Posts in ‘ពីនេះពីនោះ’ Category

នៅពេលដែលបេក្ខជនមួយគូ កញ្ញា សេស៊ីល (Cécile) និងយុវជន រ៉ូម៉ង់ (Roman) នេះ បានសម្ដែងចប់ នូវ​សមត្ថភាព​របស់ពួកគេ នៅមុខគណកម្មការ (មេប្រយោគ) ក្នុងវគ្គផ្ដាច់ព្រ័ត្រ នៃកម្មវិធី «បារាំងរកបាន​អ្នក​មាន​ទេពកោសល្យ» កាលពីយប់ថ្ងៃអង្គារទី៨ ខែធ្នូកន្លងមក បញ្ហាបច្ចេកទេសមួយបានកើតឡើង៖ ម៉ាស៊ីនទាញ និង​ពន្លាខ្សែ ដែលបក្ខជនទាំងពីរបានថ្ពក់ខ្លួន បានខូចលែងមានដំណើរការ ដោយទុកឲ្យអ្នកទាំងពីរ​នៅ​បន្ដោក​ខ្លួន​នៅ​ខាងលើនោះ រហូតមានការធ្វើអន្តរាគមន៍ ពីអ្នកជួយសង្គ្រោះ។

កញ្ញា សេស៊ីល ត្រូវបានជួយសង្គ្រោះ ភ្លាមៗដោយសមាជិកគណៈកម្មាការ ដោយសារនាងបានតោងជើងរ៉ូម៉ង់ ទម្លាក់ខ្លួននៅទាប ជាងយុវជនជាដៃគូរបស់នាង។ ចំណែកឯយុវជន រ៉ូម៉ង់ វិញ ត្រូងបន្តថ្ពក់ខ្លួនប៉ុន្មាននាទីទៀត ជា​មួយ​នឹងខ្សែ មុននឹងត្រូវបានជួយសង្គ្រោះ ដោយជណ្ដើរយន្ដ របស់សាលមហោស្រព នៃកម្មវិធី។

ករណីនេះ បានបង្កការភ័យភិតមិនតិចទេ ដល់បេក្ខជនទាំងពីរ ក៏ដូចជាទស្សនិកជនបារាំង [...]

នៅក្នុងដំណើរកំសាន្ដ ដ៏វែងអន្លាយមួយ ក្នុងឧទ្យាជនជាតិដ៏ធំ នៃខេត្ត «Cape Town» ប្រទេសអាហ្វ្រិក​ខាង​ត្បូង ក្រុមអ្នកទេសចរណ៍ជាច្រើន ដែលជិះនៅក្នុងរថយន្ដ បានមានឱកាសដើម្បីទស្សនា នូវការ​ប្រមាញ់​ដ៏​ពិតៗ របស់សត្វតោ ទៅលើក្រុមគោព្រៃ។ ហើយឈុតឆាកដ៏កម្រមួយ បានកើតឡើង នៅចំពោះ​ក្រុម​អ្នក​ទេសចរណ៍ ខណៈទេសចរណ៍ម្នាក់ បានផ្តិតយកទិដ្ឋភាពនេះ មកដាក់បង្ហោះ នៅលើ«យូធូប»។

ក្រុមគោព្រៃជាច្រើនរយក្បាល បានឆ្លងស្ទឹងឡើងគោក តែត្រូវបានចាំឆ្មក់ ដោយតោញីមួយ​ក្បាលនៅ​ទី​នោះ។ ប៉ុន្តែតោញីមួយនេះ មិនអាចចាប់គោព្រៃណាមួយ ដើម្បីធ្វើជាចំណើបានឡើយ ដោយហេតុថា ហ្វូង​គោដែល​ស្ថិតនៅក្នុងសភាពភ្ញាក់ផ្អើល បានរត់ដោយល្បឿនដ៏លឿន យកតែប្រាស់អាយុ រៀងៗខ្លួន។ ដូច្នេះ រឿងមួយដែលតោញី ត្រូវធ្វើក្នុងពេលនេះ គឺ«រង់ចាំ» ដោយអង្គុយនៅស្ថៀម រកមើលថាតើគោណា ដែលវា​អាច​ចាប់បាន។

រំពេចនោះ តោឈ្មោលមួយក្បាល បានហក់ចូលមក ហើយវាមិនបាន«រង់ចាំ» ដូចតោញីនោះទេ។ [...]

បុគ្គលិកបម្រើការ នៅក្នុងមជ្ឈមណ្ឌលពាណិជ្ជកម្ម «Sugar Land» ក្នុងក្រុង ហ៊ូស្ដុន នៃរដ្ឋតិចសាស (អាមេរិក) បានជួបហេតុការណ៍ ដ៏ភ័យតក់ស្លុតមួយ ទាំងព្រឹកព្រលឹម នៅពេលដែលពួកគេ បានមកធ្វើការ កាល​ពី​ថ្ងៃ​សៅរ៍ ពីរសប្ដាហ៍មុន។ មានរឿងអី?  មាន! នោះគឺសត្វក្រពើមួយក្បាល់ មានបណ្ដោយប្រមាណ​ជា៣,៨០​ម៉ែត្រ និង​៣៦០គីឡូម៉ែត្រ បាន​ចូល​មក​ដើរ​កំសាន្ដ នៅក្នុងចំណតរថយន្ដ នៃមជ្ឈមណ្ឌល។

បើទោះជាសត្វសាហាវនេះ បានខ្វាក់ភ្នែកមួយចំហៀង និងមានអាយុប្រមាណជា៥០ឆ្នាំទៅហើយក្ដី តែវា​នៅ​តែមានភាពចាំបាច់ណាស់ ដែលក្រុមនគរបាល ចាំបាច់ត្រូវរកការធ្វើអន្តរាគមន៍ ពីសំណាក់អ្នកជំនាញ ខាង​ចាប់ក្រពើ។ ក្រុមអ្នកជំនាញ បានចូលមកចាប់ចងក្រពើ ដោយរំនឹងខ្សែពួរដ៏មាំមួយ ហើយបានយកក្រណាត់ មកបិទភ្នែកវា ដើម្បីងាយស្រួល ក្នុងការដឹកបញ្ជូនវាចេញទៅ។

សត្វក្រពើ ទំនងជាបានវាចេញពីព្រៃមួយ នៅតំបន់នោះ ដែលព័ទ្ធខ្វាត់ខ្វែង ដោយទឹកបឹងបួ និងទន្លេមួយផង៕

តើនរណាអាចដឹងបាន ថាអព្ភូតហេតុដ៏ចម្លែក នឹងកើតឡើងនៅលើពិភពលោក ក្នុងថ្ងៃណាមួយ? មនុស្ស​ពិភព​​ដទៃ​បញ្ចេញមហិទ្ធិរិទ្ធិ ឬកម្លាំងអសុរកាយ ចង់បង្ហាញឲ្យមនុស្សនៅលើផែនដី ឲ្យដឹងពី៌ឥទ្ធិពល​ដ៏​អស្ចារ្យ​របស់ពួកគេ​។ល។ ទាំងនេះ សុទ្ធសឹងជាការលើកឡើង របស់បណ្ដាជនចិន ដើម្បីពន្យល់​ពី​ហេតុការណ៍​នៅក្នុងវីដេអូ (ខាងលើ) ដែលត្រូវបានថតជាប់ដោយកាម៉េរ៉ាសុវត្ថិភាព ក្បែរនឹងផ្លូវ​ខ្វែងជា​បួន​មួយ កណ្ដាលក្រុង វីងតៃ។

យ៉ាងហោចណាស់ រថយន្ដចំនួនបីគ្រឿង បានហោះបង្ហើបខ្លួនឡើងពីដី ខណៈមិនមាននរណាម្នាក់ទៅក្បែរ និងមិនមានការប៉ះពារគ្នាសូម្បីបន្តិច។ នេះជាអ្វី ដែលគេមើលឃើញ ពីក្នុងវីដេអូមួយនេះ។ រថយន្ដចំនួនពីរ (នៅ​ខាងស្ដាំ) គ្រាន់តែបានហើបជើងពីដី ហើយបានទម្លាក់ខ្លួនមកវិញ ដូចធម្មតា ខណៈរថយន្ដ​ទេសចរណ៍ (នៅ​ខាងឆ្វេង) បានទម្លាក់ខ្លួនក្រឡាប់ភីង ទៅលើថ្នល់ និងថែមទាំងរបូតកង់ ចេញពីតួទៀតផង ខណៈ​មនុស្ស​ម្នា​ដែលនៅក្នុងហេតុការណ៍ [...]