Posts in ‘សម្រាំងជីវិត’ Category

ស្ត្រីណាមិនឈឺ នៅពេលដឹងថា បុរសដែលខ្លួនស្រឡាញ់ បានក្បត់ចិត្ត ល្មោភស្នេហ៍ ចង់ជិះទូកម្ដងពីរនោះ? ប៉ុន្តែ​ធ្វើ​យ៉ាង​ដូចម្ដេច ដើម្បីឲ្យបុរសនោះដឹងខ្លួន និងយល់ ពីទំហំនៃការឈឺចាប់ សោកស្ដាយរបស់នាងបាន? យុវតីវ័យក្មេង ជាតិ​ជប៉ុន​ម្នាក់ បានដឹងពីវីធីសាស្ត្រនេះ ហើយបានបង្កបង្កើតឲ្យបញ្ហា កាន់តែរំជើបរំជួលឡើង។

សង្សារបស់នាង ដែលជាប្រុសផិតក្បត់នេះ ជាមនុស្ស«ងប់» នឹងផលិតផល «អ័បផល» យ៉ាងសម្បើម។ អញ្ចឹងហើយ ទើបនាងបានប្រមែប្រមូល ផលិតផលនោះទាំងអស់ រាប់តាំងពី iPad មួយគ្រឿង iMac មួយគ្រឿង iPhones ពីរគ្រឿង MacBooks ពីរគ្រឿង និងអ្វីផ្សេងទៀត ជាច្រើន បើគិតជាប្រាក់ មានតម្លៃរាប់សិបពាន់ដុល្លារ ឬអាចឈានដល់ម៉ឺន នោះ​ថែមទៀត។

ហើយនាងប្រមែប្រមូល មកធ្វើអី? ចម្លើយ៖ នាងយកមកត្រាំទឹក បំផ្លាញចោល។ នេះបើតាមសេចក្ដីរាយការណ៍ របស់​សារព័ត៌មានអង់គ្លេស «Daily Mirror»។ សារព័ត៌មានបានរៀបរាប់ថា របស់របរទាំងនោះ ត្រូវបាននាងដាក់ចូល [...]

កញ្ញា អេមីលី រ៉ៃយ៍ (Emily Reay) ជាតិអង់គ្លេស អាយុ ១៧ឆ្នាំ ទើបនឹងត្រូវបាន សាលារបស់នាងបង្ក្រាប យ៉ាងចាស់ដៃ ពីករណី«ពណ៌សក់»របស់នាង។ មូលហេតុសំខាន់ បណ្ដាលមកពីសក់ក្បាល ដែលមានពណ៌ក្រហមឆេះ របស់នាង ត្រូវ​បានគណៈគ្រប់គ្រងសាលា Trinity School  នៃក្រុង Carlisle (ភាគកណ្ដាល នៃចក្រភពអង់គ្លេស) វិន្និច្ឆ័យថា មាន​សភាព ដូចសក់ក្បាលជនជាតិរ៉ូស្សី ជ្រុលពេក។ ប្រសិនជា អេមីលី ចង់បន្ដការសិក្សាទៅទៀត នាងចាំបាច់ត្រូវធ្វើតាម ការ​បង្គាប់​របស់​សាលា ហើយនាងគ្មានជម្រើសអ្វីឡើយ។

នាងបានរអ៊ូរទាំ ដាក់សារព័ត៌មាន «Metro» របស់អង់គ្លេសថា៖ «ខ្ញុំធ្វើពណ៌សក់បែបនេះ តាំងពី៣ឆ្នាំមកហើយ (...) តែ​គ្មាននរណានិយាយអ្វីសោះ។ សម្រាប់ខ្ញុំ ពណ៌សក់ដូច្នេះ ជាការបង្ហាញ នូវភាពទុកចិត្តដល់ខ្លួនឯង។» ប៉ុន្តែនៅពេល​ដែល​នាងបានត្រឡប់ ពីវិស្សមកាលនៃបុណ្យប៉ាក (បុណ្យរបស់សាសនាគ្រឹស្ទ៍) វិញ ស្រាប់តែលោកគ្រូអ្នកគ្រូ ក្នុង​សាលា​បានប្រាប់ [...]

បើគ្រាន់តែលឺឈ្មោះ ម៉ែរី ឃេ និង វីលី ហ្វូឡាអូ លោកអ្នកប្រហែលជា មិនចាប់អារម្មណ៍ទេ។ ប៉ុន្តែសម្រាប់អ្នករស់នៅ ក្នុង​ប្រទេសអាមេរិក ឬនៅទ្វីបអ៊ឹរ៉ុបខាងលិច ប្រាកដជាបានដឹង ពីការចេញផ្សាយ ដ៏ភ្ញាក់ផ្អើល នៅតាមសារព័ត៌មាននានា ក្នុង​​ឆ្នាំ​១៩៩៧ ស្ដីពីហេតុការណ៍ ដ៏ហួសចិត្តមួយ។ នោះគឺអ្នកគ្រូរូបនេះ សាស្ត្រាចារ្យនៃសាលារៀនមួយ ក្នុងក្រុង​សៀតថល (Seattle) សហរដ្ឋអាមេរិក ត្រូវបានផ្តន្ទាទោស ពីបទមានទំនាក់ទំនងផ្លូវភេទ ជាមួយកូនសិស្សខ្លួនឯង ដែល​នៅ​ជា​កុមារ​​ក្មេង​​ខ្ចី​នៅ​ឡើយ។

ប៉ុន្តែ នៅ២០ឆ្នាំក្រោយមក ប្រវត្តិស្នេហ៍ដ៏គួរឲ្យហួសចិត្ត របស់អ្នកទាំងពីរ បានក្លាយជារឿងមួយ ដែលអស្ចារ្យ​រក​ទី​បំផុត​គ្មាន។ នៅក្នុងកញ្ចក់ទូរទស្សន៍ ABC កាលពីពេលថ្មីៗនេះ អ្នកទាំងពីរបានចូលខ្លួន មកផ្ដល់កិច្ចសម្ភាសយ៉ាងលំអិត ពី​ប្រវត្តិ​ស្នេហ៍​នឹក​ស្មានមិនដល់ របស់ពួកគេ។

ពួកគេបានចាប់ផ្ដើមនិយាយសារឡើងវិញ ដោយបានរៀបរាប់ តាំងពីឆ្នាំ១៩៩៦ [...]