឡែកនាយរដ្ឋមន្រ្តីកម្ពុជា លោក ហ៊ុន សែន នាព្រឹកថ្ងៃទី២៥ ខែកញ្ញានេះ ក៏បានធ្វើការថ្លែង​កោត​សរសើរ ដល់កិច្ចខិតខំប្រឹងប្រែង និងយកចិត្តទុកដាក់ របស់សមត្ថកិច្ច កងកម្លាំងនគរបាល និងកម្លាំង​ប្រដាប់​អាវុធ ដែលបានរក្សាសន្តិសុខ និងសណ្តាប់ធ្នាប់បាន ល្អប្រសើរក្នុងអំឡុងពេលបុណ្យភ្ជុំបិណ្ឌនេះ។ ការថ្លែងកោតសសើរនេះ ត្រូវបានធ្វើឡើងនៅមជ្ឈមណ្ឌលពិពណ៌កោះពេជ្រ ក្នុងពេលចែកសញ្ញាបត្រដល់ [...]

តាមប្រភពព័ត៌មានដែលស្និត នឹងក្រសួងមហាផ្ទៃគួឲ្យជឿជាក់ បានបង្ហើបឲ្យដឹងថា ការដែលកម្ពុជា ទទួល​យក​ជនភៀសខ្លួនអូស្ត្រាលីទាំងនោះ ព្រោះតែថ្មីៗនេះ រដ្ឋាភិបាលអូស្ត្រាលីបានប្រកាសថា បើ​ប្រទេស​ណា​ទទួល​យក ជនអន្តោប្រវេសន៍អន្តរជាតិ«ខុសច្បាប់» ដែលប្រទេសអូស្ត្រាលីច្រានចោលមិន​ទទួល​ទាំង​នោះ​ ប្រទេស​នោះនឹងទទួលបាន ប្រាក់ជំនួយឧបត្ថមបន្ថែម ចំនួន៨០លានដុល្លាក្នុងមួយឆ្នាំ។

ប្រភពដែលនិយាយក្នុងល័ក្ខខ័ណ្ឌមិនបញ្ចេញឈ្មោះ បានបញ្ជាក់ពីមូលហេតុយ៉ាងដូច្នេះថា៖ «បើមិនព្រោះ​តែ​លុយទេ តើព្រោះអ្វី? ព្រោះមនុស្សធម៌? ខ្ញុំថា ព្រោះតែថ្នាក់ដឹកនាំកម្ពុជា សម្លឹងឃើញលុយច្រើនជាង សម្លឹង​មើលលើផ្នែកមនុស្សធម៌។ (...) ព្រោះថា សូម្បីតែប្រជាជនកម្ពុជាខ្លួនឯង រដ្ឋាភិបាលកម្ពុជា មិនទាំង​អាច​នឹង​ផ្តល់ការរស់នៅ ដល់ពួកគេបានសមរម្យនៅឡើយផង ចុះរឿងអ្វីដែលទទួលយកជនជាតិដទៃ ដែល​ខុស​ច្បាប់ និងប្រទេសកំណើតគេមិនទទួលស្គាល់ [...]