Posts tagged as "Circulation"

បុរសជិះម៉ូតូ២នាក់ បានស្លាប់ នៅក្នុងគ្រោះថ្នាក់ចរាចរណ៍មួយ នៅលើបណ្តោយផ្លូវជាតិលេខ៤ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ វេលាម៉ោង៤ទាបភ្លឺ ថ្ងៃទី២៣ ខែ សីហា ឆ្នាំ២០១៥។

គ្រោះថ្នាក់នេះបង្កដោយរថយន្តទេសចរណ៍ ១២ កៅអីម៉ាកសាំយ៉ុង ពណ៍ទឹកប្រាក់ ពាក់ស្លាកលេខ 2Z 4992 ភ្នំពេញ បានបើកទៅបុកម៉ូតូមួយគ្រឿង ម៉ាកវេវ (wave) ពណ៍ខ្មៅស្លាកលេខ 1AJ 8690 ភ្នំពេញ ដែលបើក​បញ្រ្ចាស​ទិសគ្នា។ ប៉ុន្តែគេមិនស្គាល់អត្តសញ្ញាណជនបង្ក និងជនរងគ្រោះនោះទេ។

ក្រោយពេលកើតហេតុ អធិការនគរបាលខណ្ឌពោធិ៍សែនជ័យលោក យឹម សារ៉ាន់ បានមកធ្វើអន្តរាគមន៍ នៅ​កន្លែងកើតហេតុ និងបានយករថយន្តបង្ក និងម៉ូតូរងគ្រោះទៅដោះស្រាយ នៅចរាចរណ៍ក្រុង។ ចំណែកអ្នក​បើក​រថយន្តបង្ក បានរត់គេចខ្លួន បាត់ដោយសុវត្ថិភាព។

តាមលោក យឹម សារ៉ាន់ បានឲ្យដឹងទៀតថា គ្រោះថ្នាក់នេះបង្កឡើង ដោយរថយន្តក្រុង១២កៅអី។ ប៉ុន្តែ​មិន​ដឹង​ពីមូលហេតុ ដែលបង្កឲ្យមានគ្រោះថ្នាក់នេះឡើយ៕

ជនរងគ្រោះ​ព្រោះអ្នកបើកបរ​រថយន្ដ​ខ្លួនឯង​នេះ ជាលោកវរសេនីយ៍ទោ (សក្ដិ៤កន្លះ) អ៊ុំ ចន្ទណារិទ្ធ មានថានៈ ជានាយការិយាល័យ នៃស្នងការនគរបាលខេត្ត តាកែវ។ លោកត្រូវបានអ្នកបើកបររថយន្តផ្ទាល់ខ្លួន ថយ​រថយន្ត​បុកស្លាប់ នៅផ្ទះរបស់លោក កាលពីយប់ថ្ងៃទី២១ ខែសីហា ឆ្នាំ២០១៥ ក្នុងភូមិ២ សង្កាត់រកាក្នុង ក្រុងដូនកែវ ខេត្តតាកែវ។

ប្រភពពីសមត្ថកិច្ចខេត្ត ក្នុងការស៊ើបអង្កេតជំហានដំបូង ហើយត្រូវបានដកស្រង់ ដោយសារព័ត៌មាន​ក្នុង​ស្រុក ជាច្រើននោះ បានបញ្ជាក់ថា នៅយប់នោះ លោក អ៊ុំ ចន្ទណារិទ្ធ បានជិះរថយន្ដត្រឡប់មកផ្ទះវិញ បន្ទាប់ពី​បាន​ទៅកន្លែងផឹកស៊ី ជាមួយនឹងមិត្តភក្តិ។ លុះមកដល់ផ្ទះ ជនរងគ្រោះ បានចុះពីលើរថយន្ត ដើម្បីមកធ្វើសញ្ញា ឲ្យ​អ្នក​បើក​រថយន្តរបស់លោក ថយរថយន្តចូលផ្ទះ។

ប៉ុន្តែគេនៅមិនទាន់ដឹងថា តើអ្នកបើកបរបានស្រវឹងស្រា ឬជាការធ្វេសប្រហេស ឬអាចជាការប៉ុនប៉ង​ធ្វើ​ឃាត​នោះទេ ប៉ុន្តែជនបង្ករូបនេះ បានថយរថយន្ដបុកលោកសក្ដិ៤កន្លះ [...]

រថយន្តរងគ្រោះថ្នាក់ ម៉ាកស៊ាំយ៉ុង ពណ៍ស ស្លាកលេខ ភ្នំពេញ២R-៣០៩០ បានបើកបរ​តាមបណ្តោយ ផ្លូវ​២៧១ រហូតដល់ជិតគល់ស្ពានស្ទឹងមានជ័យ ក្នុងសង្កាត់ទំនប់ទឹក ខណ្ឌចំកាមន។ ប៉ុន្តែដោយភាពងងុយ​ដេក របស់​អ្នកបើកបរ រថយន្ដបានជ្រុលចង្កូត ទៅបុកថ្មចែកផ្លូវអស់ពីរផ្ទាំង បណ្តាលឲ្យរថយន្តក្រឡាប់ ផ្ងារ​ជើង​តែ​ម្តង។

ករណីគ្រោះថ្នាក់ក្រឡាប់ឡានខាងលើ សាក្សីបានបញ្ជាក់ថា មិនបណ្តាលឲ្យអ្នកបើកបរ រងររបួសនោះទេ រីឯ​ឡានក្រឡាប់ទៅម្ខាង នៅលើផ្លូវនោះ ក៏មិនបានបង្កការប៉ះពាល់ ដល់អ្នកដ៏ទៃដែរ។

បន្ទាប់ពីគ្រោះថ្នាក់ សមត្ថកិច្ចបានចុះមកវាស់វែង និងស្ទួចយករថយន្តទៅរក្សាទុក នៅការរិយាល័យ​​ចរាចរណ៍​ផ្លូវគោក រាជធានីភ្នំពេញ ដើម្បីរងចាំឲ្យម្ចាស់ ចូលខ្លួនមកដោះស្រាយ នៅពេលក្រោយ។ ភ្លាមៗនោះ មន្រ្តី​ចរាចរណ៍​ធ្វើការរៀបចំថ្ម ដែលបាក់ និងដួលរណូករណែល ឲ្យមានរបៀបរៀបរយបន្តិចវិញ ដើម្បី​បញ្ជៀស កុំឲ្យ​អ្នកបើកបរផ្សេងទៀត អាចនឹងជួបគ្រោះថ្នាក់៕

គ្រោះថ្នាក់ចររាចរណ៍ មិនជាធំដុំ តែបានបង្កការភ្ញាក់ផ្អើល នៅតាមបណ្តោយផ្លូវ ២០៥ កែងផ្លូវ ៣២៨ក ហើយ​វា​ក៏ជាហេតុការណ៍ ដែលបានប្រាប់ ទៅអ្នកប្រើប្រាស់ទ្រូងផ្លូវគ្រប់រូប ថាត្រូវមានការប្រុងប្រយ័ត្ន គោរពពីគម្លាត​នៃ​ការបើកបរ (រវាង​យាន្ដ​ពីរ) និងមានការយល់អធ្យាស្រ័យគ្នា។

ឡានដែលរងការខូចខាតម៉ាក LEXUS RX ៣៥០ ស្លាកលេខភ្នំពេញ ២AD-៣៤៥៩ បើកបរដោយ​បុរស​ម្នាក់ ជិះជាមួយប្រពន្ធ កំពុងធ្វើដំណើរទៅតាមផ្លូវខាងលើ ត្រូវបានរ៉ឺម៉កដឹកស្លឹកគ្រៃបុកពីក្រោយ នៅពេល​ដែល​​គាត់​ជាន់ហ្វ្រាំងឈប់ភ្លាមៗ ព្រោះផ្លូវចង្អៀត។ ដោយឡែក រ៉ឺម៉កដែលមានដឹកស្លឹកគ្រៃ មិនអាចឈប់ ទាន់​​ពេល​​បាន ក៏ជ្រុលទៅបុកឡានខាងលើ ពីក្រោយបណ្តាលឲ្យ មានការខូចខាតមួយចំនួន។

ភ្លាមៗ បន្ទាប់ពីមានបញ្ហា ម្ចាស់រ៉ឺម៉កដឹកស្លឹកគ្រៃ ដែលជាយុវជនម្នាក់ អាយុប្រមាណជាង២០ឆ្នាំ មិនស្គាល់​អត្តសញ្ញាណ និងដែលកំពុងធ្វើដំណើរចេញ ពីផ្សារដើមគ ឆ្ពោះទៅកាន់កំពង់ដរអរិយ៍ក្សត្រនោះ [...]