យុទ្ធសាស្ត្រក្រុមហ៊ុន ទ្រី ភាព ដើម្បីឲ្យ«កម្ទេចព្រៃឈើ» នៅខេត្តព្រះវិហារ
កាប់ឈើខុសច្បាប់ - នៅក្នុងគោយន្ត ដែលផ្ទុកទៅដោយឈើធ្វើចរាចរណ៍ដោយសេរី នៅក្នុងឃុំធ្មា ស្រុក ជ័យសែន លោក មាស សំណាង (ជាឈ្មោះដែលអ្នកសារព័ត៌មានដាក់ឲ្យ) ដែលជាពលរដ្ឋម្នាក់ តែងតែចេញមុខប្រឆាំងជាមួយឈ្មួញឈើនៅក្នុងឃុំរបស់លោក បានថ្លែងថា មានថៅកែរងរបស់ក្រុមហ៊ុន លោក ឧកញ៉ា ទ្រី ភាព បានមកក្នុងភូមិ ប្រាប់ប្រជាពលរដ្ឋឲ្យដើរទៅកាប់ព្រៃ ហើយគេមកទិញនៅទីនេះតាមផ្ទះនៅពេលល្ងាច។ លោកបានថ្លែងឲ្យដឹងទៀតថា ៖ «ថៅកែគេដើររកទិញតាមផ្ទះហើយ គេបាញ់ថ្នាំសំគាល់ តែខ្ញុំមិនដឹងថាមានន័យថាម៉េចទេ វាជាអក្សរបារាំង។ នៅពេលយប់ បន្ទាប់ពីគេប្រមូលឈើអស់ហើយ ទើបគេដឹកចេញពីភូមិ។»។
លោកបានរៀបរាប់ថា ប្រពលរដ្ឋគ្របទុកឈើនៅតាមផ្ទះរបស់ពួកគេ ហើយនៅពេលល្ងាច [...]