Posts tagged as "Information"

ព្រោះភាពស្ងៀមស្ងាត់ របស់មន្រ្តីជំនាញ និងមន្រ្តីមានសមត្ថកិច្ច ក្នុងការតាមចាប់ និងស្វែងរកចាប់ខ្លួនលោក ឈូក បណ្ឌិត តាមដីការរបស់តុលាការនោះ នៅថ្ងៃនេះ លោក គឹម គុណវឌ្ឍន៍ អគ្គនាយកទូរទស្សន៍ជាតិ របស់ប្រទេសកម្ពុជា ដែលជាអ្នក មកពីខេត្តស្វាយរៀងដែរនោះ បានបង្ហើរសំណេរយ៉ាងខ្លី លើគណនីហ្វេសប៊ុក របស់លោកថា៖ «ជាកូន​អ្នក​ស្វាយរៀងម្នាក់ ខ្ញុំសូម លោក បណ្ឌិត ក្លាហាននឹងមកសារភាព ទទួលខុសតាមច្បាប់ទៅ»។

អគ្គនាយក ទូរទស្សន៍ជាតិកម្ពុជារូបនេះ បានបង្ហាញនូវទស្សនៈផ្ទាល់ ជូនដល់លោក ឈូក បណ្ឌិត ដែលកំពុងពួន​សង្ងំ​លាក់ខ្លួន ដូចសត្វ«ពង្រូ» ដែលបាត់តែមុខ តែខ្លួននៅកណ្តាលវាល យ៉ាងដូច្នេះថា «លោកមិនអាចរស់នៅ ដោយទុកឲ្យ​កិត្តិយសគ្រួសារ កិត្តិយសអ្នកស្រុក-អ្នកភូមិ បាត់បង់នោះទេ។ វាជាសេចក្តីថ្លៃថ្នូរ ក្នុងនាមជាមនុស្ស  (...) ដែលជាអតីត​មន្រ្តីម្នាក់។»

យ៉ាងណា ចំពោះការលើកឡើងខាងលើ របស់លោក គឹម គុណវឌ្ឍន៏ ជាចេតនា [...]

និពន្ធនាយកកាសែតរស្មីកម្ពុជា និងជានិពន្ធនាយក ឲ្យស្ថាប័នសារព័ត៌មាន ក្នុងស្រុកចំនួនពីរ លោក ប៉ែន សមិទ្ធិ បាន​ទទួលមរណភាព ដោយរោគាពាធហើយ នាព្រឹកថ្ងៃទី៣០ ខែមីនា ឆ្នាំ២០១៥នេះ នៅមន្ទីរពេទ្យកាល់ម៉ែត ក្នុង​ជន្មាយុ​៥៤ឆ្នាំ។

លោក គឹម គុណវឌ្ឍន៍ អគ្គនាយកទូរទស្សន៍ជាតិកម្ពុជា បានបង្ហោះព័ត៌មាន នៅលើគណនីហ្វេសប៊ុកផ្ទាល់ របស់លោក​ថា៖ «សូមចូលរួមទុក្ខក្រៀមក្រំ ជាមួយគ្រួសារបង សមិទ្ធិ និងក្រុមគ្រួសារអ្នកកាសែតខ្មែរ ដែលបាត់បង់ លោក ប៉ែន សមិទ្ធិ»។

ក្នុងគណនីហ្វសប៊ុក របស់លោក លោក ឆាយ សុផល ដែលជាសមាជិក នៃក្លឹបអ្នកការសែតកម្ពុជា បានសរសេរដូចគ្នា​នេះដែរថា៖ «ខ្ញុំគ្រាន់តែចង់ជូនដំណឹង ដ៏ក្រៀមក្រំមួយថា បង ប៉ែន សមិទ្ធិ បាន ស្លាប់ហើយ កាលពីព្រឹកមិញ វេលា​ម៉ោង​ប្រមាណ ៧:១០ នៅមន្ទីរពេទ្យ ដោយសាររោគាពាធ»។

ក្នុងអាយុ ៥៤ឆ្នាំ លោក ប៉ែន សមិទ្ធិ បានលាចាកលោកនេះទៅ តែប៉ុន្មានថ្ងៃ បន្ទាប់ពីលោក [...]

នរណាមួយមិនភ្ញាក់ផ្អើល នៅពេលដែលបានបើក លេងហ្វេសប៊ុក នៅព្រឹកថ្ងៃសុក្រ ទី២០ ខែមីនា ម្សិលម៉ិញនេះ ស្រាប់​​តែឃើញ គណនីរបស់មន្ត្រីឃ្លាំមើលសិទ្ធិមនុស្ស របស់សមាគមការពារសិទ្ធិមនុស្ស អាដហុក (Adhoc) ប្រចាំ​ខេត្ត​រតនគិរី លោក ឆាយ ធី បង្ហោះវីដេអូឃ្លីបមួយ ដែលមានលក្ខណៈកូនជ្រូក អាសអាភាស ទៅគ្រប់មិត្តភ័ក្តិ ដែលមាន​ទំនាក់​ទំនង​ហ្វេសប៊ុក ជាមួយលោក។

លោក ឆាយ ធី ដែលល្បីល្បាញខាងការឃ្លាំមើល ការរំលោភដីធ្លី ឬការបំផ្លាញធនធានធម្មជាតិ នៅខេត្តភាគឦសាន្ដ នៃ​ប្រទេសកម្ពុជា ត្រូវបានជនខិលខូច លួចហែក (Hack) គណនីហ្វេសប៊ុករបស់លោក បន្ទាប់មកបានបង្ហោះវីដេអូនេះ ដែលមានលក្ខណៈ ជាការផ្សាយពាណិជ្ជកម្ម ឲ្យទៅខ្សែភ្ជាប់មួយផង ទៅលើជញ្ជាំងរបស់មិត្តហ្វេសប៊ុកនានា របស់​លោក។ ពីក្នុងចំណោមមិត្តហ្វេសប៊ុករបស់លោក ក៏មានលោក អ៊ំ វ៉ារី អ្នកសារព័ត៌មាន របស់ទស្សនាវដ្ដី​មនោរម្យ.​អាំងហ្វូ ម្នាក់ផង ដែលបានទទួលនូវវីដេអូពិសេសនេះ។

លោក សុខ សេរី នាពេលកន្លងមក ក្នុងការបំពេញការងារ របស់លោក ជាអ្នកសារព័ត៌មាន លោកតែង ធ្វើទំនាក់ទំនង ជាមួយបណ្តាមិត្តរួមអាជីពទាំងអស់ ដែលលោកស្គាល់ តាមរយៈកម្មវិធី វ៉ាត់អាប់ (WhatsApp) ក្នុងទូរស័ព្ទរបស់លោក។ គឺតាមរយៈកម្មវិធីនេះហើយ ដែលទស្សនាវដ្តីមនោរម្យ.អាំងហ្វូ បានទទួលនូវសម្លេងរបស់លោក និងអាចជាសម្លេងចុង​ក្រោយរបស់លោក មុនពេលលាចាកលោក។

លោក សុខ សេរី និពន្ធនាយកព័ត៌មានស្ថានីយទូរទស្សន៍អាស៊ីអាគ្នេយ៍ (SEATV) និងជាអតីតអ្នកយកព័ត៌មាន ជាង​១០ឆ្នាំ ឲ្យវិទ្យុអាស៊ីសេរី បានទទួលមរណភាពដោយជំងឺស្ទះសសៃឈាម និងជំងឺសួត កាលពីថ្ងៃអាទិត្យ ទី១៥ ខែមីនា ឆ្នាំ២០១៥ វេលាម៉ោង ជិត១០ព្រឹក ក្នុងវ័យ៤៣ឆ្នាំ។ តាមប្រភពដែលស្និត នឹងគ្រួសាររបស់លោក បានបញ្ជាក់ប្រាប់ថា ក្រៅពីជំងឺដ៏រ៉ាំរ៉ៃទាំងពីរខាងលើ លោក សុខ សេរី ទំនងជារងគ្រោះ នឹងជំងឺទឹកនោមផ្អែមមួយទៀត។

យ៉ាងណាក៏ដោយ លោកតែងតែធ្វើការតស៊ូ ទៅពិនិត្យ និងព្យាបាលជាប្រចាំ។ [...]

លោក ម៉ម សូណង់ដូ ប្រធានវិទ្យុសំបុកឃ្មុំ បានព្រមានថា នឹងប្តឹងអតីតបុគ្គលិក ដែលលោកបានបញ្ឈប់នោះ រួម​ទាំង​អ្នក​នៅពីក្រោយផង ទៅកាន់តុលាការ ពីបទមានចេតនា បំបិទសំឡេងវិទ្យុសំបុកឃ្មុំ។ លោក ម៉ម សូណង់ដូ បានចង្អុល ទៅប្រធានសហជីពប្រជាធិបតេយ្យ កម្មករកាត់ដេរកម្ពុជា លោក អាត់ ធន់ ថាជាអ្នកញុះញង់ និងនៅពីក្រោយការតវ៉ា របស់អតីតបុគ្គលិករបស់លោក។

ការថ្លែងរបស់លោក ម៉ម សូណង់ដូ បានធ្វើឡើង ក្នុងសន្និសិទសារព័ត៌មានមួយ កាលពីព្រឹកថ្ងៃទី១៣ ខែមីនា នេះ នៅ​ទីស្នាក់ការវិទ្យុសំបុកឃ្មុំ បន្ទាប់ពីក្រុមបុគ្គលិក បានធ្វើកូដកម្ម តាំងពីថ្ងៃទី១១ ខែមីនានេះ នៅលើទីតាំង ស្ថិតនៅ​បណ្តោយ​ផ្លូវ៨៦ BT ភូមិត្នោតជ្រំ សង្កាត់បឹងទំពុន ខណ្ឌមានជ័យ រាជធានីភ្នំពេញ។ ក្រុមបុគ្គលិកទាំងនោះ បានធ្វើការ​ទាមទារ​ឲ្យលោក លោក ម៉ម សូណង់ដូ បើកប្រាក់ខែសម្រាប់ខែកុម្ភៈ និងផ្តល់នូវប្រាក់អត្ថប្រយោជន៍ ទៅតាម​ច្បាប់​ការងារ នៅពេលបុគ្គលិកធ្វើការ [...]