ចិន៖ រញ្ជួយដីដ៏ខ្លាំងនៅស៊ីឈ័ន មនុស្សយ៉ាងហោច៥៦នាក់ស្លាប់
ការរញ្ជួយដីដ៏ខ្លាំងមួយ បានវាយប្រហារជាទម្ងន់ខេត្ត ស៊ីឈ័ន (Sichuan) របស់ចិន បានសម្លាប់មនុស្សយ៉ាងហោច ណាស់៥៦នាក់ និងច្រើនជាង៦០០នាក់ទៀតរងរបួស។ គ្រោះធម្មជាតិ បានបន្ថែមទម្ងន់ទុក្ខ ទៅលើតំបន់នេះ ដែលល្បីថាជាតំបន់ក្រីក្រជាងគេ ហើយទើបនឹងរងនូវការរញ្ជួយដី កាលពីប្រាំឆ្នាំមុនមកហើយនោះ។
អាគារលំនៅដ្ឋានបានបាក់ស្រុត ដោយសារគ្រោះរញ្ជួយដី ក្នុងខេត្តស៊ីឈ័ន។
ប្រព័ន្ធផ្សព្វផ្សាយជាតិ បានអោយដំណឹងពីតុល្យភាព នៃជនរងគ្រោះ ដែលចេះតែកើនឡើង ជាលំដាប់។ ការិយាល័យឧត្តុនិយមចិន និងទូរទស្សន៍រដ្ឋ បាននិយាយថា គ្រោះថ្នាក់នេះ បានកើតឡើងនៅក្រោយម៉ោង៨ ព្រឹកថ្ងៃសៅរ៍ទី២០ខែមេសានេះ ហើយបានផ្ដួលអាគារទាំងឡាយ ដែលភាគច្រើនសង់ពីឥតថ្មនោះ។ តាមរូបថត និងវីដេអូ ដែលបានផ្សាយនៅតាមគេហទំព័រ មនុស្សជាច្រើន បានរត់នៅតាមផ្លូវ [...]
