Posts in ‘ពីនេះពីនោះ’ Category

នៅវេលាម៉ោង ១០ និង១០នាទីព្រឹក (ម៉ោងក្នុងស្រុក) កាលពីថ្ងៃអង្គារសប្ដាហ៍មុន យន្ដហោះប្រភេទ ប៊ូអីង (Boeing 737 ) ដែលដឹកអ្នកដំណើរ ចំនួន១៥៦នាក់ ដល់ពេលត្រូវហោះងើបខ្លួន ចេញពីព្រលានយន្ដហោះ នៃ​ក្រុង «Kualanamu» ស្ថិតក្នុងភាគខាងជើង នៃកោះស៊ូម៉ាត្រា ប្រទេសឥណ្ឌូនេស៊ីហើយ។ ប៉ុន្តែ​ជើង​ហោះ​ហើរ ឆ្ពោះ​​ទៅ​​កាន់​​រដ្ឋធានី ចាការតា មួយនេះ ត្រូវបានពន្យាពេល ដល់ទៅ៤ម៉ោង។

អ្នកបើកបរយន្ដហោះ បានសម្រេចមិនឲ្យអ្នកដំណើរ ចូលមកក្នុងយន្ដហោះឡើយ បន្ទាប់ពីបានដឹងពីបញ្ហាមួយ ដែលបានកើតឡើង ទៅលើសម្ភារៈបំពាក់នៅលើតួយន្ដហោះ។ នោះ គឺសត្វឃ្មុំមួយក្បាល បានចូល​ទៅ​ក្នុង​បំពង់ សម្រាប់វាស់ស្ទង់សីតុណ្ហភាព និងល្បឿននៅខាងក្រៅយន្ដហោះ។

លោក ប៊េនី ប៊ូរ៉ារប៊ូតា (Benny Burarbutar) អ្នកនាំពាក្យរបស់ក្រុមហ៊ុនអាកាសចរណ៍ «Garuda» ដែល​​ជា​​ម្ចាស់​ធ្វើអាជីវកម្ម ទៅលើយន្ដហោះខាងលើ បានថ្លែងឲ្យដឹង នៅពេលក្រោយមក ក្នុងសេចក្ដីជូនដំណឹង​មួយ​ថា៖ [...]

បុរសជាតិជប៉ុនចំណាស់ ៦៥ឆ្នាំរូបនេះ បានថ្លែងឲ្យដឹងថា លោកចូលចិត្តប្រមែប្រមូល រឿងចម្លែកៗ និង​ទុក​របស់​របរ​ទាំងនោះ ជាអនុស្សាវរីយ៍។ លោក យូហៃ តាកាស៊ីម៉ា (Yuhei Takashima) អតីតអ្នក​ទទួល​ខុស​ត្រូវ នៃ​អនុវិទ្យាល័យ​មួយ នៅក្នុងប្រទេសហ្វីលីពីន ត្រូវបានផ្ដន្ទាទោស កាលពីថ្ងៃសុក្រទី២៥ ខែធ្នូ ឆ្នាំ២០១៥ ឲ្យ​ជាប់​ពន្ធនាគារ​ដោយព្យួរទោស ចំនួន២ឆ្នាំ ពីបទបានថតរូប«អានាចារ» និងចំណាយប្រាក់ ដើម្បី​រួមរ័ក្ស ជា​មួយ​កុមារី​អនីតិជន យ៉ាងហោចចំនួន៣នាក់ ពីក្នុងចំណោមស្ត្រីចំនួន ១២៦០០នាក់ ដែល​លោក​បាន​រួមរ័ក្ស​ជាមួយ នៅពេលលោកស្នាក់នៅ ក្នុងប្រទេសហ្វីលីពីន។ ការព្យួរទោស បានធ្វើឲ្យទោស​របស់​អតីត​គ្រូ​បង្រៀន ឡើង​ដល់​៤ឆ្នាំ​នៅ​ក្រៅឃុំ តែត្រូវស្ថិតក្រោមការតាមដាន និងការត្រួតពិនិត្យ របស់​តុលាការ។

លោក តាកាស៊ីម៉ា

គ្មាននរណានឹកស្មានដល់ទេ នៅពេលដែលគេបានអានអត្ថបទ ដែលចេញផ្សាយដោយ​ទីភ្នាក់ងារ​ព័ត៌មាន​បារាំង (APF) កាលពីថ្ងៃព្រហស្បត្តិ៍ ដែលបានអះអាងជាអាថ៌ថា កងកម្លាំងរបស់ប្រទេសលុចហ្សំប៊ួរ ដែល​បញ្ជូន​ទៅប្រទេសម៉ាលី នឹងកើនឡើងដល់ពីរនាក់ ខណៈការបញ្ជូនលើកមុន មានចំនួន១នាក់។ ដំណឹងនេះ បាន​ធ្វើ​ឲ្យ​អ្នក​ប្រើ​ប្រាស់​បណ្ដាញ​សង្គម នៅក្នុងប្រទេសនានា នាទ្វីបអ៊ឺរ៉ុបខាងលិច ផ្ទុះសំណើចសើចកាច់ក កាច់​ស្រង់។

អ្នកខ្លះខំប្រឹងសួរទៅ AFP វិញថា តើព័ត៌មាននេះ ពិតឬទេ ឬជាព័ត៌មានដែលមានប្រភេទចំអក? រីឯអ្នកខ្លះ​ដែល​​យល់​ថា មិនមែនជារឿងកុហកនោះ បានសរសេរសើចសប្បាយ ដាក់គ្នាទៅវិញទៅមកថា៖ «គ្រាន់​តែ​ឮសូរ​ទាហាន លុចហ្សំប៊ួរ តើក្រុមភេរវជនណាមួយ ដែលមិនញ៉ាក់សាច់?»

ឆ្លើយតបជាមួយនឹងសារព័ត៌មានលុចហ្សំប៊ួរ ជាភាសាបារាំង «L'Essentiel»  អ្នកនាំពាក្យក្រសួងការពារ​ជាតិ របស់​ប្រទេស​​លុចហ្សំប៊ួរ បានចេញមុខ [...]

នរណាមួយមិនភ័យ... នៅពេលដែលផ្ទះ ដែលខ្លួនធ្លាប់រស់នៅរាល់ថ្ងៃ ស្រាប់តែមានភ្ញៀវដ៏ចម្លែកម្នាក់ បាន​ចូលមកសួរសុខទុក្ខ ទាំងមិនបានអញ្ជើញ យ៉ាងដូច្នេះនោះ? បន្ទាប់ពីត្រឡប់ ពីធ្វើការងារកំប៉ិចកំប៉ុក នៅ​ក្នុង​សួនច្បារក្រោយផ្ទះរួច លោក អេរិច ហូឡង់ (Eric Holland) បានត្រឡប់មកលំនៅដ្ឋានវិញ តែលោក​បាន​សម្ដែង​​ការភ្ញាក់ផ្អើលយ៉ាងខ្លាំង ព្រោះនៅនឹងជញ្ជាំងផ្ទះលោក មានសត្វ«តុកកែ»ដ៏ធំមួយ កំពុងសំងំ​យ៉ាង​ស្ងាត់​ស្ងៀម នៅទីនោះ។ នេះបើតាមរបាយការណ៍មួយ របស់សារព័ត៌មាន «The Guardian» ដែល​មាន​ស្នាក់ការ​​សាខា​របស់ខ្លួន ក្នុងប្រទេសអូស្ត្រាលី។

«ចុមយក្ស! ស្អីគេអញ្ចេះ?»

បុរសរូបនេះ ដែលកំពុងរស់នៅក្នុងក្រុង «Thurgoona» នៃរដ្ឋ «New South Wales» ប្រទេសអូស្ត្រាលី បាន​ថ្លែងប្រាប់សារព័ត៌មានថា៖ «ខ្ញុំមើលឃើញអ្វីមួយ ដូចជារង្គើៗ នៅពេលដែលខ្ញុំចេញពីរោងជាង ក្នុង​សួន​ច្បារ នៅខាងក្រោយផ្ទះ។ នៅពេលខ្ញុំទៅមើលជិត [...]