វិបត្តិឧបទ្វីបកូរ៉េ៖ បាន គីមូន​ឲ្យ​ជជែក​គ្នា ចន ឃែរី ថា​របប​កុម្មុយនីស​«នឹង​ដួល​រលំ»

អគ្គលេខាធិការនៃអ.ស.ប. លោកបាន គីមូន (Ban Ki-moon) បានអះអាងថា ការសាកល្បងនុយក្លេអ៊ែរចុងក្រោយបំផុត របស់កូរ៉េខាងជើង ការគម្រាម និងកាយវិការបង្កហេតុទាំងឡាយ របស់ប្រទេសនេះ បានជម្រុញឲ្យសហគមន៍អន្តរជាតិ យល់ស្របគ្នា ដាក់កំណត់មិនចង់ឲ្យរបបកុម្មុយនីសដែលកំពុងតែឯកោស្រាប់ ក្លាយជារដ្ឋនុយក្លេអ៊ែរ។
Loading...
  • ដោយ: កេសរ កូល
  • កែប្រែចុងក្រោយ: April 18, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

អគ្គលេខាធិការនៃអ.ស.ប. លោកបាន គីមូន (Ban Ki-moon) បានអះអាងថា ការសាកល្បងនុយក្លេអ៊ែរចុងក្រោយបំផុត របស់កូរ៉េខាងជើង ការគម្រាម និងកាយវិការបង្កហេតុទាំងឡាយ របស់ប្រទេសនេះ បានជម្រុញឲ្យសហគមន៍អន្តរជាតិ យល់ស្របគ្នា ដាក់កំណត់មិនចង់ឲ្យរបបកុម្មុយនីសដែលកំពុងតែឯកោស្រាប់ ក្លាយជារដ្ឋនុយក្លេអ៊ែរ។


ការហ្វឹកហាត់យោធា របស់កងទ័ពកូរ៉េខាងត្បូង។ (រូបថត Reuter)

លោក បាន ដែលមានដើមកំណើតពីប្រទេសកូរ៉េខាងត្បូង បានប្រកាសក្នុងសន្និសិតកាសែត នៅថ្ងៃពុធទី១៧ខែមេសានេះ ថាស្ថានភាពនៅឧបទ្វីបកូរ៉េ នឹងអាចប្រែប្រួលបានយ៉ាងឆាប់រហ័សជាទីបំផុត។ លោកបានបង្ខំប្រទេសទាំងអស់ នៅក្នុង​តំបន់ ឲ្យបង្កើនការខំប្រឹង ក្នុងវិស័យការទូតរបស់ខ្លួន ដើម្បីបន្ថយភាពតានតឹង និងបញ្ជៀសនូវការគិតខុស ឬវិន្និច្ឆ័យ​លំអៀង​ទាំងឡាយ ដែលអាចនាំទៅដល់ការផ្ទុះអំពើហឹង្សា មិនអាចគ្រប់គ្រងបាន។

អគ្គលេខាធិការនៃអង្គការអន្តរជាតិដ៏កំពូល រូបនេះ បានស្នើសុំទៅមេដឹកនាំកូរ៉េខាងជើង ឲ្យបោះជំហានថយក្រោយខ្លះ និង​ធ្វើកិច្ចការដើម្បីលើកតម្កើន ភាពសម្បូររុងរឿងនៃប្រជាជនរបស់ខ្លួន។ លោកក៏បានបង្ខំអោយ ប្រទេសកុម្មុយនីស​មួយនេះ ឲ្យយកចិត្តទុកដាក់ ពីការហុចដៃរបស់ទីក្រុងសេអ៊ូល ដើម្បីការជជែកគ្នាមួយ ហើយបានបន្ថែមថា លោកនឹងតាមដាន​រឿង​នេះ ដើម្បីជួយសម្រួល ក្នុងការជជែកពិភាក្សាគ្នា ប្រកបដោយន័យស្ថាបនា។

របបក្រុងព្យុងយ៉ាងនឹងដួលរលំ បើគ្មានចិន

ដោយឡែក រដ្ឋមន្ត្រីការបរទេសអាមេរិក លោកចន ឃែរី (John Kerry) បានអោយដឹងកាលពីថ្ងៃពុធនេះដដែលថា របប​ក្រុងព្យុងយ៉ាងនឹងដួលរលំ បើគ្មានដង្ហើមសេដ្ឋកិច្ច ដើម្បីដក ផ្ដល់ដោយប្រទេសចិន «មិត្តចិត្តល្អ»របស់ខ្លួននោះទេ។

ថ្លែងនៅមុខគណកម្មាធិការកិច្ចការបរទេស នៃរដ្ឋសភាអាមេរិក លោកឃែរី បានបញ្ជាក់ថា រឿងដែលសំខាន់បំផុត​សម្រាប់​សហរដ្ឋអាមេរិក គឺត្រូវធ្វើការជាមួយទីក្រុងប៉េកាំង ដើម្បីប្រយុទ្ធតទល់នឹងការព្រួយបារម្ភ ដែលចេះតែកើនឡើង ទាក់ទង​នឹងការគម្រាមរបស់កូរ៉េខាងជើង និងគម្រោងការនុយក្លេអ៊ែររបស់ប្រទេសនេះ។

លោកឃែរី បាននិយាយថា ចរចារជាមួយនឹងទីក្រុងព្យុងយ៉ាង អស់ពេល១៥ឆ្នាំទៅ២០ឆ្នាំ បានបង្ហាញថា សហរដ្ឋ​អាមេរិក​មិនបានទទួលលទ្ធផលអ្វី ក្រៅតែពីការគម្រាមតាមកម្លាំងយោធា ប្រកបដោយហនិភ័យយ៉ាងខ្ពស់ ត្រឡប់មកវិញនោះទេ។

ការថ្លែងរបស់លោកប្រមុខការទូតអាមេរិក បានធ្វើនៅបន្ទាប់ពីលោក បានទៅធ្វើដំណើរទស្សនកិច្ចនៅប្រទេសចំនួនបី នៅ​ទ្វីបអាស៊ីខាងកើត ជាពិសេសជាមួយនឹងទីក្រុងប៉េកាំង។ លោកបានបញ្ជាក់ថា ចិនបានបង្ហាញពីបំណងរបស់ខ្លួន ថាចង់​ធ្វើការជាមួយនឹងទីក្រុងវ៉ាស៊ីតោន នៅលើដំណោះស្រាយការទូតមួយ។

ទោះបីជាយ៉ាងណាក៏ដោយ ក៏លោកឃែរី បានបន្ថែមដែរថា ចិនមានការព្រួយបារម្ភ ពីបញ្ហាមនុស្សធម៌ថានឹងអាចកើត​មាន​ខ្លាំង នៅជាប់នឹងព្រំដែនរបស់ខ្លួន ប្រសិនបើអស្ថិរភាព ចេះតែមានខ្លាំងឡើងៗ នៅលើឧបទ្វីបកូរ៉េ៕

-------------------------------------------------
ដោយ ៖ កេសរកូល - ភ្នំពេញ ថ្ងៃទី១៧​ ខែមេសា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...