Posts in ‘សម្រាំងជាខេមរភាសា’ Category

ហេតុការណ៍ បានបង្កភាពតក់ស្លុត ខ្លាំងក្លាណាស់។ រថយន្ដក្រុង ដែលធ្វើដំណើរ មកពីក្រុង ប៊ីបាវ (Bilbao ភាគខាងជើង នៃប្រទេសអេស្ប៉ាញ) បានជ្រមុចខ្លួន ទៅមិនផុត នៅខាងក្រោមស្ពានមួយ កាលពីព្រឹកថ្ងៃ​អាទិត្យ នៅភាគខាងជើង នៃប្រទេសបារាំង។ រថយន្ដក្រុង ដែលមានកំពស់ ខ្ពស់ជាងកំពស់ ពីផ្លូវទៅស្ពាន​នោះ បានដឹកក្រុមយុវជនជាតិអេស្ប៉ាញ អាយុពី១៨ ទៅ២៩ឆ្នាំ ចំនួន៥៦នាក់ ដើម្បីធ្វើដំណើរ ឆ្ពោះទៅកាន់​រាជធានី អាំស្ទែដាម ប្រទេសហូឡង់។ នេះបើតាមរបាយការណ៍មួយ របស់សារព័ត៌មានបារាំង «La Voix du Nord»។

ដំបូលរថយន្ដក្រុង ត្រូវបានគាស់របើក ដោយហេតុបានទើសនឹងស្ពាន បង្កឲ្យយុវជន៦នាក់ បានរបួស​យ៉ាង​ធ្ងន់ធ្ងរ ត្រូវបញ្ជូនទៅសង្គ្រោះបន្ទាន់ នៅមន្ទីរពេទ្យបារាំងនៅក្រុង លីល ក្បែរនោះ។ ពីក្នុងចំណោមនោះ យុវជន​ពីរនាក់ មានស្ថានភាពធ្ងន់ធ្ងរ ដែលអាចប៉ះពាល់ដល់ជីវិត។ រីឯយុវជន៣៤នាក់ទៀត បានរង​របួស​ស្រាល ហើយ​កំពុងស្នាក់នៅ ក្នុងមជ្ឈមណ្ឌលទទួលភ្ញៀវមួយ។

ប្រសិនជាហេតុការណ៍នេះ ធ្លាប់ត្រូវបានឃើញ ជាញយដង នៅតាមវីដេអូនានា ដែលត្រូវបានបង្ហោះ ក្នុង​ប្រទេស​ចិន បង្ហាញពីការធ្វេសប្រហេស របស់ឪពុកម្ដាយ ធ្វើឲ្យកូនតូចៗរបស់ខ្លួន បានរងគ្រោះ រហូតដល់​អាយុ​ជីវិតនោះ ប៉ុន្តែឥឡូវនេះ ហេតុការណ៍បានកើតឡើង (ឬកើតឡើងជាថ្មី) នៅក្នុងរាជធានីភ្នំពេញ ប្រទេស​កម្ពុជា​ផ្ទាល់​តែម្ដង។ សម្រាប់ឪពុកម្ដាយ វាជាហេតុការណ៍ ដែលមិនអាចមានអ្វី មកជួសជុលវិញបានឡើយ មាន​តែ​ការ​ស្ដាយ​ក្រោយ អស់​មួយជីវិតប៉ុណ្ណោះ។

រឿងរ៉ាវដ៏តក់ស្លុត បានកើតឡើង​នៅវេលាម៉ោង ប្រមាណជា២០ យប់ថ្ងៃទី២៦ ខែកក្កដានេះ ក្នុងភូមិ​តា​ងួន សង្កាត់​កា​កាប ខណ្ឌ​ពោធិ៍សែនជ័យ ខណៈបុរសជាឪពុក លោក ជា ជុំ អាយុ៣៣ឆ្នាំ ហៀបនឹងនាំកូន ទាំង​ទ្វេ​របស់ខ្លួន ចេញទៅក្រៅ ​ជាមួយនឹងរថយន្ដ LUXUS RX300​ ពណ៌​ស្កររបស់ខ្លួន។ នេះបើតាមការអះអាង របស់​មន្ត្រីអាជ្ញាធរ ដែលបានចុះទៅដល់ទីកន្លែង បន្ទាប់ពីកើតហេតុរួច។

មន្ត្រីអាជ្ញាធរ បានថ្លែងទៀតថា នៅពេលនោះ [...]

មន្ត្រីនគរបាល ថ្នាក់វរសេនីយ៍ត្រី មួយរូប ត្រូវបានគេរកឃើញស្លាប់ នៅលើកៅអី«ប៉ៅអ៊ី» កាលពីវេលា​ព្រលប់​ថ្ងៃទី២៦ ខែកក្កដា ឆ្នាំ២០១៥ នៅក្នុងស្នងការដ្ឋានគរបាល ខេត្តកំពុងឆ្នាំង ជាមួយនឹងសំបុត្រមួយច្បាប់ នៅ​លើ​​ក្បាលដំណេក។ តាមការស៊ើបអង្កេតបឋម របស់ក្រុមអាជ្ញាធរ បានឲ្យដឹងថា លោក ទេព សារ៉ាត់ អាយុ ៤៨ឆ្នាំ មានថានៈ ជាប្រធានការិយាល័យ ព្រហ្ម​ទ​ណ្ឌ​កំរិត​ស្រាល បានរងគ្រោះ នឹងការធ្វើអត្តឃាត ដោយប្រើ​កាំភ្លើង​ខ្លី ម៉ាក ក៥៩ បាញ់ពីគុម្ពត្រជៀកស្ដាំ ធ្លាយមកថ្ងាស។

ការស៊ើបអង្កេត បានឲ្យដឹងថា ការបាញ់សម្លាប់ខ្លួន ទំនងជាបានធ្វើតាំងពីម៉ោង ១១ និង៣០នាទីព្រឹកម្លេះ។ រីឯ​នៅក្នុងលិខិតនោះ គេឃើញមានសំណេរ សរសេរសុំទោស អ្នកស្រីប្រធានក្រុមប្រឹក្សាខេត្ត លោកអភិបាល​ខេត្ត និងលោកស្នងការនគរបាល ខេត្តកំពង់ឆ្នាំង។

ក្រុមសមត្ថកិច្ចបានសង្ស័យថា ការធ្វើអត្តឃាតនេះ បណ្ដាលពីទំនាស់ ជាមួយស្ត្រីម្នាក់ ដែលលោកបានដក់​ចិត្ត​ប្រតិព័ទ្ធ [...]

លោក ខេម ជាម្ចាស់បទផ្ទាល់ ធ្លាប់បានសន្យាជាមួយអ្នកគាំទ្រខ្លូន នៅស្ថានីយ៍ទូរទស្សន៍ អាស៊ីអាគ្នេយ៍ថា លោក​នឹងពាំនាំបទថ្មី ដែលមានចំណងជើងថា «លើលោកនេះ គ្មានអ្នកណាចង់ក្រ» ដែលត្រៀមចេញ ក្រោយ​បទ «ទឹកភ្នែកក្មេងពាល» របស់លោក។ ហើយដូចការសន្យានោះមែន ព្រោះកាលពីថ្មីៗកន្លងមក តារាចម្រៀង បានមកបកស្រាយ បទថ្មីរបស់ខ្លួនមួយនេះ នៅស្ថានីយ៍ទូរទស្សន៍ អាស៊ីអាគ្នេយ៍ ម្តងទៀត។

បទ «លើលោកនេះ មានអ្នកណាចង់ក្រ» ទទួលបានការគាំទ្រជាច្រើន ពីអ្នកទស្សនា។ មានទម្រង់​បែបកំសត់​នោះ បទចម្រៀងនេះ មានបង្កប់ ទៅដោយអត្ថន័យ បញ្ជាក់ពីភាពតស៊ូព្យាយាម របស់ពលករចំណាកស្រុក ដើម្បី​គ្រួសារ ព្រោះតែចង់ឲ្យគ្រួសារ មានការីកចំរើននឹងគេ។ បទចម្រៀងនេះផងដែរ ក៏បានច្រៀងត្អូញត្អែរ ពី​ទុក្ខ​លំបាករបស់ជិវិតអ្នកក្រ ដែលខុសពីភាពសុខស្រួល នៃអ្នកមានអន្ទ្រើសៗ នៅក្នុងសង្គមសព្វថ្ងៃ។

តាមរយៈបទថ្មី របស់លោក ខេម ដែលជាលំនាំបទ «ដឹកប្រពន្ធទៅរាំ» របស់លោក ធឹង សុន [...]

ពលរដ្ឋដែលរស់នៅ ក្នុងភូមិគោកចំបក់ សង្កាត់ចោមចៅ ខណ្ឌពោធ៍សែនជ័យ រាជធានីភ្នំពេញ បានភ្ញាក់​ផ្អើល​ឡើង កាលពីវេលាម៉ោង ៨ និង១៥ នាទីព្រឹក ថ្ងៃអាទិត្យទី ២៦ ខែកក្កដា ឆ្នាំ ២០១៥ នៅចំណុចដីឡូដ៍​មួយ​កន្លែង នៅខាងជើងឈាងខាងលិច នៃវត្តអង្គតាម៉ិញ។ ពលរដ្ឋម្នាក់​បានចូល ទៅរកកន្លែងបត់ជើងតូច នៅទី​នោះ ក៏ស្រាប់តែប្រទះឃើញ ក្រណាត់ជាកញ្ចប់រំសាកសពនេះ ហើយបានផ្អើលឆោឡោ និងបានរាយការណ៍ ដល់អាជ្ញាធរឲ្យចុះអង្កេតភ្លាម។

ប្រភពពីកន្លែងកើតហេតុ បានបញ្ជាក់ ក្រោយពេល មន្ត្រីជំនាញធ្វើកោសល្យវិច័យ លើសាកសពខាងលើថា សាក​សពជាស្រ្តីរងគ្រោះ ដែលមានអាយុប្រមាណ២៨ឆ្នាំ និងគ្មានសម្លៀកបំពាក់ជាប់ខ្លួននេះ ត្រូវបានចងរំ ក្នុង​អង្រឹង​នីឡុងពណ៍ខ្មៅមួយ ជាបួនកង់ត្រង់៖ ក ចង្កេះ ជង្គង់ ជើង។

ប្រជាពលរដ្ឋ បានបញ្ជាក់បន្ថែមថា សាក​សព​មិនស្គាល់អត្តសញ្ញាណ ទំនងជាអ្នកធ្វើការ នៅក្នុង​ហាង​ខារ៉ាអូខេ ឬមួយអ្នកកោសជប់។​ នៅលើក្រចកដៃ របស់​សាកសព មានលាបថ្នាំក្រចក [...]