ភេរវកម្មនៅស្ដុកខុល៖ រកឃើញគ្រាប់បែកក្នុងរថយន្ដដឹកទំនិញ ដែលបើកបុកសម្លាប់មនុស្ស
ទូរទស្សន៍ «SVT» ក្នុងប្រទេសស៊ុយអែដ បានស្រង់ប្រភពមួយស្និតនឹងការស៊ើបអង្កេត មកបញ្ជាក់ថា នគរបាលស៊ុយអែដ ទំនងជាបានរកឃើញគ្រាប់បែកឆ្នៃមួយសម្រាប់ នៅក្នុងរថយន្ដដឹកទំនិញ ដែលត្រូវបានប្រើប្រាស់ យកមកបំបុកចូលក្នុងហ្វូងមនុស្ស កាលពីរសៀលថ្ងៃសុក្រ ទី៧ ខែមេសា ម្សិលម៉ិញ កណ្ដាលរាជធានី ស្ដុកខុល (Stockholm) បណ្ដាលឲ្យមនុស្សយ៉ាងហោច ៤នាក់ស្លាប់ និង១៥នាក់ផ្សេងទៀតរងរបួស។
អ្នកនាំពាក្យនគរបាលស៊ុយអែដ អ្នកស្រី «Lars Byström» មិនបានបញ្ជាក់ ពីព័ត៌មានខាងលើនេះទេ នៅពេលដែលទីភ្នាក់ងារព័ត៌មាន អាល្លឺម៉ង់ «DPA» បានសាកសួរសុំប្រតិកម្ម។ អ្នកស្រីគ្រាន់តែនិយាយថា៖ «យើងមិនដែលធ្វើអត្ថាធិប្បាយ ពីអ្វីដែលយើងរកឃើញនោះទេ»។
ប្រភព ដែលស្រង់សំដីដោយទូរទស្សន៍ស៊ុយអែត បានអះអាងបន្ថែមថា គ្រាប់បែកនោះ មិនបានផ្ទុះឡើងទេ តែត្រូវបានរកឃើញ នៅក្នុងស្បោងមួយ ក្នុងរថយន្ដបង្កហេតុ [...]
