Posts by "មនោរម្យ.អាំងហ្វូ"

ប្រធានាធិបតីចិន លោក ស៊ី ជីនពីង (Xi Jinping) បានសន្យា នឹងលប់បំបាក់«បីសាច» នៃភាពក្រីក្រ ដែលនៅតែបន្តលងប្រទេសចិន រហូតមកដល់សព្វថ្ងៃ។ នេះ បើតាមការផ្សព្វផ្សាយឲ្យដឹង របស់ប្រព័ន្ធសារព័ត៌មានរដ្ឋ របស់ប្រទេសចិន នៅមុនបុណ្យចូលឆ្នាំថ្មី ចូលមកដល់បន្តិច។

លោក ស៊ី ជីនពីង ត្រូវបានសារព័ត៌មានស្រង់សំដី មកបញ្ជាក់ថា អាជ្ញាធរចិន​នឹង​តាមប្រមាញ់ «ស្រមោលអន្ទោល» ដ៏អាក្រក់ទាំងនេះ តាមរយៈ«វប្បធម៌ ចំណេះដឹង និងសុខភាព»។

ការលើកឡើង របស់ប្រធានាធិបតីចិន ធ្វើឡើងនៅក្នុងដំណើរទស្សនកិច្ចរបស់លោក ទៅកាន់តំបន់ព្រៃភ្នំ ដ៏ដាច់ស្រយ៉ាលមួយ នៃខេត្តស៊ីឈ័ន ភាគកណ្ដាលប្រទេស។ តំបន់នោះ មានសហគមន៍ជនជាតិ «យី (Yi)» រស់នៅយ៉ាងច្រើន។ «យី» ជាជនជាតិភាគតិចមួយ ពីក្នុងចំណោមជនជាតិភាគតិចចំនួន៥៥ ដែលទទួលស្គាល់ជាផ្លូវការ ដោយរដ្ឋាភិបាលក្រុងប៉េកាំង។

លោកប្រធានាធិបតី បានយកឱកាសនៃការឈប់សម្រាក ក្នុងថ្ងៃបុណ្យចូលឆ្នាំថ្មី [...]

តើជនជាតិយួន និង«បងប្អួនខ្មែរកាត់យួន» ដែលរស់នៅគគោក ក្នុងប្រទេសកម្ពុជា ឈប់ត្រូវបានលោកនាយករដ្ឋមន្ត្រី ហ៊ុន សែន ខ្វាយខ្វល់ទៀតហើយឬ? នៅក្នុងសំណេរជូនពរឆ្នាំថ្មី ឆ្នាំប្រពៃណីចិន-យួន នៅលើបណ្ដាញសង្គម កាលពីប៉ុន្មានម៉ោងមុន លោក ហ៊ុន សែន បានសរសេរ ផ្ដល់ការជូនពរទៅតែ «បងប្អូនខ្មែរកាត់ចិន» និង«ជនរួមជាតិ» របស់លោកណា ដែល​ចូលរួម​អបអរ​ពិធី​បុណ្យ​នេះ​ប៉ុណ្ណោះ។

លោក ហ៊ុន សែន សរសេរថា៖ «នៅក្នុងឱកាស នៃពិធីបុណ្យចូលឆ្នាំចិននេះ ខ្ញុំនិងភរិយាសូមជូនពរ ដល់បងប្អូនខ្មែរកាត់ចិនទាំងអស់ និងជនរួមជាតិ ដែលចូលរួមអបអរសាទរ ពិធីបុណ្យចូលឆ្នាំប្រពៃណីចិន សូមប្រកបតែសេចក្តីសុខ សុភមង្គល ព្រមទាំងមានលាភសំណាង លុយកាក់ហូរចូល គ្រប់ៗក្រុមគ្រួសារកុំបីខាន»។

ពិធីបុណ្យចូលឆ្នាំចិន-យួន នឹងមកដល់ ក្នុងថ្ងៃសុក្រ ទី១៦ ខែកុម្ភៈនេះ ហើយត្រូវបានបណ្ដាជនចិន-យួន នៅជុំវិញពិភពលោក ធ្វើការប្រារព្ធ ដោយការសែនព្រេន និងជួបជុំផឹកស៊ី [...]

បណ្ដាជនខ្មែរខ្លះ មិនបានចាត់ទុកពិធីបុណ្យប្រពៃណីចិន-យួនមួយនេះ ជារឿងចាំបាច់ និងត្រូវតែប្រារព្ធនោះឡើយ។ ជាពិសេស បណ្ដាជនខ្មែរនោះមួយចំនួន ថែមទាំងមានដើមកំណើត ជាប់សែស្រឡាយចិន ឬមានសាច់ឈាមជាចិន យ៉ាងជាក់ច្បាស់នោះផង។ ដូចលោក ហួត វុទ្ធី ហៅ ជុន ច័ន្ទបុត្រ នាយករងវិទ្យុអាស៊ីសេរី ទទួលបន្ទុកការផ្សាយ​ផ្នែកខេមរភាសា និងជាអ្នកសារព័ត៌មានដ៏ល្បីនោះជាដើម ដែលអះអាងថា លោកមិនបានចូលឆ្នាំចិន-យួន នោះឡើយ បើទោះជាលោកមានជាប់សាច់ឈាមចិន ប្រមាណជា «២០%» ក៏ដោយ។

លោកបានជ្រើសរើស សំណេរបែបកំប្លែងលេង ដើម្បីនិយាយរៀបរាប់ អំពីការមិនប្រារព្ធ ពិធីបុណ្យប្រពៃណីមួយនេះ។ លោកថា៖ «បើនិយាយពីមុខខ្ញុំ ចិនល្មមៗមិនហ៊ានមកប្រកួតទេ តែ​ចូល​ឆ្នាំ​ចិន​លើក​ណា ​ក៏ "ឃាមជាក់" តែមីកញ្ចប់ នៅកន្លែងធ្វើការដែរ។ បើនិយាយពីអាំងប៉ាវវិញ មិនដែលស្គាល់សោះ! តើអាំងប៉ាវនោះ រូបរាងយ៉ាងណាទៅហ្ន៎?»។

នៅចំពោះសំនួរថា តើលោកមានជាប់សាច់ឈាមចិនដែរ [...]

បើទោះជាក្រុមប៉ារីសស៊ាំងហ្សែរម៉ាំង (Paris Saint-Germain) បានរកគ្រាប់បាល់ បានមួយគ្រាប់មុន (នាទីទី៣៣) ក៏ដោយ តែក្រុមប៉ារីស នៅមានចំណុចខ្វះខាតជាច្រើន ដើម្បីយកឈ្នះក្រុមរៀលម៉ាឌ្រីត (Real Madrid) ដែលកាន់កាប់តំណែង ជាជើងឯកអ៊ឺរ៉ុប «Champions League» នៅក្នុងដៃ និងដែលពោរពេញ ដោយបទពិសោធន៍នោះឡើយ។

កង្វះបទពិសោធន៍ បានបង្ហាញយ៉ាងច្បាស់ នៅក្នុងបរាជ័យរបស់ក្រុម ប៉ារីស នៅក្នុងការប្រកួតដ៏ធំមួយនេះ។ ក្រុម រៀល រកបានគ្រាប់បាល់ស្មើមកវិញ នៅនាទីចុងក្រោយ ដោយសារកីឡាករ «Lo Celso» របស់ក្រុមប៉ារីស បានយកដៃទាញកីឡាករ «Kroos» របស់ក្រុម រៀល បណ្ដាលឲ្យអាជ្ញាកណ្ដាល ផ្លុំកញ្ចែពិន័យ ឲ្យកីឡាករ រ៉ូណាល់ដូ (Cristiano Ronaldo) ទាត់បាល់១១ម៉ែត្រ។

បន្ទាប់មកទៀត ពីរគ្រាប់ចុងក្រោយរបស់ក្រុមរៀល រកបាននៅចុងបញ្ចប់នៃការប្រកួត (នាទីទី៨៣ និងនាទីទី៨៦) បង្ហាញថា ក្រុមប៉ារីសបាត់ការផ្ចង់អារម្មណ៍ នៅក្នុងការប្រកួត ឬអាចជាកំហុស [...]

 ការប្រកួត«ទៅ» រវាងក្រុម រៀលម៉ាឌ្រីត (Real Madrid) និងក្រុម ប៉ារីសស៊ាំងហ្សែរម៉ាំង (Paris Saint-Germain) វគ្គ១/៨ផ្ដាច់ព្រ័ត្រ ក្នុងក្របខណ្ឌជើង​ឯកអ៊ឺរ៉ុប (Champions League) នឹងប្រព្រឹត្តិទៅ ក្នុងប៉ុន្មានម៉ោងខាងមុខ ក្នុងយប់ថ្ងៃទី១៣ ខែកុម្ភៈនេះ នាកីឡាដ្ឋាន «Santiago-Bernabeu» នៃរាជធានី ម៉ាឌ្រីត ប្រទេសអេស្ប៉ាញ។ ការប្រកួតដែលបណ្ដាអ្នកនិយមបាល់ទាត់ នៅជុំវិញពិភពលោកទន្ទឹងរង់ចាំនេះ នឹងប្រព្រឹត្តិទៅ ក្រោមក្រសែរភ្នែកទស្សនាផ្ទាល់ នៅនឹងកីឡាដ្ឋាន ចំនួន៨១ ០០០នាក់ ដោយមានការពារសុវត្ថិភាព ពីកងកម្លាំងនគរបាល ចំនួន ១៨០០នាក់។

សម្រាប់នៅក្រៅកីឡាដ្ឋានវិញ ជំនួបរវាងក្រុមបាល់ទាត់​យក្សទាំងពីរ ជាការប្រកួតដ៏កម្រមួយ ដែលក្រុមអ្នកនិយមបាល់ទាត់ ដាក់ទំងន់យ៉ាងខ្លាំង ថាជាការប្រកួត រវាងកំពូល​តារា​បាល់ទាត់​ទាំងឡាយ ដែលកំពុងទាត់ ឲ្យក្រុមបាល់ទាត់ទាំងពីរ ដូចជាកីឡាករ គ្រីស្ទៀណូ រ៉ូណាល់ដូ (Cristiano Ronaldo) និងកីឡាករ [...]